Tamaji gə́ ra loo kinja kó’g lé
1 Pakɔs gə́ ar bao-pa mba karee ɔs sə dee lé. D’ɔs gə nékimje gə́ gə kuláje.
2 Maji kar Ala oo kəm sí lootondoo’g
Tɔr ne ndia dɔ sí’g ləm,
Maji kar kəmee to dɔ sí’g jḛ̀ ləm tɔ.
3 Mba kar deḛ gə́ dɔ naŋg nee gər ne rəw ləi ləm,
Mba kar ginkoji dəwje gə raŋg kara gər ne rəw-kaji lé ləm tɔ.
4 Ǝi Ala, maji kar koso-dəwje lé pidii,
Maji kar koso-dəwje lai d’ɔs gajii ya.
5 Maji kar ginkoji dəwje gə raŋg d’al rɔ dee
D’isi ne dan boo-rɔkal’g,
Mbata i gaŋgta dɔ koso-dəwje’g lé gə goo rəbee ya ləm,
I ɔr no̰ ginkoji dəwje gə raŋg gə́ dɔ naŋg neelé ləm tɔ.
6 Ǝi Ala, maji kar koso-dəwje lé pidii,
Maji kar koso-dəwje lai d’ɔs gajii ya.
7 Naŋg lé kinja gə nésɔje ɓagəsa ya,
Ala gə́ to Ala lə sí lé tɔr ndia dɔ sí’g.
8 Maji kar Ala tɔr ndia dɔ sí’g ləm,
Maji kar dəwje lai gə́ d’isi rudu naŋg’d lé
Ɓəlee ya ləm tɔ.
© Ngambai Bible © Alliance Biblique du Tchad 1989, 2015.
