1 Al-hamdulillah !
Ya nafsi,
ahmudi Allah !
2 Ana nahmud Allah fi kulla muddit hayaati,
nikhanni le Ilaahi fi l-faddal min ayyaami.
3 Ma titwakkalo ale l-hukkaam
wa la ale l-naas al-ma yagdaro yinajju
4 al-ruuhhum tamrug wa yigabbulu fi l-turaab
wa fi l-yoom da, fikirhum kula yindafin maʼaahum.
5 Mabruuk le l-yisaaʼidah Ilaah Yaakhuub
le l-yukhutt achamah fi Allah Ilaahah.
6 Hu khaalig al-samaawaat wa l-ard
wa l-buhuur wa kulla cheyy al-fiihum
wa hu haafid al-hagg ila l-abad.
7 Hu yisawwi al-adaala le l-mazluumiin
wa yanti akil le l-jiiʼaaniin.
Allah yatlig al-masaajiin.
8 Allah yaftah uyuun al-amyaaniin.
Allah yarfaʼ al-muttartiʼiin.
Allah yihibb al-saalihiin.
9 Allah yahmi al-ajaanib
wa yisaaʼid al-armala wa l-atiim
wa laakin yibarjil
khatwaat al-aasiyiin.
10 Allah yahkim ila l-abad.
Ya Sahyuun, hu Ilaahki min zurriiye le zurriiye.
Al-hamdulillah !
© Arabe tchadien (alphabet latin) Bible © Alliance Biblique du Tchad, 2019.
