1 Wakit Bani Israaʼiil marago min balad Masir
wa humman zurriiyit Yaakhuub
al-marago min usut chaʼab ajnabi,
2 Bani Yahuuza bigo beetah al-mukhaddas
wa Bani Israaʼiil bigo bakaanah al-halaalah.
3 Al-bahar al-Ahmar chaaf al-cheyy da wa jara
wa bahar al-Urdun kassa wara.
4 Al-jibaal nattato misil kubchaan
wa l-hujaar nattato misil humlaan.
5 Ya l-bahar al-Ahmar, maala jareet ?
Ya bahar al-Urdun, maala kasseet ?
6 Ya l-jibaal, maala nattattu misil kubchaan ?
Ya l-hujaar, maala nattattu misil humlaan ?
7 Ya l-ard, arjifi giddaam al-Rabb,
giddaamah hu ilaah Yaakhuub,
8 hu al-sawwa al-hajar rahad almi
wa l-hashas, een almi jaari.
© Arabe tchadien (alphabet latin) Bible © Alliance Biblique du Tchad, 2019.
