David mi tchen Alona mi ndjun suma d’ingêrâ
1 Ni sawal la David mi hlat kading ma ziyom klavandina, mi hat mi ma ngolâ hi suma hle sawalina.
2 Ma didina, ang ndjunumiya!
Sama d’engzeng nga d’uo d’a,
suma d’ingêrâ a nga dap pei aduk suma.
3 Suma a nga de tazi zla d’a kad’a,
zla d’a avunazid’a ni mbulâ,
azi ni suma mbàmbàd’a mi.
4 Ma didina, ar ang pat suma a nga de zlad’a ki vunazi ma mbulîna woi
zlapa ki suma a nga de zla d’a subur tad’ina,
5 ki suma a nga dala:
Ami mba kuzumi ayîna ki vunamiya,
ami nga ki vunami á de zlad’a;
ni nge ba, mba mi te kami ge na mi.
6 Ma didina mi dala: Ki tchetchemba,
an nga ni tchol akulo á sut suma
suma a nga golozi isâ,
kayam a nga las suma hohoud’a,
suma houd’a a nga zam tazi mi.
7 Ma didina, zla manga ni zla d’a irata;
ti ni d’igi bege d’a hap
pa a yorot kakud’a yoyor yat kid’iziya
d’a bei zozota kua ba d’a na.
8 Ang ma didina, ang mba ngom zla manga,
ang mba ngomomi abo andjaf sum ndazina gak didin.
9 Le suma asa’atna a nga tamula aduk suma,
le suma tchona a i avogovok kur tcho mazid’a pî,
ang mba ngomomi hina.
© Azumeina Bible © Alliance Biblique du Tchad, 1999.
