Ndukun lə Mbai lé
1 Pakɔs lə Dabid.
M’a kɔs pa meemaji gə néra gə́ gə dɔ najee lé.
M’a kɔs pa neelé kari-i Njesigənea̰ ya.
2 M’a kunda kəmkàr dɔ rɔm’g dɔ rəw gə́ danasur’g.
See ndɔ gə́ ra ɓa i a ree pər gə́ rɔm’g ɓəi wa.
Ma lé m’a njaa mbuna njémeekəije’g ləm lé gə meendakaḭ.
3 M’a kar némajel kára kara to nɔm’g el,
Néra njékaiyaje lé to kḛji kəm’g,
Néra deeje lé m’a tibi mbɔree el.
4 Meekɔs ŋgwɔḭ lé m’a kunda ɓad gə́ raŋg ləm,
Njemeeyèr lé kara ma m’ndigi kwá gə́ rɔm’g el ya ləm tɔ.
5 Yeḛ gə́ təd ta unda ta maree’g gə goo ŋgəḭ lé
M’a karee udu bo̰ ya,
Yeḛ gə́ aa loo gə beelé əsé ti-rɔ kara
M’a kila məəm po̰ dəa’g el.
6 Majikojije gə́ mee ɓee’g neelé m’a korè kəm ndəŋ dɔ dee’g
Gə mba kar dee d’isi ne mbɔrm’g dəb,
Yeḛ gə́ njaa rəw gə́ danasur lé ndá
Yeḛ a to kura ləm ya tɔ.
7 Yeḛ gə́ ya̰ rəa yag dan kərgoso’g lé ndá
Yeḛ a si mee kəi’g ləm lé nda̰ el ləm,
Yeḛ gə́ pa taŋgɔm lé kara
A kaar nɔm’g nda̰ el ya ləm tɔ.
8 Teḛ gə ndɔ rad gə ndɔje kára-kára lai lé
M’a kar njémeeyèrje lai gə́ mee ɓee’g neelé
D’udu guduru ya
Ɓó gə mba tuji ne deḛ lai gə́ to njéra né kori-korije
Mee ɓee-boo’g lə Njesigənea̰ lé pugudu-pugudu ya.
(2 S 8:15; 23:3, 4.) (Ge 18:19. Jos 24:15.) Ac 24:16. Ps 1.
1 De David. Psaume.
Je chanterai la bonté et la justice;
C’est à toi, Éternel! Que je chanterai.
2 Je prendrai garde à la voie droite.
Quand viendras-tu à moi?
Je marcherai dans l’intégrité de mon cœur,
Au milieu de ma maison.
3 Je ne mettrai rien de mauvais devant mes yeux;
Je hais la conduite des pécheurs;
Elle ne s’attachera point à moi.
4 Le cœur pervers s’éloignera de moi;
Je ne veux pas connaître le méchant.
5 Celui qui calomnie en secret son prochain, je l’anéantirai;
Celui qui a des regards hautains et un cœur enflé, je ne le supporterai pas.
6 J’aurai les yeux sur les fidèles du pays,
Pour qu’ils demeurent auprès de moi;
Celui qui marche dans une voie intègre sera mon serviteur.
7 Celui qui se livre à la fraude n’habitera pas dans ma maison;
Celui qui dit des mensonges ne subsistera pas en ma présence.
8 Chaque matin j’anéantirai tous les méchants du pays,
Afin d’exterminer de la ville de l’Éternel
Tous ceux qui commettent l’iniquité.
