Tamaji lə Israɛlje
1 Pakɔs kḭ kaw tuga ne loo ɗao-ɗao gə́ tar.
Un kudee loo gə́ m’nai basa ya ɓəi lé
D’ulam ndubu lé d’aree asm ya,
Maji kar Israɛlje lé pa bèe pana:
2 Un kudee loo gə́ m’nai basa ya ɓəi lé
D’ulam ndubu lé d’aree asm ya
Nɛ dum ɓa deḛ dum dɔm el.
3 Njḛ́dɔje lé sura girm bur-bur ləm,
D’un ɓaije gə́ ŋgal tiriri-tiriri keneŋ ləm tɔ.
4 Njesigənea̰ lé to gə́ njemeekarabasur,
Yeḛ tḭja kulaje lə njémeeyèrje lé badə-badə gaŋg.
5 Deḛ lai gə́ d’ə̰ji Sio̰ bəḭ-bəḭ lé
Maji kar rɔkul dəb dɔ dee’g
Ar dee rəm ne gə goo dee ya.
6 Maji kar dee to d’asəna gə mu gə́ uba dɔ kəi’g tar
Gə́ tudu mba̰ ɓa deḛ tɔr ɓəi lé.
7 Njetɔr mu lé tɔr aree rusu jia nda̰ el ləm,
Yeḛ gə́ tɔ dɔ mu lé a kodo dɔ jia kára el ləma,
8 Njédəntarje lé kara pa taree pana:
Maji kar Njesigənea̰ tɔr ndia dɔ sí’g lé pa bèe el ləm tɔ.
Jeḛ lé n’tɔrje ndu sí dɔ sí’g gə ri Njesigənea̰ ya.
© Ngambai Bible © Alliance Biblique du Tchad 1989, 2015.
