Kalaam al-banaat
1 Habiibki ween macha ?
Ooriina, ya inti al-ajmal min al-awiin !
Habiibki faat be ween ?
Ooriina, achaan nifattuchuuh maʼaaki.
Kalaam al-mahbuuba
2 Habiibi nazal foogi ana jineentah
al-mazruuʼa be chadar al-dukhkhaan.
Wa yasrah fi jineentah
wa yagtaʼ al-nuwwaar.
3 Habiibi, ana leyah hu wa hu leyi ana.
Hu saarih fi l-nuwwaar.
Kalaam al-mahbuub
4 Inti jamiile, ya habiibti, misil hillit Tirsa
wa samha misil Madiinat al-Khudus.
Inti ajiibe misil deech aziim
al-maachi be raaytah !
5 Dalli uyuunki minni
achaan gaaʼidiin yibarjuluuni.
Wa chaʼarki misil danab al-faras
al-naazle min jabal Gilʼaad.
6 Wa sunuunki buyud
misil laban al-khanam
wa misil al-riheew al-barradah al-matar.
Ayyi sinn be gabiilitha,
ma fi waahide kula wagaʼat.
7 Wa khuduudki misil al-rummaanaat
khaadi le laffaahitki.
8 Mumkin malik al-balad indah
60 malikaat
wa 80 sirriiyaat
wa banaat udriiyaat bala adad.
9 Wa laakin ana,
hamaamti hi waahide wa jamiile.
Hi waahide fi ammaha
wa waalditha tihibbaha.
Al-banaat chaafanha wa gaalan :
«Mabruuk leeki.»
Al-malikaat wa l-sirriiyaat chaafanha
wa chakaranha wa gaalan :
10 «Hi di yaati al-tibiin
misil taluuʼ al-harraay ?
Hi beeda misil al-gamar
wa tiraari misil al-harraay.
Hi ajiibe misil deech aziim
al-maachi be raaytah !»
11 Ana nazalt fi jineenit al-fawaakih
le nichiif nabaat al-waadi.
Jineenit al-inab ramat walla ?
Chadar al-rummaan nawwar walla ?
12 Wa min duun naʼarfah, hasabt nafsi
ana raakib fi arabat al-malik !
Kalaam al-aakhariin
13 Taʼaali ! Taʼaali, ya bitt hillit Chulaam !
Gabbili le nichiifuuki !
Maala waajib nichiifu bitt hillit Chulaam
al-talʼab been saff al-banaat wa saff al-subyaan ?
© Arabe tchadien (alphabet latin) Bible © Alliance Biblique du Tchad, 2019.
