1 Njé gə́ Tesalonikə 5 - Ngambai Bible révision (SBA2015)

Ŋginaje pèrèrè

1 Ŋgako̰ síje, ta gə́ wɔji dɔ ndəa gə kàree lé seḭ awje ndòo maktubee el. 2 Mbata seḭ lé seḭ gərje gao, ndɔ lə Mbaidɔmbaije lé a kuba sí naŋg bus asəna gə njeɓogo gə́ ree loondul’g bèe . 3 Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo. 4 Seḭ ŋgako̰ síje gə́ sije dan loondul’g el lé ndəa neelé a teḛ dɔ sí’g asəna gə njeɓogo el. 5 Seḭ lai toje ŋgan lookàrje ləm, gə ŋgan dan kàrje ləm tɔ. Dṵda a ɓar ri sí el ləm, loo gə́ ndul njudu-njudu lé kara a tibi mbɔr sí el ləm tɔ. 6 Bèe ndá ar sí n’toje ɓi asəna gə ka̰ dəwje gə́ raŋg el, nɛ ar sí j’isije kəmba ləm, j’undaje kəmkàr dɔ rɔ sí’g ləm tɔ. 7 Mbata deḛ gə́ njétoɓije lé toɓi loondul’g ləm, deḛ gə́ kido tɔs dee naŋg lé tɔs dee naŋg loondul’g tɔ. 8 Nɛ jeḛ gə́ n’toje ŋgan lookàr lé ar sí j’undaje kəmkàr dɔ rɔ sí’g j’ar meekun lə sí gə meenoji lə sí lé to kubu-rɔ gə́ ŋgira kiŋ-kiŋ gə́ j’ula rɔ sí’g ləm, j’ar meḛ sí gə́ to yel dɔ kaji’g lé to dɔgugu gə́ j’ula dɔ sí’g ləm tɔ . 9 Tɔgərɔ ya, Ala ɓar sí mba kar oŋg ləa ɔm dɔ sí’g el nɛ yeḛ ɓar sí mba kar sí j’iŋga kaji gin Mbaidɔmbaije’g lə sí Jeju Kristi, 10 yeḛ gə́ wəi mbata lə sí mba kar ɓó lé j’isi kəmba əsé n’toɓi kara j’a si səa na̰’d ya. 11 Gelee gə́ nee ɓa maji kar sí ndəjije na̰ gə meendakaḭ ləm, undaje siŋga sí na̰’d ləm tɔ, to gə́ seḭ raje mba̰ ya.

Rudu ta ndəjije lé

12 Ŋgako̰ síje, jeḛ n’ra ndòo rɔ sí’g mba kar sí ilaje ŋgonkoji dɔ deḛ gə́ ra kula mbuna sí’g d’ɔr ne no̰ sí gin Mbaidɔmbaije’g, deḛ gə́ ndəji sí bər-bər lé. 13 Unda deeje dan kəm sí’g dana ɗəŋgərə mbata kula ra dee lé. Ɔmje na̰’d sad ya.

14 Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ. 15 Undaje kəmkàr dɔ rɔ sí’g mba kar dəw kára kara tel ra majel gə maree godə maree’g el nɛ saŋgje rəw né gə́ maji mba ra ta-ta mbuna sí-seḭ’g ləm, gə dəwje gə́ raŋg lai ləm tɔ.

05 attitudes à adopter dans les temps de tristesse

Dans les moments de tristesse, il est important de se tourner vers Dieu et de trouver du réconfort dans Sa Parole. Voici quelques attitudes à adopter : – Prier : demander à Dieu de nous aider à traverser cette épreuve et de nous donner la force et le réconfort nécessaires. « Ne vous inquiétez de rien, mais en toute chose faites connaître vos besoins à Dieu par des prières et des supplications, avec des actions de grâces. » – Philippiens 4 :6 – Lire la Bible : chercher des versets qui nous apportent du réconfort et de l’espoir, et méditer sur leur signification. « Que la parole de Christ habite en vous abondamment ; instruisez-vous et exhortez-vous les uns les autres en toute sagesse, par des psaumes, des hymnes, des cantiques spirituels, chantant à Dieu dans vos cœurs sous l’inspiration de la grâce. » – Colossiens 3 : 16 – Se tourner vers la communauté chrétienne : partager notre tristesse avec nos frères et sœurs en Christ et recevoir leur soutien et leurs prières. Car où deux ou trois sont assemblés en mon nom, je suis au milieu d’eux. » – Matthieu 18 :20 – Se rappeler que Dieu est toujours présent et qu’Il ne nous abandonnera jamais. Il est capable de transformer notre tristesse en joie et de nous aider à surmonter toutes les épreuves. « Voici, je suis avec vous tous les jours, jusqu’à la fin du monde. » – Matthieu 28 :20 – Faire preuve de gratitude : malgré la tristesse, se rappeler des...

Plus

16 Raje rɔlel gə ndɔ sí ndɔ sí ləm, 17 raje tamaji ta-ta ləma, 18

raje oiyo dɔ néje’g lai mbata yee ɓa Ala wɔji kar sí-seḭ gə́ síje gin Kristi’g lé raje.

19 Ndil gə́ to meḛ sí’g lé udeeje kəmə el. 20 Ta gə́ njéteggintaje d’ɔr d’ar sí lé taaje ta dee’g ya ɓó ubaje ya̰je el. 21 Nɛ tenje néje lai, waje meḛ sí ndər dɔ néje gə́ maji’g. 22 Saaje rɔ sí rəw dɔ né gə́ majel gə́ gə ria-ria.

Lapia gə́ ra dee

23 Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el. 24 Yeḛ gə́ ɓar sí lé to njemeenda londoŋ, yeḛ nja ɓa a ra née ya.

25 Ŋgako̰ síje, raje tamaji mbata lə sí.

26 Raje ŋgako̰ síje lai lapia ar sí tɔnje ne ɓɔl dee gə meendakaḭ.

27 Ma man sí gə ri Mbaidɔmbaije mba kar sí turaje maktub neelé arje ŋgako̰ síje lai d’oo taree ya.

28 Maji kar noji lə Mbaidɔmbaije lə sí Jeju Kristi lé nai sə sí lai ya.