Khine, mazmuur le Dawuud
1 Ya Rabb, galbi saabit.
Ana nikhanni leek wa namdahak be kulla galbi, ya Allah !
2 Agoodu waaʼiyiin,
ya amsibeybe wa l-jigindiiye !
Ana niwaʼʼi al-chagaag.
3 Ya Allah ! Ana nachkurak fi ust al-chuʼuub
wa namdahak fi ust al-umam.
4 Achaan rahmatak kabiire min al-sama
wa amaanak lihig lahaddi l-sahaab.
5 Ya Rabb, wassif azamatak fi l-sama
wa wassif majdak fi kulla l-ard.
6 Rudd leena ! Wa be iidak al-zeene, najjiina
achaan mahbuubiinak yalgo al-naja.
7 Al-Rabb kallam fi bakaanah al-mukhaddas :
«Ana ninbasit ! Wa nigassim hillit Chakiim
wa nigaawis waadi Sukkuut.
8 Turaab Gilʼaad leyi
wa ard Manassa kula leyi.
Wa ard Afraayim misil taagiiye al-tahmi raasi
wa balad Yahuuza misil asaat mulki.
9 Balad Muwaab misil maaʼuun baruudi
wa balad Adoom misil bakaan al-nazgul foogah naʼaali.
Wa didd balad al-Filistiyiin,
nikoorik korooraak al-harib !»
10 Yaatu al-yiwaddiini le l-madiina al-gawiiye ?
Yaatu al-yuguudni lahaddi balad Adoom ?
11 Ma inta, al-Ilaah al-taradtina walla ?
Ma inta, al-Rabb al-aba ma yamrug maʼa askarna walla ?
12 Taʼaal ! Saaʼidna didd aduuna
achaan fazaʼ al-insaan ma madmuun.
13 Wa laakin maʼa l-Rabb, nalgo al-gudra
wa hu bas yifajjikh udwaanna.
© Arabe tchadien (alphabet latin) Bible © Alliance Biblique du Tchad, 2019.
