Njekaji Israɛlje lé
1 Pakɔs kḭ kaw tuga ne loo ɗao-ɗao gə́ tar. Ka̰ Dabid.
Ɓó lé Njesigənea̰ aḭ bada dɔ sí’g el ndá
Maji kar Israɛlje pa bèe pana:
2 Ɓó lé Njesigənea̰ aḭ bada dɔ sí’g
Loo gə́ dəwje gə́ d’ḭ d’ɔm na̰ dɔ sí’g lé el ndá
3 Deḛ tur sí kəmba mba̰
Loo gə́ oŋg ḭ sə dee pu dɔ sí’g lé.
4 Yee ɓa manje d’ḭ tula dɔ sí rəd mba̰ ləm,
Kəm-rəw-manje lé kara tur dɔ sí mba̰ ya ləma
5 Yee ɓa mán bélmje gə́ turu tuma̰-tuma̰ lé kara
Tur dɔ sí mba̰ ya ləm tɔ.
6 Maji kar dɔkaisəgərə nai gə Njesigənea̰,
Yeḛ gə́ ya̰ sí gə́ nékwa ŋgaŋ dee el lé.
7 Ŋgaw meḛ sí teḛ aḭ asəna gə yel gə́ teḛ kəm jám’g lə njékwayelje bèe ləm,
Jám lé kara gaŋg ar sí n’teḛ j’aḭje ne ya ləm tɔ.
8 Ri Njesigənea̰ gə́ njera dara gə naŋg neelé
Yee ɓa né la sə sí ḭ keneŋ ya.
© Ngambai Bible © Alliance Biblique du Tchad 1989, 2015.
