Ala tɔr ndia dɔ majikojije’g lé
1 Pakɔs kḭ kaw tuga ne loo ɗao-ɗao gə́ tar.
Rɔlel nai gə dəwje gə́ ɓəl Njesigənea̰
Deḛ gə́ njaa gə goo kila-rəwje ləa lé.
2 Bèe ɓa i iŋga rɔlel dɔ kula’d gə́ i ra gə jii ləm,
Rɔi leli ari si ne dan maji’g ləm tɔ.
3 Dené ləi to asəna gə kag-nduú
Gə́ andə ul bo̰-bo̰ bèe mee kəi’g ləi ləm,
Ŋganije kara gugu dɔ loo-nésɔ ləi sub
To gə́ kag-koiyoje bèe ləm tɔ.
4 Dəw gə́ ɓəl Njesigənea̰ lé ndá
Nétɔrnduje gə́ bèe ɓa yeḛ iŋga ya.
5 Njesigənea̰ gə́ loo-siée to Sio̰ lé
A tɔr ne ndia dɔi’g
Ndá i a koo Jerusalem gə́ si dan maji’g
Ndɔje lai gə́ i si ne kəmba lé.
6 I a koo ŋgan meḛ ŋganije gə kəmi ya.
Maji kar meelɔm lé nai dɔ Israɛlje’g ya.
© Ngambai Bible © Alliance Biblique du Tchad 1989, 2015.
