Njé gə́ Galati 5 - Ngambai Bible révision (SBA2015)

Ŋgonkoji ɓa to kankəm né

1 Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

2 Aa ooje, ma Pool ma m’ula sí təsərə, ɓó lé seḭ a kar deeje d’inja tamɔd sí ndá Kristi a kaskəm ra né kára kara kar sí el ŋga. 3 Ma m’ula sí təsərə gɔl kára ya tɔɓəi, dəw gə́ rara ɓa gə́ ar dee d’inja tamɔdee ndá yeḛ ula rəa keneŋ mba kun dɔ gɔl godndu lad-lad ra née ya. 4 Seḭ gə́ seḭ saŋgje loo mba toje njémeekarabasurje gin godndu’g lé seḭ toje njétḭ gə Kristije nja, seḭ ɔrje rɔ sí loo noji’g naije gogo njḛ̀ mba̰ tɔ. 5 Jeḛ ɓa yḛ̀, mbɔl dɔ Ndil ɓa j’un ne meḛ sí j’unda ne meḛ sí yel, ŋgina ne loo meekarabasur lé ya. 6 Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

7 Seḭ aḭjengwɔd maji ya. See na̰ ɓa gə́ njegaŋ sí rəw ɔg sí loo kila ŋgonkoji dɔ kankəmta’g lé wa. 8 Yeḛ gə́ ɓar sí lé yeḛ ɓa gə́ njekula ta meḛ sí’g bəg sí ne togə́bè el. 9 Né gə́ ar nduji ti lé to gə́ lam ba bèe nɛ ar nduji gə́ loḭ yaa̰ lé ḭ ti ne bura dor-dor . 10 Ma lé m’ɔm məəm dɔ sí’g gin Mbaidɔmbaije’g m’oo to gə́ takə̰jije lə sí a to ne ɓəd el. Nɛ dəw gə́ njebəg sí lé ɓó lé to gə́ nana kara bo̰ nérea a kɔs təa’g bɔsɔrɔ ya.

11 Ŋgakɔmje, ma ɓa yḛ̀, ɓó lé ma m’to gə́ njekilamber ta kinja tamɔd lé tɔɓəi ndá ŋga, see gelee ban ɓa deḛ ra səm néurti lé ɓəi wa. Ta lə kag-dəs gə́ tel to né gə́ ila dəwje kag lé see udu mba̰ wa. 12 Deḛ gə́ njébəglooje mbuna sí’g lé ma m’ndiŋga rɔm mba kar dee tɔs dee tɔr dee ya.

13 Ŋgakɔmje, deḛ ɓar sí loo ŋgonkoji’g, nɛ loo ŋgonkoji gə́ seḭ sije keneŋ lé maji kar sí raje goso keneŋ mba ra né gə́ ka̰ darɔ ɓa el. Nɛ waje noji gə na̰ mba toje ne kuraje lə na̰. 14 Mbata ta godndu lé deḛ mbo̰ lai d’ɔm gin ta gə́ kára ba’g ya, yee ɓa nee: Seḭ a kundaje mar síje dan kəm sí’g to gə́ seḭ raje gə darɔ sí bèe tɔ . 15 Nɛ ɓó lé seḭ to̰je na̰ gə arje na̰ doo ɓa undaje kəmkàr dɔ rɔ sí’g el ndá seḭ a tujije na̰ ya.

Njaaje gə goo rəw gə́ Ndil ɓa tɔji sí

16 Ta gə́ ma m’pa ɓa nee ya: Njaaje gə goo rəw gə́ Ndil ɓa tɔji sí, togə́bè ɓa mal né gə́ wɔji dɔ ka̰ darɔ lé seḭ a raje el tɔ. 17 Mbata mal né gə́ wɔji dɔ ka̰ darɔ lé to né gə́ ɔs mal néra gə́ ka̰ Ndil lé rəw, ar mal né gə́ wɔji dɔ Ndil lé ɔs mal né gə́ wɔji dɔ ka̰ darɔ lé rəw tɔ, mal néje gə́ togə́bè lé d’ɔs na̰ rəw mba kar sí raje né gə́ seḭ wɔjije-kwɔji raje lé el . 18 Ɓó lé Ndil ɓa gə́ njekɔrno̰ sí lé ndá seḭ sije gin godndu’g el ŋga.

19 Néraje gə́ ka̰ darɔ lé to raga pai-pai ya, deḛje ɓa to nee ya: Mɔdkaiya ləm, gə kəmnda ləm, gə kaw kori-kori ləm, 20 gə pole magəje ləm, ra mbeḛ ləm, gə tɔs ta ləm, gə kɔl na̰ ləm, gə ra ni ləm, gə kwa ba̰ ta ləm, gə kɔs ta ta na̰’d rəw ləm, gə tḭ na̰ noji ləm, gə kwa rɔ mbidi gaŋg ləm, 21 gə kəmkəḭ ləm, gə kaw gə́ dəw-kido ləm, gə néra gə́ ndəl-ndəl ləma, gə néje gə́ raŋg gə́ as sə dee togə́bè lé ləm tɔ. Ma m’ula sí təsərə to gə́ ma m’ula sí kédé tɔɓəi tɔ, dəwje gə́ ra néje gə́ togə́bè lé d’a kila gɔl dee ɓeeko̰’g lə Ala kiŋga nédɔjije keneŋ pai godo.

Jour 3 : La vie dans l’Esprit

Verset clé : « Mais le fruit de l’Esprit, c’est l’amour, la joie, la paix, la patience, la bonté, la fidélité, la douceur, la maîtrise de soi. » (Galates 5 : 22-23) Vivre dans l’Esprit, c’est permettre à Dieu de transformer chaque aspect de notre être. Ce processus n’est pas instantané, mais progressif, à mesure que nous nous ouvrons à son action. Les fruits mentionnés ne sont pas seulement des qualités personnelles, mais des témoignages visibles de l’œuvre de Dieu en nous. Quand nous vivons par l’Esprit, nos relations changent : nous répondons avec amour là où il y avait de la colère, avec patience là où il y avait de l’impatience. Quel fruit de l’Esprit aimerais-tu cultiver davantage ? Identifie une situation spécifique cette semaine où tu pourrais démontrer l’amour, la maîtrise de soi ou la bonté.

Plus

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé 23 godndu lé a kɔs néje neelé rəw nda̰ bèe el. 24 Deḛ gə́ to gə́ ka̰ Jeju Kristi lé d’wa darɔ dee gə mal né gə́ ula pər meḛ dee’g ləm, gə né gə́ meḛ dee ndigi ləm tɔ lé d’wa bura ɗar kaar kag’d ya. 25 Ɓó lé Ndil ɓa j’isi ne kəmba lé ndá maji kar sí njaaje goo rəw gə́ Ndil tɔji sí lé ya. 26 Maji kar sí n’saŋgje riɓar gə́ to gə mḭdé ba narje ne na̰ loo keneŋ el ləm, gə n’raje kəmkəḭ dɔ na̰’d keneŋ el ləm tɔ.