Muusa yahsib Bani Israaʼiil
1 Fi saharat Siinaaʼ, Allah hajja le Muusa fi kheemat al-ijtimaaʼ wa da fi l-yoom al-awwal hana l-chahar al-taani fi l-sana al-taaniye baʼad marigiin Bani Israaʼiil min balad Masir. Wa Allah gaal : 2 «Ahsubu kulla l-naas min mujtamaʼ Bani Israaʼiil hasab khuchuum buyuuthum wa aayilaathum. Wa sajjulu asaame kulla l-rujaal al-min Bani Israaʼiil 3 al-umurhum min 20 sana wa foog al-yagdaro le khidmit al-askariiye. Inta wa Haaruun ahsubuuhum hasab majmuuʼaathum. 4 Wa chiilu maʼaaku min ayyi gabiila raajil waahid kabiir aayiltah. 5 Wa daahu asaame al-rujaal al-yukuunu maʼaaku.
Min gabiilat RaʼuubiinAlisuur wileed Chadayuur.
6 Wa min gabiilat ChimʼuunChalumiyiil wileed Surichadaay.
7 Wa min gabiilat YahuuzaNahchuun wileed Aminadaab.
8 Wa min gabiilat YassaakarNataniil wileed Suuʼar.
9 Wa min gabiilat ZabuluunAliyaab wileed Hiiluun.
10 Wa min zurriiyit Yuusuf kamaan min gabiilat AfraayimAlichamaʼ wileed Amihuud
wa min gabiilat ManassaGamaliyiil wileed Fadahsuur.
11 Wa min gabiilat BanyaamiinAbidaan wileed Gidʼuuni.
12 Wa min gabiilat DaanAkhiʼaazar wileed Amichadaay.
13 Wa min gabiilat AchiirFagʼiyiil wileed Ukran.
14 Wa min gabiilat GaadAliyaasaf wileed Daʼuwiil.
15 Wa min gabiilat NaftaaliAkhiiraʼ wileed Inaan.»
16 Wa humman dool mumassiliin mujtamaʼ Bani Israaʼiil. Wa ayyi waahid cheekh fi gabiiltah wa humman bas kubaaraat hana khuchuum buyuut Bani Israaʼiil. 17 Wa Muusa wa Haaruun chaalo maʼaahum kulla l-kubaaraat al-azaloohum dool.
18 Wa fi nafs al-yoom da yaʼni al-yoom al-awwal hana l-chahar al-taani, humman lammo kulla l-mujtamaʼ wa sajjalo asaame kulla l-rujaal al-umurhum min 20 sana wa foog hasab khuchuum buyuuthum wa aayilaathum. 19 Wa khalaas Muusa hasabaahum fi saharat Siinaaʼ misil Allah amarah beyah.
20-43 Ayyi gabiila min Bani Israaʼiil hasabooha hasab khuchuum buyuutha wa aayilaatha wa sajjalo asaame al-rujaal al-umurhum min 20 sana wa foog al-yagdaro le khidmit al-askariiye. Wa bado be gabiilat Raʼuubiin bikir Israaʼiil wa daahu adadhum.
Wa min gabiilat Raʼuubiinhasabo 46 500 raajil.
Wa min gabiilat Chimʼuunhasabo 59 300 raajil.
Wa min gabiilat Gaadhasabo 45 650 raajil.
Wa min gabiilat Yahuuzahasabo 74 600 raajil.
Wa min gabiilat Yassaakarhasabo 54 400 raajil.
Wa min gabiilat Zabuluunhasabo 57 400 raajil.
Wa min gabiilat Afraayim wileed Yuusufhasabo 40 500 raajil.
Wa min gabiilat Manassa wileed Yuusufhasabo 32 200 raajil.
Wa min gabiilat Banyaamiinhasabo 35 400 raajil.
Wa min gabiilat Daanhasabo 62 700 raajil.
Wa min gabiilat Achiirhasabo 41 500 raajil.
Wa min gabiilat Naftaalihasabo 53 400 raajil.
44 Wa da adad al-naas al-hasaboohum Muusa wa Haaruun wa l-chuyuukh al-atnaachar al-yimassulu aayilaat Bani Israaʼiil. 45 Wa rujaal Bani Israaʼiil al-umurhum min 20 sana wa foog al-yagdaro le khidmit al-askariiye hasaboohum hasab aayilaathum 46 wa adadhum bigi 603 550 raajil.
47 Wa laakin rujaal gabiilat Laawi ma hasaboohum maʼa l-aakhariin. 48 Achaan Allah gaal le Muusa : 49 «Gabiilat Laawi ma tahsibha wa la tisajjilha maʼa Bani Israaʼiil. 50 Kallifhum be kheemat al-ibaada al-foogha al-sanduug al-indah liihaan al-muʼaahada wa kulla muʼiddaatha wa kulla cheyy al-foogha. Humman yichiilu al-kheema di wa kulla muʼiddaatha wa yakhdumu foogha wa yanzulu hawaaleeha. 51 Wa wakit tisiiru, al-Laawiyiin bas yifartuguuha. Wa wakit tanzulu kula, humman bas yabnuuha. Laakin ayyi naadum aakhar kan yigarrib le l-kheema di, waajib yumuut. 52 Khalli Bani Israaʼiil yanzulu ayyi waahid fi muʼaskarah wa ayyi waahid tihit raaytah fi majmuuʼtah al-askariiye. 53 Wa laakin al-Laawiyiin khalli yanzulu hawaale kheemat al-ibaada al-foogha al-sanduug al-indah liihaan al-muʼaahada wa yahfadooha. Wa be da, khadabi ma yanzil fi kulla mujtamaʼ Bani Israaʼiil.»
54 Wa khalaas, Bani Israaʼiil sawwo kulla cheyy misil Allah amar beyah Muusa.
© Arabe tchadien (alphabet latin) Bible © Alliance Biblique du Tchad, 2019.
