Ŋgaka Esawu
1 Aa ooje ŋgaka Esawu gə́ to Edɔm lé. 2 Esawu taa denéje ləa mbuna ŋganje’d gə́ Kana̰: Ada, ŋgolə Elo̰ gə́ to dəw gə́ Het ləm, gə Oholibama, ŋgolə Ana gə́ to ŋgolə Sibeon gə́ to ginkoji lə Hebi ləma , 3 gə Basmat, ŋgolə Ismael gə́ to kɔnan Nebajot ləm tɔ . 4 Ada gə Esawu d’oji Elipaj, Basmat oji Ruel, 5 Oholibama oji Yewus gə Jalam gə Koré tɔ. Deḛje neelé ɓa to ŋgalə Esawu gə́ yeḛ oji dee mee ɓee gə́ Kana̰.
6 Esawu aw gə denéje ləa ləm, gə ŋganeeje gə́ diŋgam gə njé gə́ dené ləm, gə njémeekəije ləa lai ləm, gə koso-nékulje ləa ləm, gə da-kulje ləa lai ləma, gə némajije ləa lai gə́ yeḛ iŋga dee mee ɓee gə́ Kana̰ ləm tɔ ndá yeḛ sa rəa aw dɔ naŋg ɓee gə́ raŋg gə́ əw gə ŋgokea̰ Jakob lé. 7 Mbata nébaoje lə dee tur dɔ loo as kar dee d’isi na̰’d el ləm, dɔ naŋg ɓee gə́ d’isi keneŋ kara loo as koso-nékulje lə dee el ləm tɔ. 8 Esawu ra ɓee dɔ mbal gə́ Seir. Esawu lé to Edɔm.
9 Aa ooje ŋgaka Esawu gə́ to bɔ Edɔmje gə́ d’isi dɔ mbal gə́ Seir lé. 10 Aa ooje, ri ŋgalə Esawu ɓa nee: Elipaj, ŋgolə Ada gə́ to dené lə Esawu ləm, Ruel, ŋgolə Basmat gə́ to dené lə Esawu ləm tɔ.
11 Ri Ŋgalə Elipaj ɓa to nee: Teman, Omar, Sepo, Gaetam gə Kenaj. 12 Timna to gamla-dené lə Elipaj, ŋgolə Esawu. Yeḛ oji Amalek ar Elipaj. Deḛ nja to ŋgalə Ada gə́ to dené lə Esawu lé.
13 Aa ooje, ri ŋgalə Ruel ɓa to nee: Nahat, gə Jera, gə Sama gə Mija. Deḛ nja to ŋgalə Basmat gə́ to dené lə Esawu lé. 14 Aa ooje, ri ŋgalə Oholibama, yeḛ gə́ to ŋgolə Ana, gə́ to ŋgolə Sibeon, dené lə Esawu lé yeḛ oji Yewus, gə Jalam, gə́ Koré ar Esawu.
15 Aa ooje, ri mbai dɔ ginkojije gə́ d’ḭ mbuna ŋgaka Esawu’g lé. Ri ŋgalə Elipaj gə́ to ŋgondər Esawu lé ɓa nee: Mbai Teman, gə mbai Omar, gə mbai Sepo, gə mbai Kenaj, 16 gə mbai Koré, gə mbai Gaetam, gə mbai Amalek. Deḛ neelé to mbaije gə́ d’ḭ mee Elipaj’g mee ɓee gə́ Edɔm. Deḛ nja to ŋgalə Ada.
17 Aa ooje, ri ŋgalə Ruel gə́ to ŋgolə Esawu lé ɓa nee: Mbai Nahat, gə mbai Jera, gə mbai Sama, gə mbai Mija. Deḛ neelé to mbaije gə́ d’ḭ mee Ruel’g mee ɓee gə́ Edɔm. Deḛ neelé to ŋgalə Basmat gə́ to dené lə Esawu lé.
18 Aa ooje, ri ŋgalə Oholibama gə́ to dené lə Esawu lé ɓa nee: Mbai Yewus, gə mbai Jaelam, gə mbai Koré. Deḛ neelé to mbaije gə́ d’ḭ mee Oholibama’g ŋgolə Ana, yeḛ gə́ to dené lə Esawu lé.
19 Deḛ nja to ŋgalə Esawu ləm, deḛ nja to mbai dɔ ginkojije lə dee ləm tɔ. Esawu lé to Edɔm.
Ŋgaka Seir
20 Aa ooje, ŋgalə Seir, yeḛ gə́ to ginkoji lə Hɔri, deḛ gə́ d’isi mee ɓee’g neelé kédé lé ɓa ri dee to nee: Lotan, gə sobal, gə Sibeon, gə Ana, 21 gə Dison, gə Eser, gə Disan. Deḛ nja to mbai dɔ Hɔrije, ŋgalə Seir mee ɓee gə́ Edɔm. 22 Ŋgalə Lotan ɓa ri dee to nee: Hɔri, gə Hemam. Ŋgoko̰ Lotan gə́ dené ria lə Timna. 23 Aa ooje, ri ŋgalə sobal ɓa to nee: Alban, gə Manahat, gə Ebal, gə Sepo, gə Onam. 24 Aa ooje, ri ŋgalə Sibeon ɓa to nee: Aja, gə Ana. Ana neelé to yeḛ gə́ iŋga kəm-rəw-manje gə́ nuŋga dɔdilaloo’g, loo gə́ yeḛ ul mulayḛ̀je-je lə bɔbeeje gə́ Sibeon. 25 Aa ooje, ri ŋgalə Ana ɓa to nee: Dison, gə Oholibama, ŋgolə Ana gə́ dené. 26 Aa ooje, ri ŋgalə Dison ɓa to nee: Hemdan, gə Esban, gə Jitran, gə Keran. 27 Aa ooje, ri ŋgalə Eser ɓa to nee: Bilan, gə Jaban, gə Akan. 28 Aa ooje, ri ŋgalə Disan ɓa to nee: Uts, gə Aran.
29 Aa ooje ri ŋgalə Horije ɓa ri dee to nee: Mbai Lotan, gə mbai Sobal, gə mbai Sibeon, gə mbai Ana, 30 gə mbai Dison, gə mbai Etser, gə mbai Disan. Deḛ nja to mbai dɔ Horije, to mbaije gə́ d’isi ɓee gə́ Seir ya.
31 Aa ooje, mbaije gə́ d’o̰ ɓee dɔ naŋg gə́ Edɔm kédé ɓa kar mbai lə Israɛlje o̰ ɓee dɔ ŋgan Israɛlje’g ɓəi lé ɓa ri dee to nee ya: 32 Bela, ŋgolə Beɔr o̰ ɓee dɔ Edɔm’g, ri ɓee-boo ləa to Dinaba. 33 Bela wəi ndá Jobab, ŋgolə Jera gə́ ḭ Bosra lé o̰ ɓee toree’g. 34 Jobab wəi ndá Husam gə́ ḭ dɔ naŋg’d lə Temanje lé o̰ ɓee toree’g. 35 Husam wəi ndá Adad, ŋgolə Bedad o̰ ɓee toree’g. To yeḛ nja gə́ təd Madianje loo-ndɔje gə́ Moab. Ri ɓee-boo ləa to Abit. 36 Adad wəi ndá Samla gə́ ḭ Masreka o̰ ɓee toree’g. 37 Samla wəi ndá Sawul gə́ ḭ Rehobot gə́ to ta baa’g o̰ ɓee toree’g. 38 Sawul wəi ndá Baal-Anan, ŋgolə Akbɔr o̰ ɓee toree’g. 39 Baal-Anan, ŋgolə Akbɔr wəi ndá Hadar o̰ ɓee toree’g. Ri ɓee-boo ləa to Pawu ləm, ri dené ləa lə Mehetabeel gə́ to ŋgolə Matred gə́ to ŋgolə Mejahab.
40 Aa ooje, ri mbaije gə́ d’ḭ mee Esawu’g gə goo ginkojije lə dee ləm, gə goo dɔ naŋgje lə dee ləma, gə goo ri deeje ləm tɔ: Mbai Timna, gə mbai Alba, gə mbai Jetet, 41 gə mbai Oholibama, gə mbai Ela, gə mbai Pino̰, 42 gə mbai Kenaj, gə mbai Teman, gə mbai Mibsar, 43 gə mbai Magdiel, gə mbai Iram. Deḛ nja to mbaije gə́ Edɔm gə goo loo-si dee dɔ naŋg gə́ to ka̰ dee-deḛ lé.
Yeḛ neelé to Esawu bɔ Edɔmje tɔ.
© Ngambai Bible © Alliance Biblique du Tchad 1989, 2015.
