Godndu gə́ wɔji dɔ kəi gə́ to gə kəmee doi gə́ ra sigi lé
1 Yeḛ tel ree səm par gə́ tarəw kəi gə́ to gə kəmee gə́ to raga dəb loo gə́ par gə́ bər. Nɛ yee to gə loo-kudee. 2 Ndá Njesigənea̰ ulam pana: Tarəwkəi neelé a to gə loo-kudee ɓó d’a kɔr təa el ləm, dəw kára kara a dəs keneŋ el ləm tɔ mbata Njesigənea̰, Ala lə Israɛlje andə gə tarəw neelé. Yee a to gə loo-kudee bèe ya. 3 Nɛ mbai gə́ njeɓee a kaskəm si lée’g nee ko̰ muru no̰ Njesigənea̰’g, yeḛ a kandə gə loo-Kandə-tarəwkei’g ləm, a kunda loo teḛ raga gə rəw neelé ya ləm tɔ.
4 Yeḛ ɔr nɔm aw səm par gə́ tarəw gə́ to par gə́ dɔgel takəi’g lé. Ma m’aa loo gərərə ndá aa oo, rɔnduba lə Njesigənea̰ taa mee kəi lə Njesigənea̰ pəl-pəl. Ma m’oso rəb m’dəb kəm naŋg. 5 Njesigənea̰ ulam pana: I ŋgon-dəw lé maji kari aar gèŋ ndá aa loo gərərə! Tuga mbii oo ne taje lai gə́ m’a gə kulai kwɔji dəa tɔ. Maji kari tɔs kəmi bao-bao dɔ godndu gə́ wɔji dɔ loo-Kandə-mee-kəi’g ləm, gə dɔ loo-kḭ-mee-kəi gə́ to gə kəmee’g teḛ raga ləm tɔ.
6 I a kula gel-bɔje lə Israɛl gə́ to njékɔsta-rəwje pana: Mbaidɔmbaije gə́ Njesigənea̰ pa togə́bè pana: Seḭ gel-bɔje lə Israɛl lé néraje lə sí lai gə́ mina̰ lé areeje as bèe ŋga. 7 Seḭ arje dəw-dɔ-ɓeeje gə́ meḛ dee tɔ kujita el ləm, deḛ lal kinja tamɔd dee ləm tɔ lé d’andə mee kəi’g lə neḛ gə́ to gə kəmee d’ila ndɔl dɔ’g, tɔɓəi seḭ unje muru lə neḛ gə ubu nékinjanéməsje gə məs to arje magəje lə sí lai gə́ mina̰ jɔmri-jɔmri ləm, seḭ gaŋgje ne kúla manrɔ lə neḛ ləm tɔ. 8 Seḭ raje kula mee kəi’g lə neḛ gə́ to gə kəmee el nɛ deḛ ɓa seḭ ar deeje taa tor sí ra kula mee kəi’g lə neḛ gə́ to gə kəmee. 9 Mbaidɔmbaije gə́ Njesigənea̰ pa togə́bè pana: Dəw-dɔ-ɓee gə́ rara kara gə́ mée tɔ kujita el ləm, gə́ lal kinja tamɔdee ləm tɔ lé a kandə mee kəi’g lə neḛ gə́ to gə kəmee lé el, dəw-dɔ-ɓee gə́ si mbuna Israɛlje’g lé a kandə keneŋ el tɔ.
Godndu gə́ wɔji dɔ Ləbije
10 Tɔɓəi Ləbije gə́ d’uba neḛ d’ya̰ neḛ loo gə́ Israɛlje ndəm d’uba neḛ d’ya̰ neḛ d’aw ndolè goo magəje lə dee lé ta néra kori-kori lə dee lé d’a kuba pəree ya. 11 D’a to gə́ kuraje ya ba mee kəi’g lə neḛ gə́ to gə kəmee lé d’a ŋgəm ne tarəwkəije ləm, d’a ra kula gə́ wɔji dɔ mee kəi lé ləm tɔ, d’a tḭja gwɔs nékinjanéməsje gə́ ka̰ roo ləm, gə nékinjanéməsje gə́ raŋg ləm tɔ mbata lə koso-dəwje, tɔɓəi d’a kaar no̰ dee’g mba ra kula kar dee ya. 12 Mbata deḛ ra kula d’ar dee no̰ magəje’g lə dee ləm, d’ar gel-bɔje lə Israɛl d’oso ne dan kaiya’g ləm tɔ, gelee gə́ nee ɓa neḛ manrɔ neḛ n’un ne ji neḛ gə́ tar dɔ dee’g, Mbaidɔmbaije gə́ Njesigənea̰ pana: Ta néra kori-kori lə dee lé d’a kuba pəree ya. 13 D’a tibi mbɔr neḛ gə mba ra kula loo-nékinjaməs’g lə neḛ el ləm, d’a tibi mbɔr looje lə neḛ gə́ to gə kəmee əsé gə looje lə neḛ gə́ to gə kəmee doi el ləm tɔ, nérɔkul gə́ boo gə néje gə́ mina̰ gə́ deḛ ra lé d’a kuba pəree ya. 14 N’a kar dee to njéŋgəm takəije ndá d’a ra kulaje lai gə́ keneŋ ləm, gə néje lai gə́ kəm ra keneŋ ləm tɔ.
Godndu gə́ wɔji dɔ njékinjanéməsje
15 Nɛ njékinjanéməsje gə́ to ginka’g lə Ləbi gə́ gel bɔ’g lə Sadɔk gə́ ra kula mee kəi’g lə neḛ gə́ to gə kəmee loo gə́ Israɛlje ndəm d’aw əw sə neḛ lé deḛ neelé ɓa d’a rəm pər gə́ rɔ neḛ’g mba ra kula kar neḛ ləm, d’a kaar no̰ neḛ’g gə mba kun ubu nékinjanéməsje gə məs kar neḛ ləm tɔ, Mbaidɔmbaije gə́ Njesigənea̰ ɓa pa bèe. 16 D’a kandə mee kəi’g lə neḛ gə́ to gə kəmee ləm, d’a ŋgəs pər gə́ mbɔr tabul’g lə neḛ mba ra kula kar neḛ ləma, d’a to njéra kula kar neḛje ləm tɔ. 17 Loo gə́ d’a kandə tarəwje gə́ mee gadloo gə́ kəi kɔrɔg lé ndá d’a kula kubu gə́ d’ṵji gə kúla palégal rɔ dee’g, loo gə́ d’a kaar loo-kula’g tarəwje gə́ mee gadloo gə́ kəi kɔrɔg ləm, gə mee kəi’g ləm tɔ lé kubu gə́ d’ṵji gə bḭ badə kára kara a to rɔ dee’g el . 18 D’a kula jɔg gə́ d’ṵji gə kúla palégal dɔ dee’g ləm, d’a kula njalaŋ gə́ d’ṵji gə kúla palégal kudu dee’g ləm tɔ, d’a kula né gə́ a kar rɔ dee təd lé rɔ dee’g el. 19 Loo gə́ d’a kunda loo teḛ kaw gadloo gə́ raga rɔ koso-dəwje’g ndá d’a tɔr kubuje gə́ ra ne kula lé kɔm mee ŋgan kəije gə́ wɔji dɔ kəi gə́ to gə kəmee lé, d’a kula kubuje gə́ raŋg ɓó gə mba kunda koso-dəwje gə kəmee gə kubuje lə dee el .
20 D’a ndisa dɔ dee ŋgori-ŋgori el ləm, d’a kya̰ yiŋga dɔ dee karee ŋgal pɔ-pɔ el ləm tɔ, nɛ d’a kinja yiŋga dɔ dee gə́ kinja . 21 Njekinjanéməs kára kara a kai mán-nduú gə́ mḭ loo gə́ yeḛ a kandə mee gadloo gə́ kəi kɔrɔg lé el . 22 D’a taa gamla-dené əsé dené gə́ tubá gə́ dené el nɛ d’a taa ŋgama̰dje gə́ gər ŋgaw el gə́ ginkoji’g lə gel-bɔje lə Israɛl ɓa, gamla-dené gə́ to dené lə njekinjanéməs gə́ wəi ndá d’a kaskəm təa ya tɔ .
23 D’a ndoo koso-dəwje lə neḛ gə mba kar dee gər loo kɔr kəm né gə́ to gə kəmee gə né gə́ ndɔl wa dəa ləm, mba kar dee gər loo to ɓəd-ɓəd lə né gə́ mina̰ gə né gə́ àr ŋgad-ŋgad ləm tɔ . 24 Loo-maḭ-ta lé dee ɓa d’a to njékɔrkəmtaje keneŋ ləm, d’a kɔr kəmta gə goo godnduje lə neḛ ləm tɔ. D’a kaa dɔ godnduje lə neḛ gə ndukunje lə neḛ loo-ra-naḭje’g lə neḛ lai ləm, d’a kunda ndɔ-kwa-rɔje lə neḛ gə kəmee ləm tɔ.
25 Njekinjanéməs a kwa nin dəw el nà rəa a mina̰ ne nɛ bɔbeeje əsé kea̰je əsé ŋgonee gə́ diŋgam əsé yeḛ gə́ dené əsé ŋgokea̰ gə́ diŋgam əsé ŋgokea̰ gə́ dené gə́ lal taa ŋgaw ɓa yeḛ askəm kwa nin dee ya . 26 Loo gə́ yeḛ a kɔr won rəa mba̰ ndá d’a tura ndɔ siri karee ɓəi. 27 Ndɔ gə́ yeḛ a kandə mee loo gə́ to gə kəmee’g mee gadloo gə́ kəi kɔrɔg gə mba ra kula keneŋ ndá yeḛ a kinja nékinjaməs gə́ wɔji dəa-yeḛ mba kuga ne dɔ kaiya, Mbaidɔmbaije gə́ Njesigənea̰ ɓa pa bèe. 28 Aa oo, né ka̰ dee-deḛ gə́ d’a gə kiŋga ɓa nee: To neḛ nja ɓa n’a to né gə́ wɔji dɔ dee. Seḭ a kar deeje loo gə́ wɔji dɔ dee mee ɓee gə́ Israɛl el, neḛ ɓa n’a to né ka̰ dee . 29 D’a kul rɔ dee gə nékarje gə nékinjanéməsje gə́ ka̰ kuga dɔ kaiya ləm, gə ka̰ kalta ləm tɔ, tɔɓəi néje lai gə́ deḛ d’unda gə kəmee mbata lə neḛ mee ɓee gə́ Israɛl ndá a to mbata lə dee-deḛ ya . 30 Kandə kagje lai gə́ doŋgɔr ləm, gə nékarje lai gə́ seḭ a kun deeje gə́ tar ləm tɔ lé d’a to ka̰ njékinjanéməsje, seḭ a karje njékinjanéməsje nduji lə sí gə́ doŋgɔr gə mba kar ndutɔr to ne dɔ kəije’g lə sí. 31 Yel əsé da gə́ rara gə́ wəi gə́ kwəi əsé né wá tiee mbidi-mbidi lé njékinjanéməsje d’a sɔ el .
© Ngambai Bible © Alliance Biblique du Tchad 1989, 2015.
