Njéɓeeje gə́ Jerusalem loo gə́ d’ḭ ɓee-ɓər’g tel ree lé
1 Israɛlje lai lé deḛ ndaŋg ri dee gə goo ginkojije lə dee ndá d’unda ri dee mee maktub’g lə mbaije gə́ Israɛl. Njé gə́ Juda ɓa d’wa dee gə́ ɓər d’aw sə dee Babilɔn mbata lə kaltaje lə dee lé. 2 Dəwje gə́ dɔtar gə́ d’isi dɔ naŋg’d lə dee ləm, gə mee ɓee-booje’g lə dee ləm tɔ lé to Israɛlje, gə njékinjanéməsje, gə Ləbije, gə njéra kula mee kəi-Ala’d gə́ raje lé tɔ .
3 Mee ɓee gə́ Jerusalem ɓa Judaje, gə Bḛjamije, gə Eprayimje, gə Manasəje d’isi keneŋ.
4 Ŋgalə Peres gə́ to ŋgolə Juda lé ɓa ri dee to nee: Utai gə́ to ŋgolə Amiud gə́ to ŋgolə Ɔmri gə́ to ŋgolə Imri gə́ to ŋgolə Bani. 5 Deḛ gə́ to Siloje ɓa nee: Asaja gə́ to ŋgondəree deḛ gə ŋganeeje lé. 6 Ŋgalə Jera ɓa nee: Jeuel gə ŋgakea̰je d’as tɔl-misa̰ gə dɔ dee rɔ-jinaikara (690).
7 Bḛjamije ɓa nee: Salu gə́ to ŋgolə Mesulam gə́ to ŋgolə Hodabia gə́ to ŋgolə Asenua, 8 Jibneja gə́ to ŋgolə Jeroham, Ela gə́ to ŋgolə Uji gə́ to ŋgolə Mikri, Mesulam gə́ to ŋgolə Sepatia gə́ to ŋgolə Ruel gə́ to ŋgolə Jibnija, 9 gə ŋgako̰ deeje gə goo njéboakojije lə dee lé d’as tɔl-jinaikara gə dɔ dee rɔ-mi-gir-dee-misa̰ (956). Dəwje lai neelé to mbai dɔ gel-bɔje lə dee ya.
10 Deḛ gə́ to njékinjanéməsje ɓa ri dee to nee: Jedaeja, gə Jeojarib, gə Jakḭ, 11 Ajaria, ŋgolə Hilkija gə́ to ŋgolə Mesulam gə́ to ŋgolə Sadɔk gə́ to ŋgolə Merajot gə́ to ŋgolə Ahitub, njekɔrno̰ dee mee kəi’g lə Ala tɔ. 12 Adaja ŋgolə Jeroham gə́ to ŋgolə Pasur gə́ to ŋgolə Malkija, gə Maesai, ŋgolə Adiel gə́ to ŋgolə Jajera gə́ to ŋgolə Mesulam gə́ to ŋgolə Mesilemit gə́ to gə ŋgolə Imer lé tɔ, 13 deḛ gə ŋgako̰ deeje gə́ to mbai dɔ gel-bɔje lə dee lé d’as tɔl-dɔg gə dɔ dee tɔl-siri gə dɔ dee rɔ-misa̰ (1.760). Deḛ to njésiŋgamoŋje gə́ ra kula mee kəi’g lə Ala ya.
14 Deḛ gə́ to Ləbije ɓa ri dee to nee: Semaeja ŋgolə Hasub gə́ to ŋgolə Asrikam, ŋgolə Hasabia, gə ŋgalə Merari, 15 gə Bakbakar, gə Heres, gə Galal, gə Matania, ŋgolə Mika gə́ to ŋgolə Jikri gə́ to ŋgolə Asap, 16 gə Abdias, ŋgolə Semaeja gə́ to ŋgolə Galal gə́ to ŋgolə Jedutun, gə Berekia, ŋgolə Asa gə́ to ŋgolə Elkana gə́ si ŋgan-ɓeeje’g lə Netopaje.
17 Njéŋgəm-takəije ɓa nee: Salum, gə Akub, gə Talmon, gə Ahiman, gə ŋgako̰ deeje ndá Salum ɓa to mbai dɔ dee 18 saar mee ndɔ gə́ ɓogənè lé yeḛ to njeŋgəm-takəi lə mbai par gə́ bər. Deḛje nee ɓa to njéŋgəm-takəije loo-si gə́ lə Ləbije tɔ. 19 Salum, ŋgolə Koré gə́ to ŋgolə Ebiasap gə́ to ŋgolə Koré gə ŋgakea̰je mbuna gel-bɔje ləa gə́ to Koréje lé ra kula kaa dɔ takəi-kubu-si-Magə, kédé ndá bɔ deeje to njékaa dɔ tarəw kandə kaw loo-si Njesigənea̰’g, 20 tɔɓəi kédé lé Pines, ŋgolə Eləajar ɓa to gə́ mbai dɔ dee ndá Njesigənea̰ nai səa. 21 Jakari, ŋgolə Meselemia to njeŋgəm tarəwkəi kandə kaw mee kəi-kubu-kiŋga-na̰’g.
22 Deḛ lai neelé d’as tɔl-joo dɔ dee dɔg-gir-dee-joo (212) gə́ mbər dee gə mba kar dee to njéŋgəm tarəwkəije ləm, deḛ ndaŋg ri dee mbuna ginkojije’g lə dee gə goo ŋgan-ɓeeje lə dee ləm tɔ, Dabid gə Samel gə́ njenékoo lé d’unda dee loo kula’g lə dee. 23 Deḛ gə ŋgan deeje ɓa to njéŋgəm-takəije lə Njesigənea̰-je ləm, gə ta kəi-kubu-kiŋga-na̰ ləm tɔ.
24 Njéŋgəm-tarəwkəije lé d’as gel sɔ: yeḛ gə́ bər ləm, yeḛ gə́ dɔ-gó ləm, yeḛ gə́ dɔgel ləma, gə yeḛ gə́ dɔkɔl ləm tɔ. 25 Ŋgako̰ deeje gə́ d’isi ŋgan-ɓeeje’g lə dee lé ree rɔ dee’g ta-ta as ndɔ siri-siri. 26 Mbata deḛ gə́ sɔ gə́ to mbai dɔ njéŋgəm tarəwje neelé gə́ to Ləbije lé ra kula lə dee gə ndɔ dee ndɔ dee ləm, deḛ d’aa dɔ ŋgan kəije gə dɔ kəi-nébao lə Ala ləm tɔ, 27 deḛ to loondul’g ta kəi-Ala’g gə mba to gə́ deḛ to njéŋgəm teaje lé ləm, gə mba kɔr təa teḛ kila tag gə ndɔ, gə ndɔje kára-kára lai ləm tɔ.
28 Ləbije gə́ na̰je tɔs kəm dee bao-bao dɔ nékulaje gə́ deḛ tura loo gə́ deḛ tel ree ne mee kəi’g ləm, gə tura loo gə́ deḛ teḛ ne raga ləm tɔ. 29 Njé gə́ raŋg ŋgəm nékulaje gə́ raŋg gə́ to yəje gə́ wɔji dɔ kəi-kubu-si-Ala ləm, d’aa dɔ nduji gə́ ndá léréré, gə dɔ mán-nduú, gə dɔ né gə́ ə̰də sululu gə dɔ kuma̰ gə́ ə̰də ləm tɔ. 30 Ŋgalə njékinjanéməsje ɓa to gə́ njépodé kuma̰je gə́ ə̰də sululu neelé na̰’d ya.
31 Matitia, dəw kára mbuna Ləbije’g to ŋgondər Salum gə́ ginkoji’g lə Koré lé yeḛ to njekɔb mbə mee gaila-əb’g. 32 Ŋgako̰ deeje gə́ na̰je mbuna Keatje’g, deḛ to njéra pil muruje gə́ to gə kəmee gə mbata lə ndɔ-kwa-rɔje kára-kára lai tɔ.
33 Deḛje neelé ɓa to njékɔspaje gə́ to mbai dɔ gel-bɔje lə Ləbije gə́ d’isi ŋgan kəije’g lé d’ɔm kulaje gə́ raŋg kára kara dɔ dee’g el mbata deḛ ra kula lə dee dan kàrá gə loondul’g tɔ.
34 Deḛje neelé ɓa to gə́ mbai dɔ gel-bɔje lə Ləbije ləm, deḛ to mbaije gə goo njéboakojije lə dee ləm tɔ. Deḛ d’isi Jerusalem ya.
Njénojije lə Sawul
Neh 8.29-3835 Jeyel, bɔ Gabao̰je lé si Gabao̰ ndá ri dené ləa lə Maaka. 36 Yeḛ oji Abdon gə́ ŋgondəree, tɔɓəi yeḛ oji Sur, gə Kis, gə Baal, gə Ner, gə Nadab, 37 gə Gedor, gə Ahjo, gə Jakari, gə Miklot. 38 Miklot oji Simeam. Deḛ kara d’isi Jerusalem gə ŋgako̰ deeje na̰’d tɔ.
39 Ner oji Kis, Kis oji Sawul, Sawul oji Jonatan, Malki-Sua, gə Abinadab gə Esbaal. 40 Ŋgolə Jonatan lé ria lə Merib-Baal. Merib-Baal oji Mika. 41 Ŋgalə Mika ɓa ri dee to nee: Pito̰, gə Melek, gə Tahrea. 42 Ahas oji Jara. Jaera oji Alemet, gə Ajmabet, gə Jimri, Jimri oji Mosa, Mosa oji Binea. 43 Repaja to ŋgolə Binea, Eləasa to ŋgolə Repaja, Asel to ŋgolə Eləasa tɔ. 44 Asel lé ŋganeeje gə́ diŋgam deḛ misa̰, aa oo ri dee ɓa nee: Asrikam, gə Bokru, gə Ismael, gə Səaria, gə Abdias, gə Hanan. Deḛ neelé to ŋgalə Asel tɔ.
© Ngambai Bible © Alliance Biblique du Tchad 1989, 2015.
