1 Korente-na 7 - Azumeina Bible 1999 (MPG)

Zla d’a djop pa yam telid’a

Découvrez 07 versets Bibliques sur le mariage

Le mariage est le fondement de la famille chrétienne. Un mari et une femme et, par la grâce de Dieu, ils ont la chance d’avoir des enfants. Que vous espériez vous marier un jour ou que vous soyez déjà marié, il est bon de consulter la Bible et d’apprendre ce qu’est le mariage. Le mariage est déjà mentionné dans la création. Que vous soyez déjà marié ou non, voici des versets bibliques pour vous guider dans ce que la Bible dit du mariage. Il existe de nombreuses tentations dans le monde. Être marié, c’est donner son amour et sa loyauté à son mari ou à sa femme. Dans un mariage chrétien, le mari doit aimer sa femme comme le Christ nous a aimés. Il s’agit d’aimer même lorsque ce n’est pas mérité, de manière inconditionnelle. L’amour entre mari et femme implique que le mari soit doux et se donne pour sa femme, et que la femme se soumette à son mari et le respecte. La loyauté et la confiance sont fondamentales dans toutes les relations. Dans le mariage, cela signifie renoncer à tous les autres et ne pas avoir d’autres relations intimes. Jésus nous a enseigné que ce n’est pas seulement l’acte d’adultère qui enfreint le commandement, mais aussi les pensées lubriques. Bien que ce verset parle de l’amour entre tous les chrétiens, il s’applique également au mari et à la femme. Pardonnez-vous les uns les autres et soyez gentils.

Plus

1 Ki tchetchemba, an nga ni dagi yam zla d’a agi b’irindji kur mbaktumbid’a. Wani nga djivid’a á sana mi vatchad’a d’i. 2

Wani yam zla d’a mizeuna, djivid’a sama lara pî mi vatchad’a, atcha d’a lara pî ti ve ndjufâ mi. 3 Ar mandjufâ mi bur kamamba yam min mata, ar atchad’a ti bur ki ndjuvut ata min mamba mi. 4 Kayam atchad’a nga kad’enga yam hliu tat ti; hliwit ni hi ndjuvutna. Mandjufâ nga kad’enga yam hliu tam mbuo mi; hliwimî hamambina mi. 5 Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

6 Wani an dagi ahle ndazina, agi lagi hina, wani nga ni vun ma hed’a d’i. 7 An min ala suma pet a ka’î d’igi an na. Wani nge nge pî ni ki he d’a hawa d’a Alona mi humzid’a, ma hina ni ki mamba, ma hina ni ki mamba mi.

8 An nga ni de mi agi azungeîna karop suma modonod’a mi, djivid’a agi kagagi ni d’igi an na. 9 Wani le agi ndak á vagi tagi d’uo ni, ar agi vigigi tagiya. Djivid’a agi vigigi tagi á d’el djib’er ra tchod’a.

10 Kayam ndata, an nga ni he vuna mi kretiyê suma a vik aropmina, wani ni an ndi, ni Salad’a. Ar atchad’a ti wal lei ki ndjuvut ti. 11 Le ti wal ki ndjuvud’u ni, ar ti ve ndjuf ma ding ngi. Djivid’a ti hulong min zla mata ki ndjuvud’u. Ar mandjufâ mi dik amamba woi d’uo mi.

12 An nga ni de mi suma dingâ, wani ni Salad’a d’i. Le kretiyê ma nga katcha d’a bei he gagazid’id’a ba, le d’i min á kak ki sed’emu ni, ar mi digit tei d’i. 13 Hina mi, le kretiyê d’a ti nga ki mandjuf ma bei he gagazid’ina, le mi min á kak ki sed’ed’u ni, ti aram mbei d’i. 14 Kayam mandjuf ma bei he gagazid’a, Alona mba mi tinim iram vam ni yam amamba. Atcha d’a bei he gagazid’a, Alona mba mi tinit irat vat ni yam ndjuvut mi. Le hina d’uo ni, grozina a mba mbut ni suma bei wAlona. Wani ki tchetchemba, Alona mi tinizi irazi vaziya. 15 Wani sama bei he gagazid’a, le mi min á wal kamam mba he gagazid’id’a ni, ar mi wala, kayam zla d’a hina d’a d’el nga wiyeina ki wiyeid’a d’i, kayam Alona yagi ná kak ki b’leng nga halasa. 16 Ndak kretiyêd’a, ndak we ni ki me ala ndak mba d’i sut ndjuvugu ge? D’oze ang kretiyêna, ang we ni ki me ala ang mba sut amanga mi ge?

Ar agi tid’igi d’igi Alona mi yagi na

17 Wani ar nge nge pî mi tit yam he d’a hawa d’a Salad’a mi humzid’a d’igi Alona mi yum na mi. An nga ni he vuna hina mi suma Toka pet. 18 Le Alona mi yi sama ngat bayâd’a ni, ar mi kak kur bayâ mamba. Le Alona mi yi sama bei ngat bayâd’a ni, ar mi hulong ngat bayâd’a d’uo mi. 19 Ngat bayâd’a ni va d’i, ngat bayâd’a d’uo d’a ni va d’uo mi. Wani vama djivina, sana mi ngomî vun ma hed’a hAlonina. 20 Wani nge nge pî mi ka’î kur vama Alona mi yum kuana. 21 Alona mi yang angî kur magomba zu? Ang hat hurung ngi. Wani le lovota nga kang á nde woi kur magom ndata ni, ang nde woyo. 22 Kayam magom ma Salad’a mi yuma ni gor vuta hi Salad’ina. Hina mi, gor vut ma Salad’a mi yuma ni magoma hi Christ-sâ. 23 Alona mi guzugi ni ki gus sa kal teglesa; ar agi mbud’ugi magumeina hi sumina d’i. 24 B’oziyona, ar nge nge pî mi kak avok Alona kur vama Alona mi yum kuana.

Ni zla d’a djopa yam suma bei vik aropma ki suma modonod’a

25 Yam zlad’a hi yuguneinid’a, Salad’a mi han nga vuna kazi d’i, wani an nga ni dagi ni djib’er ra kurunda, kayam Salad’a mi wan hohowonu, mi mbud’un ma d’engzengâ.

26 Wani kayam ndak ka tchetchemba, an djib’er ala djivid’a sana mi kak hawa na. 27 Le ang ve wa atchad’a da ni, ang wal ki sed’et ti. Le ang nga bei vatchad’a ni, ang vatchad’a d’uo d’a. 28 Wani le ang vatchad’a ni, ang le nga tcho d’i. Le gor weid’a ti ve mandjufâ ni, ti le nga tcho d’uo mi. Wani azi mba fe ndaka kur kak mazid’a. Kayam ndata, an min hlagi aneka woi kagiya.

29 B’oziyona, wana ni vama an min dagizina. Ki tchetchemba, yina ar nga ngol li. Ar suma a vik aropmina a ka’î d’igi suma bei vik aropmina na. 30 Ar suma a nga tchina a ka’î d’igi suma a nga tchi d’uo na na. Ar suma a nga aîna a ka’î d’igi suma a nga aî d’uo na na. Ar suma a nga gus ahlenina a ka’î d’igi suma a nga gus va d’uo na na. 31 Ar suma a nga mbut abozi kahle suma yam andagad’ina a ka’î d’igi suma a nga ki va d’uo na na, kayam ahle suma yam andagad’ina a mba kal leyo.

32 Wani an min ala agi djib’eregi yam ahle suma kur duniyad’ina d’i. Sama ve nga atchad’a d’uo na, mi djib’erî yam ahlena hi Salad’ina á lum tam djivid’a. 33 Wani sama vatchad’ina, mi djib’erî yam ahle suma kur duniyad’ina á lamamba tat djivid’a. 34 Atchad’a ki gor weid’a ni teteng. Gor weid’a ti djib’erî yam ahlena hi Salad’ina, kayam ti kak yed’et ki tat pet. Wani atcha d’a ti ve ndjufîd’a, ti djib’erî yam ahle suma kur duniyad’ina á le ndjuvut tam djivid’a mi.

35 An de hina ni djivid’a kagiya. An gunugi ni dauna avorogi d’i, wani an min ala agi tid’igi ni d’ingêr kur sunda hi Salad’id’a bei djib’era ba.

36 Wani sama lara pî ma djib’er ala gorom mba weid’a bizat kal wa ni, le mi djib’er kurum ala ti ve mandjufâ ni, mi le ni vama hurum minima. Ar goromba ti ve mandjufâ, mi le nga ni tcho d’i. 37 Wani sama djib’er kurum ala goromba ti ve mandjufâ d’uo ni, le mi djib’er kurum na ni, ar mi le vama hurum minima mi. 38 Hina mi, sama he goromba ndjufîna, mi le ni djivid’a, wani sama he goromba ndjufâ d’uo na, mi le ni djivid’a kala.

39 Ata yima atchad’a ndjuvut mi nga ki iram tua na, gata ti djinid’u. Wani le ndjuvut mit wa ni, ti but wa woi kur gata á ve ndjuf ma ndat minima. Djivid’a ti ve ni kretiyêna hol. 40 Wani an djib’er ala le d’i kak hawa bei ve ndjufâ ni, djivid’a kala. An djib’er ala ni Muzu’â hAlonina ba, mi zud’un á ded’a.