Juda andjavam ma dingâ
1 Juda groma ba wana: Peres, Hesron, Karmi, Hur ki Sobal. 2 Reyaya Sobal goroma mi vut Jahat, Jahat mi vut Ahumai azi ki Lahat; azi nades ma Sorat-na. 3 Adesâ hi Etam abuma ba wana: Jisreyel, Jisma azi ki Jitba. Wiyezid’a simiyêt ala Haselelponi. 4 Penuwel ni Gedor abumu, Ezer ni Husa abum mi; azi ni Hur groma, mam mi Efrata gorot ma ngol ma mi gäd’u Betelehem-ma.
5 Asehur ni ma gäd’u Tekowa-na, amiyôma ni mbà; azi ni Hela ki Nära. 6 Nära ti vud’um Ahuzam, Hefer, Temeni ki Ahasatari; azi ni Nära grotna. 7 Hela grotna ba wana: Seret, Sohar ki Etnan.
8 Kos mi vut Anup ki Hasobeba kadesâ hi suma Aharehel-lâ; abuzi ngolo ni Harum.
9 Jabes ni ma suma a nga hum ngola heî kal b’oziyomina. Asum mbi tinim simi ma Jabes-sâ ni kayambala ata yima ti vud’uma ti fe ndaka ki sed’em heyû d’a. 10 Jabes mi tchen Alona hi Israel-lîna ala: Le ang b’e vunang kanu, le ang mbud’un yi mana bubud’a, le ang ngomon kur ndaka tala an fe kid’eî ira d’uo d’a ni! ... Alona mi humum yam ahle suma mi djobozina mi.
11 Kelup Suha wiyema mi vut Mehir mam mi Eston abum mi. 12 Eston mi vut suma Rafa-na, suma Paseya-na ki suma Tehina-na mi. Ni mam ba, mi gäd’u azì ma Nahas-sâ mi. Azi ni suma Reka-na.
13 Kenas groma ba wana: Otniyel ki Seraya. Otniyel groma ni Hatat ki Meyonotai. 14 Meyonotai mi vut Ofra. Seraya mi vut Jowap mam mi suma d’al suma a nga kaka kur horina abuzi ngolo, kayam azi ni suma le sun nda d’alâ.
15 Kalep ma Jefune goromina groma ba wana: Iru, Ela ki Nam. Ela ni Kenas abumu.
16 Jehalelel groma ba wana: Zif, Zifa, Tiriya ki Asarel.
17 Esdras groma ba wana: Jeter, Meret, Efer ki Jalon. Meret amamba ti vut Miriyam, Samai ki Jisba ma mi gäd’u azì ma Estemowa-nina. 18 Amam mba Juif-fa ti vud’um Jeret ma Gedor abuma, Heber ma Soko abuma ki Jekutiyel ma Zanowa abuma mi. Sum ndazina ni Bitiya grotna. Ndat namulâ Faron gorom mba Meret mi vat atchad’id’a.
19 Hodiya mi ve Naham wiyemba atchad’a. Andjavazi ni suma Garma suma a nga kaka Keila-na ki Mäka suma a nga kaka Estemowa-na mi.
20 Simon groma ba wana: Amnon, Rina, Ben-Hanan ki Tilon. Jisei groma ba wana: Zohet ki Ben-Zohet.
21 Sela ma Juda goromina groma ba wana: Er ni ma gäd’u azì ma Leka-na. Lada ni ma gäd’u azì ma Maresa-na zlapa kades suma a nga tchil baru d’a luluîd’a suma a nga kaka Bet-Asebeya-na. 22 Sela ni suma Jokim-ma ki suma a nga kaka Kozeba-na abuzi ngolo zlapa ki suma Jowas-sâ ki suma Saraf suma a vik gro arop suma Mowap-ma avok tua ba, a mba kak Lehem tua na. A hle ndazina navok dedei. 23 Azi ni suma a min duguyonina, ni suma zuma ki suma a ge kangânina mi, a ka’î go kamulâ, a nga lum sunda mi.
Andjafâ hi Simeon-na
24 Simeon groma ba wana: Nemuwel, Jamin, Jarip, Zera ki Saul. 25 Saul groma ba wana: Salum, Mipsam ki Misma. 26 Misma groma ba wana: Hamuwel, Zakur ki Simei. 27 Simei grom suma andjofâ ni dogo yam karagaya, suma aropma ni karagaya mi. B’oziyoma a vut nga grona ablau d’i. Ni kayam ndata ba, adezezi mi zul nga d’igi ma hi Juda gromina na d’i.
28 Azi ka’î Berseba, Molada, Hasar-Suwal, 29 Bilha, Esem, Tolat, 30 Betuwel, Horma, Siklak, 31 Bet-Markabot, Hasar-Susim, Bet-Biri ki Särayim. Wana nazì mazi ma nglona ki ma gureina gak mba kur atchogoi d’a David mi tamulid’a. 32 Azì mazi ma nglo ma dingâ nga kua vahl hlei: Ni Etam, Ayin, Rimon, Token ki Asan, 33 zlapa kazì ma gurei ma ngui azì ma nglo mamina dei gak mba Bäl. Wana ni yi mazi ma kaka kandjavazi mi.
34 Mesobap, Jamlek azi ki Josa ni Amasiya groma, 35 Joel azi ki Jehu ni Josibiya groma, azi ni Seraya azi ki Asiyel grozi ngolona, 36 Eliyohenai, Jäkoba, Jekohaya, Asaya, Adiyel, Jesimiyel, Benaya 37 azi ki Ziza a ni Sifei grom ngolona, a ni Alon grom ngolona mi. Alon tamba ni ma ad’u adesâ hi Jedaya, Simri ki Semaya-na. 38 Suma a yazi simiyêzi ndazina ni suma avok adezezina, sum mazina a zul ablaud’a mi.
39 Azi i irazi abo ma Gedor-râ gak a mbaza abo ma yorogona hi horina á hal yima hatna yam d’uwar mazina. 40 A fambas sa bubu d’a halas sa hatna nga d’ufa kat djivid’a gugulîd’a. Suma a kak kat avo’â nandjafâ hi Ham-ma. 41 Kur atchogoid’a hi Ezekiyas amul ma Juda-nid’a, suma nglo suma avok suma a b’irizi simiyêzi wana, a mba yam andaga ndata, a b’lak zlub’u d’a kaka ki yima kaka handjaf suma hi Ham-mina woyo, a dap suma tchid’a mi. Sum ndazina, sa fazi nga yazi d’uo gak ini. Azi ar tazi a kak blangâziya, kayam hatna mi nga kua yam d’uwar mazina. 42 Suma hi Simeon-na ablawazi ni d’igi kikis vahl na, a i yam ahina d’a Seir-ra. Suma avorozina ni Pelatiya, Neyariya, Refaya ki Uziyel. Azi pet ni Jisei groma. 43 A tchi suma Amalek suma a sud’ï woi avun ayînina, a ar kaka blangâzi gak ini.
© Azumeina Bible © Alliance Biblique du Tchad, 1999.
