Andjafâ hi David-na
1 David grom suma mi vud’uzi avo Hebron-na ba wana: Gorom ma ngolâ ni Amnon. Asum a yat ala Ahinowam ni d’a Jisreyel-la. Ma mbàna ni Daniel. Asum a yat ala Abigayel ni d’a Karmel-la. 2 Ma hindina ni Apsalom. Asum a yat ala Mäka, ni Talmai amul ma Gesur-râ goromba. Ma fid’ina ni Adoniya. Asum a yat ala Hagit. 3 Ma vahlâ ni Sefatiya. Asum a yat ala Abital. Ma karagayana ni Jitram. Asum a yat ala Egla. 4 Gro suma karagaya ndazina mi vud’uzi ni Hebron, mi tamula kua bizad’a kid’iziya ki tilâ karagaya. Bugola, mi tamula kua bizad’a dok hindi yam hindi avo Jerusalem.
5 Grom suma mi vud’uzi avo Jerusalem-ma ba wana: Samma, Sobap, Natan ki Salomon; azi zla tazi fid’i ni Batseba Amiyel goromba grotna. 6-8 Grom suma dingâ zlengâ ba wana: Jibar, Elisama, Elifelet, Noga, Nefek, Jafiya, Elisama, Eliyada ki Elifelet. 9 Azi pet ni David groma. Amiyôm suma gureina a vud’um grona kua mi. Wiyezi d’a atchad’a a yat ala Tamar mi.
10 Salomon andjavam ba wana: Salomon mi vut Rebowam, Rebowam mi vut Abiya , Abiya mi vut Asa, Asa mi vut Josafat, 11 Josafat mi vut Joram, Joram mi vut Ahaziya, Ahaziya mi vut Jowas, 12 Jowas mi vut Amasiya, Amasiya mi vut Azariya, Azariya mi vut Jotam, 13 Jotam mi vut Ahas, Ahas mi vut Ezekiyas, Ezekiyas mi vut Manase, 14 Manase mi vut Amon, Amon mi vut Josiyas. 15 Josiyas groma ba wana: Ma avo’â ni Johanan, ma mbàna ni Jojakim, ma hindina ni Sedekiyas, ma fid’ina ni Salum. 16 Jojakim groma ba wana: Jekoniya ki Sedekiyas.
17 Jekoniya ma a vum magomba Babilon-na groma ba wana: Salatiyel, 18 Malkiram, Pedaya, Senasar, Jekamiya, Hosama ki Nedabiya. 19 Pedaya groma ba wana: Zorobabel ki Simei. Zorobabel groma ba wana: Mesulam ki Hananiya; wiyezid’a ni Selomit. 20 Grom suma dingâ ba wana: Hasuba, Ohel, Berekiya, Hasadiya ki Jusap-Heset. Azi pet ni vahl. 21 Hananiya groma ba wana: Pelatiya ki Isai zlapa ki Refaya groma, Arnan groma, Apdiyas groma ki Sekaniya groma. 22 Sekaniya groma ba wana: Semaya, Hatus, Jigeyal, Bariya, Neyariya ki Sefat. Azi pet ni karagaya. 23 Neyariya groma ba wana: Eliyohenai, Ezekiyas ki Asrikam. Azi pet ni hindi. 24 Eliyohenai groma ba wana: Hodaviya, Eliyasip, Pelaya, Akup, Johanan, Delaya ki Anani. Azi pet ni kid’iziya.
© Azumeina Bible © Alliance Biblique du Tchad, 1999.
