Sukkaan Madiinat al-Khudus
1 Wa kulla Bani Israaʼiil hasaboohum wa sajjalo usumhum fi kitaab muluuk Bani Israaʼiil.
Wa naas Bani Yahuuza waddoohum fi l-khurba fi balad Baabil achaan iso Allah. 2 Wa awwal naas al-gabbalo min al-khurba wa jo fi hillaalhum ard warasathum, humman naas min Bani Israaʼiil rujaal al-diin al-Laawiyiin wa l-khaddaamiin hana beet Allah. 3 Wa l-naas al-jo wa sakano fi Madiinat al-Khudus, humman min gabaayil Yahuuza wa Banyaamiin wa Afraayim wa Manassa.
4 Wa min gabiilat Yahuuza, ja Utaay wileed Amihuud wileed Umri wileed Imri wileed Baani min khachum beet Faaris wileed Yahuuza.
5 Wa min khachum beet Chiilooh, ja Asaaya wileed al-bikir hana aayiltah wa iyaalah.
6 Wa min khachum beet Zaarah, ja Yaʼuwiil.
Wa kulla l-naas al-min gabiilat Yahuuza al-sakano fi Madiinat al-Khudus, adadhum 690.
7 Wa min gabiilat Banyaamiin fiyah
Sallu wileed Machullam wileed Hudawya wileed Hasnu8 wa Yibniya wileed Yaruuhaamwa Iila wileed Uzzi wileed Mikriwa Machullam wileed Chafatya wileed Raʼuwiil wileed Yibniiya.9 Wa kulla l-naas al-min gabiilat Banyaamiin al-sakano fi Madiinat al-Khudus, adadhum 956. Wa kulla l-naas dool, ayyi waahid kabiir fi aayiltah.
10 Wa min rujaal al-diin fiyah
Yadaʼyawa Yuyaaribwa Yaakiin11 wa Azarya wileed Hilkhiiya wileed Machullam wileed Saduukh wileed Marayuut wileed Akhituub wa hu masʼuul fi beet Allah12 wa Adaaya wileed Yaruuhaam wileed Fachhuur wileed Malkiiyawa Maʼasaay wileed Adiyiil wileed Yahziira wileed Machullam wileed Machillimuut wileed Immiir.13 Wa maʼa akhwaanhum rujaal al-diin al-aakhariin, al-naas dool kubaaraat fi aayilaathum wa adadhum 1 760 rujaal gaadriin fi khidmit beet Allah.
14 Wa min al-Laawiyiin fiyah
Chamaʼya wileed Hachuub wileed Azrikhaam wileed Hachabya min zurriiyit Maraari15 wa Bagbagarwa Haraachwa Galaalwa Mattanya wileed Miika wileed Zikri wileed Asaaf16 wa Ubadya wileed Chamaʼya wileed Galaal wileed Yaduutuunwa Barakya wileed Aasa wileed Alikhaana. Wa Alikhaana sakan fi l-hillaal al-taabʼiin madiinat Natuufa.17 Wa min hurraas al-biibaan fiyah Challuum al-masʼuul wa Akhuub wa Talmuun wa Akhimaan wa akhwaanhum. 18 Wa lahaddi l-yoom kula, zurriiyithum bas gaaʼide tahris al-baab al-sabhaani hana beet Allah al-binaaduuh baab al-Malik. Wa juduudhum bas al-zamaan hurraas hana furgaan al-Laawiyiin. 19 Wa Challuum hu wileed Khuuri wileed Abiyaasaf wileed Khuurah. Wa hu maʼa akhwaanah al-min zurriiyit Khuurah masʼuuliin fi khidmit hurraas madkhal kheemat al-ijtimaaʼ. Wa da misil juduudhum awwal kula hurraas fariig chaʼab Allah. 20 Wa zamaan Fiinhaas wileed Aliʼaazar, hu bas kabiirhum wa Allah maʼaayah.
21 Wa Zakariiya wileed Machalaamya, hu bas al-gaaʼid yahris baab kheemat al-ijtimaaʼ. 22 Wa l-rujaal al-azaloohum hurraas hana l-biibaan adadhum 212. Humman sajjaloohum min hillaalhum al-wildoohum fooghum. Wa Dawuud wa l-nabi Samuwiil humman bas al-kallafoohum be l-khidme di daayman. 23 Wa humman wa iyaalhum hafado khidmit hafidiin kheemat al-ijtimaaʼ wa haraasat biibaan beet Allah.
24 Wa l-hurraas dool gaaʼidiin fi l-biibaan hana l-arbaʼa jiihe, sabaah wa kharib wa wati wa munchaakh. 25 Wa akhwaanhum al-gaaʼidiin fi hillaalhum yaju leehum fi kulla wakit achaan yisaaʼuduuhum fi l-haraasa le muddit sabʼa yoom. 26 Wa laakin al-kubaaraat al-arbaʼa hana l-hurraas yagoodu daayman. Wa l-Laawiyiin dool masʼuuliin fi l-buyuut wa l-makhaazin hana beet Allah. 27 Humman yunuumu hawaale beet Allah achaan yahfadooh wa yaftaho al-biibaan kulli sabaah.
28 Wa waahidiin min al-Laawiyiin masʼuuliin fi hisaab muʼiddaat al-ibaada wakit yichiiluuhum wa yijiibuuhum. 29 Wa waahidiin minhum masʼuuliin fi kulla l-muʼiddaat al-mukhassasiin wa fi l-dagiig wa l-khamar wa l-dihin wa l-samukh al-muʼattar wa l-itir. 30 Wa laakin rujaal al-diin bas yikhalbutu al-itir. 31 Wa Mattitya, hu waahid min al-Laawiyiin wa hu bikir Challuum min zurriiyit Khuurah. Hu daayman masʼuul be sawwiyiin al-kaʼak. 32 Wa waahidiin min al-Laawiyiin al-aakhariin al-humman min zurriiyit Gahaat, humman dool masʼuuliin be sawwiyiin al-khubza al-yigaddumuuha le Allah kulli yoom sabt. 33 Wa kubaaraat aayilat al-Laawiyiin al-mukallafiin be khine, khattoohum fi buyuut taraf wa ma antoohum khidme aakhara achaan humman gaaʼidiin yakhdumu leel wa nahaar.
34 Wa dool bas kubaaraat aayilat al-Laawiyiin ayyi waahid hasab zurriiytah. Wa humman saakniin fi Madiinat al-Khudus.
Zurriiyit Chaawuul
35 Wa Yaʼiyiil abu Gibʼuun sakan fi hillit Gibʼuun maʼa martah al-usumha Maʼaaka. 36 Wa wileedah al-bikir usmah Abduun wa awlaadah al-aakhariin humman Suur wa Khiich wa Baʼal wa Niir wa Nadaab 37 wa Gaduur wa Akhyu wa Zakariiya wa Mikhluut. 38 Wa Mikhluut wilid Chimaam. Wa humman kula sakano fi Uruchaliim maʼa akhwaanhum al-min khachum beethum.
39 Wa Niir wilid Khiichwa Khiich wilid Chaawuulwa Chaawuul wilid Yuunataan wa Malkichuuʼ wa Abinadaab wa Ichbaʼal.40 Wa Yuunataan wilid Mariibaʼalwa Mariibaʼal wilid Miika.41 Wa awlaad Miika humman Fiituun wa Maalik wa Taahriʼ.42 Wa Ahaaz wilid Yaʼarawa Yaʼara wilid Alamaat wa Azmaawat wa Zimri.Wa Zimri wilid Mussa.43 Wa Mussa wilid Binʼawa Binʼa wilid Rafaayawa Rafaaya wilid Alʼaasawa Alʼaasa wilid Asiil.44 Wa Asiil wilid sitte awlaad wa humman Azrikhaam wa Bukru wa Ismaaʼiil wa Chaʼarya wa Ubadya wa Hanaan. Wa dool kulluhum awlaad Asiil.© Arabe tchadien (alphabet latin) Bible © Alliance Biblique du Tchad, 2019.
