Deḛ gə́ d’ɔm meḛ dee dɔ Njesigənea̰’g lé
1 Pakɔs kḭ kaw tuga ne loo ɗao-ɗao gə́ tar.
Deḛ gə́ d’ɔm meḛ dee dɔ Njesigənea̰’g lé
To d’asəna gə mbal gə́ Sio̰ gə́ né yə ŋgirá el bèe
Nɛ yee ŋgəŋ ŋgəŋ-ŋgəŋ saar gə no̰ ya.
2 To gə́ mbalje gugu ne dɔ Jerusalem sub bèe lé
Njesigənea̰ kara aḭ bada dɔ dəwje’g ləa togə́bè ya ləm tɔ
Un kudee ɓasinè ləm, saar-saar gə no̰ ləm tɔ.
3 Mbata kag-mbai gə́ ka̰ meeyèr lé
A ko̰ɓee dɔ njémeekarabasurje’g el
Gə mba kar njémeekarabasurje lé
D’ula ji dee par gə́ néra gə́ kori-kori’g lé el.
4 Njesigənea̰, maji kari ra meemaji
Gə deḛ gə́ to njéra némajije ləm,
Gə deḛ gə́ meḛ dee to danasur ləm tɔ.
5 Nɛ deḛ gə́ d’un goo rəwje gə́ nduni koŋ-koŋ lé
Maji kar Njesigənea̰ tuji dee na̰’d gə njéra némajelje lé.
Maji kar meelɔm lé nai dɔ Israɛlje’g ya.
© Ngambai Bible © Alliance Biblique du Tchad 1989, 2015.
