Tamaji lə dəw gə́ d’ula kəmee ndòo
1 Pakɔs gə́ d’ar bao-pa mba karee ɔs sə dee lé. Deḛ d’ɔs gə nékim gə́ gə kulaje. 2 Loo gə́ Jibje ree d’ula Sawul pana: Dabid lé see iya rəa mbuna neḛje’g el wa .
3 Ǝi Ala, maji kari ajim gə goo rii gə́ ɓar ləm,
Maji kari ra rəwta ləm gə goo siŋgamoŋ ləi ləm tɔ.
4 Ǝi Ala, maji kari oo ndu tamaji ləm,
Ur mbii oo ne taje gə́ teḛ tam’g lé ya tɔ.
5 Mbata dəwje gə́ d’ḭ raŋg lé d’ḭ səm,
Gayim-dəwje kara ndigi tujim to
Ɓó d’ə̰ji ta meḛ dee’g teḛ ne dɔ Ala’g lé el.
6 Aa oo, Ala to gə́ njela səm ya,
Mbaidɔmbaije kara to gə́ njegədm ya tɔ.
7 Némajel lé a tel koso dɔ njékoma̰ səmje’g,
Maji kari tuji dee pugudu gə goo kankəmta ləi.
8 Ma lé m’a kinja nékinjanéməsje kari gə meendakaḭ ya,
Ǝi Njesigənea̰, m’a kila riɓar dɔ rii’g
Mbata rii lé maji péd-péd ləm,
9 Mbata yeḛ ɔrm dan néurtije’g lai,
Ar kəm oo né gə́ teḛ dɔ njéba̰je’g ləm ləm tɔ.
© Ngambai Bible © Alliance Biblique du Tchad 1989, 2015.
