Pakɔs gə́ ta lookàr’g
Pak 57.8-12, Pak 60.7-141 Pakɔs lə Dabid.
2 Ǝi Ala, m’wa məəm kɔgərɔ ya,
M’a kɔs pa ləm,
M’a kar ndu nékimje ləm ɓar ne ləm tɔ,
Yee ɓa gə́ nérɔnduba ləm !
3 Seḭ kṵdu-ko̰dè ləm gə kṵdu-kag ləm tɔ lé ndelje dɔ ɓi’g,
Ma lé m’a tuga lookàr gə tina ya.
4 Njesigənea̰, ma lé m’a kɔs gaji mbuna koso-dəwje’g lé ləm,
M’a kɔs pa pidi ne mbuna ginkoji dəwje gə raŋg’g lé ləm tɔ.
5 Mbata meemaji ləi lé aw njal teḛ dɔ dara gə́ tar ləm,
Meenda londoŋ ləi aw njal teḛ loo-kil’g-lə-ndi ləm tɔ,
6 Ǝi Ala, maji kari riba dɔ boo ləi gə́ ur dɔ dara ləm,
Ar rɔnduba ləi taa naŋg nee pəl-pəl ləm tɔ.
7 Maji kari ila jikɔli dɔ sí’g
Aji sí ne ar sí né gə́ jeḛ n’kwɔiije
Gə mba kar deḛ gə́ i unda dee dan kəmi’g lé
D’ɔr ne dɔ dee kúla’g.
8 Ala pata gə goo meenda ləa pana:
Neḛ lé n’a kun baŋga ləm,
N’a kai ɓee-boo gə́ Sikem dana ləma,
N’a kwɔji kəm wəl gə́ Sukot lé ləm tɔ.
9 Galaadje gə Manasəje lé to gə́ ka̰ neḛ ya,
Eprayimje lé to dɔgugu-rɔ gə́ neḛ n’ula dɔ neḛ’g,
Judaje kara to kag-mbai ka̰ ko̰ɓee gə́ n’wa ji neḛ’g tɔ.
10 Moabje lé to ŋgo gə́ n’togo ne rɔ neḛ,
N’tɔr markob lə neḛ kara n’ɔm dɔ Edɔmje’g,
Ɓee lə Pilistije lé n’ɔs pa n’un baŋga dɔ’g!
11 See na̰ ɓa a dan neḛ kaw sə neḛ
Mee ɓee-boo gə́ d’ila ndògo-bɔrɔ gugu ne dəa sub lé wa.
See na̰ ɓa a kɔr no̰ neḛ kaw sə neḛ Edɔm lé ɓəi wa.
12 Ǝi Ala, see to i nja ɓa ɔs sí ŋgərəŋ ləm,
I teḛ aw gə bao-rɔje lə sí na̰’d el ləm tɔ lé el wa.
13 Maji kari lá sə sí mba kɔs ne njekoma̰ sə sí rəw!
Mbata né gə́ ka̰ lá ne gə dəw lé to né gə́ gə mḭdé ba.
14 Mbɔl dɔ Ala ɓa j’a ra ne néje gə́ dum ra ya.
Yeḛ lé a rəd njéba̰je lə sí naŋg mbə̰ji-mbə̰ji ya tɔ.
© Ngambai Bible © Alliance Biblique du Tchad 1989, 2015.
