Ala gə́ njegin némeemajije lai
1 Pakɔs kḭ kaw tuga ne loo ɗao-ɗao gə́ tar. Ka̰ Salomo̰.
Ɓó lé Njesigənea̰ ra kəi el ndá
Deḛ gə́ njéra kula kunda kəije ra gə mḭdé ba ya,
Ɓó lé Njesigənea̰ aḭ bada dɔ ɓee’g el kara
Njera kəmee rakaa lé ra pi ya tɔ.
2 Seḭ lé seḭ ḭje tar gə ndɔ rad gə mḭdé ba ya ləm,
Seḭ toje naŋg kalaŋ el gə mḭdé ba ləma,
Seḭ o̰je muru gə́ wɔji dɔ kula rɔ ndubu lə sí ləm tɔ.
Nɛ yeḛ lé ar deḛ gə́ yeḛ unda dee dan kəmee’g né togə́bè
Loo gə́ deḛ toɓi lé.
3 Aa oo, ŋganje lé to gə́ nénduba gə́ ḭ rɔ Njesigənea̰’g,
Ŋgan meḛ dəwje lé to gə́ nékoga dɔ ji njékoji deeje ya tɔ.
4 Ŋganje gə́ diŋgam gə́ njekoji deeje d’oji dee gə basa dee’g ba lé
To d’asəna gə kandə ɓandaŋgje ji njerɔ’g bèe.
5 Rɔlel nai gə dəw gə́ ar kandə ɓandaŋg neelé rusu kuée.
Loo gə́ yeḛ a kwɔji ta gə njéba̰je ləa takəi’g ndá
Kəm sɔḭ a kwa kəmee el.
Pr 10:22. Ps 128.
1 Cantique des degrés. De Salomon.
Si l’Éternel ne bâtit la maison,
Ceux qui la bâtissent travaillent en vain;
Si l’Éternel ne garde la ville,
Celui qui la garde veille en vain.
2 En vain vous levez-vous matin, vous couchez-vous tard,
Et mangez-vous le pain de douleur;
Il en donne autant à ses bien-aimés pendant leur sommeil.
3 Voici, des fils sont un héritage de l’Éternel,
Le fruit des entrailles est une récompense.
4 Comme les flèches dans la main d’un guerrier,
Ainsi sont les fils de la jeunesse.
5 Heureux l’homme qui en a rempli son carquois!
Ils ne seront pas confus,
Quand ils parleront avec des ennemis à la porte.
