Zla d’a ded’a hi sama nga djobom vunama
1 Ni sawal la suma a djak Jerusalem á lü vun tilîna a hlata.
Ar Israel-lâ a dala:
Kazongôn dei man suma djangûna a lan ndaka burâ ki burâ.
2 Kazongôn dei man suma djangûna a lan ndaka burâ ki burâ.
Hina pet pî, azi kus nga kan ndi.
3 Azi b’azan huyogon
d’igi sana mi b’as lovot ta zuma na.
4 Ma didina ni ma d’ingêrâ,
mi tchal ziyo ma suma asa’atna a djinin ki na woyo.
5 Ar suma a noî Siyon-na pet
a mbut zulona,
a hulong kazigaziya,
6 Ar azi mbut ni d’igi asu ma yam gong nga dudura
ma mi so woi bei a gat kam á pad’am mbei ba na na.
7 Sama mi zuma nga mi oyôm abom mbi,
sama mi djinima nga mi oyôm bigam mbuo mi.
8 Ar suma a kal tita kazina a dala:
Ar Ma didina mi b’e vunam kagiya d’i, d’oze,
Ami tamid’a b’ami vunami kagi
ki simiyê Ma didina d’a d’uo mi.
© Azumeina Bible © Alliance Biblique du Tchad, 1999.
