1 Mufaarig al-jamaaʼa yitaabiʼ chahwaatah
wa yugumm didd kulla fikir naafiʼ.
2 Al-matmuus ma yafrah be l-raay al-adiil.
Hu yiwassif illa l-galbah yuguulah leyah.
3 Al-isyaan yijiib al-hugra
wa l-muʼyaar yijiib al-eeb.
4 Kalaam al-insaan misil almi al-khariig.
Al-hikma misil almi al-jaari min al-een.
5 Ma adiil tansur al-aasi
wa la tazlum al-saalih fi l-chariiʼa.
6 Kalaam al-matmuus yijiib al-huraaj
wa lisaanah yijiib al-duwaas.
7 Kalaam al-matmuus yahalkah
wa lisaanah charak le nafsah.
8 Kalaam al-gawwaal misil al-halaawa,
taakulah wa yanzil fi batnak.
9 Al-yakhdim be kasal
wa l-yakhrib al-amal,
humman dool akhwaan.
10 Usum Allah hu misil beet tawiil wa gawi.
Al-saalih yatlaʼ foogah
wa cheyy ma yalhagah.
11 Al-khani yitwakkal fi maalah
misil hille gawiiye
wa misil durdur
wa yahsib cheyy ma yalhagah.
12 Gabul al-kharaab, al-istikbaar
wa gabul al-charaf, al-tawaaduʼ.
13 Al-yurudd fi l-kalaam gubbaal ma yasmaʼah
yiwassif nifaakhah wa eebah.
14 Al-galib al-murtaah yahmal al-marad
wa laakin al-galib al-haznaan, yaatu yichajjiʼah ?
15 Al-faahim le l-maʼrafa yalgaaha
wa l-hakiim kula yifattichha.
16 Hadiiyat al-insaan tisahhil leyah derbah
wa maʼa l-kubaaraat kula, hi tigaabilah.
17 Al-yihajji awwal,
al-naas yahsubu indah hagg
wa laakin wakit gabiilah yihajji,
yikaddibah.
18 Amʼiyeedaat tiwaggif al-huraaj
wa tihaajiz ambeenaat al-chudaad.
19 Zaʼal akhuuk zariibe beenah wa beenak
wa l-huraaj yagfil galbah minnak.
20 Min kalaam khachmah,
al-insaan yamla batnah
wa yachbaʼ min natiijat lisaanah.
21 Al-lisaan yijiib al-moot wa l-haya.
Al-yihibb al-kalaam yilhammal natiijtah.
22 Al-ligi zooja ligi al-kheer
wa l-mara niʼma min Allah.
23 Al-fagri yachhad be kalaam layyin
wa laakin al-khani yurudd be kalaam jafi.
24 Akheer indak rafiig
yihibbak ziyaada min akhuuk
min indak rufgaan katiiriin
al-yudurruuk.
© Arabe tchadien (alphabet latin) Bible © Alliance Biblique du Tchad, 2019.
