Galat-na 5 - Azumeina Bible 1999 (MPG)

Agi maragi yam pat magi d’a woid’a d’i

1 Christ mi pad’ei woi kur magomba da’. Kayam ndata, ar agi kagagi ngingring kur pat ndata. Ar agi hulongôgi kur magomba d’uo d’a.

2 Ar agi humugi djiviya. An Paul nga ni dagiya, le agi ngad’agi bayâd’a ni, Christ mba mi le vama djivi kagi d’i. 3 An nga ni de kua mi sama lara pî ma ngad’am bayâd’ina ala mbeî mi ngom vun ma hed’a hi gatina pet. 4 Agi suma min mbud’ugi d’ingêr avok Alona á gagi yagi kä ad’u gatina, agi walagi woi ki Christ, agi kid’agagi woi ata sumad’a hAlonid’a mi. 5 Wani amiya, yam ad’enga hi Muzuk mamid’a, ami nga djubumi bur ma Alona mba mi mbud’umi d’ingêr avoroma. Ami nga tinimi hurumi kat ni yam he gagazid’a. 6 Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

7 Agi tid’igi avok djiviya. Ni nge d’elegi ala agi tid’igi yam gagazid’a d’uo ge? 8 Djib’er ndata tcholï nata Alo ma yagina d’i. 9 D’igi a de na ala: Anguf fa ngiyeûd’a nga d’i subur afuta pet. 10 Yam Salad’a an tin hurun kagi ala agi nga ki djib’er ra ding ngi. Wani mam ma b’lagagi djib’er magid’ina, le ni nge pî, Alona mba mi kam sariyad’a kamu.

11 Wani b’oziyona, le an nga ni tchi wala yam bayâ d’a ngata tua ni, ni kayam me ba, a nga djobon vunan ki tchetchemba ge? Le ni na ni, wal la an nga ni tchat yam b’ala hi Christ sa akulo ata agunid’a, nga ni vama dap asema d’uo d’a. 12 An min ala suma a b’lagagi djib’er magid’ina, a ngat hud’uzi woyo!

13 B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a. 14 Kayam gata tok ahlena pet ni kur vun ma he ma tu máma ala: Ang le yam ndrangâ d’igi ang tanga na. 15 Wani le agi nga ed’egi tagi mbumbugu ni, agi gologi tagi djiviya, ar agi b’lagagi tagi woi d’i.

Agi tid’igi yam minda hi Muzu’â hAlonina

16 Wani an nga ni dagiya, ar agi tid’igi yam minda hi Muzu’â hAlonina. Hina wani, agi mba tid’igi yam minda hi sa magi ma adjeunid’a d’i. 17 Kayam sa mei ma adjeuna nga mi min Muzu’â hAlonina d’i, Muzu’â hAlonina nga mi min sa mei ma adjeuna d’uo mi. Azi djak nga min tazi d’i. Kayam ndata, agi ndak á le vama agi minima d’i. 18 Wani le agi nga tid’igi yam minda hi Muzu’â hAlonina ni, agi nga ad’u gata d’i.

19 Wani sunda hi sa mei ma adjeunid’a ti ni woi abu pid’agï, nala, mizeuna, ndjendjed’a, gaulangâ, 20 tuwal fileina, ve kumana, noî tad’a, yalâ, yungôra, ayîna, tuguyod’a, wala, ka ira, 21 d’od’oka, gurut ki süma, lü ma batranga kahle suma ding suma hina na mi. An nga ni gigid’egi yam ahle ndazina pet, d’igi an gigid’egi avok na: Andjaf suma a nga lahle suma hina na a mba kal kur leud’a hAlonid’a d’i.

Jour 3 : La vie dans l’Esprit

Verset clé : « Mais le fruit de l’Esprit, c’est l’amour, la joie, la paix, la patience, la bonté, la fidélité, la douceur, la maîtrise de soi. » (Galates 5 : 22-23) Vivre dans l’Esprit, c’est permettre à Dieu de transformer chaque aspect de notre être. Ce processus n’est pas instantané, mais progressif, à mesure que nous nous ouvrons à son action. Les fruits mentionnés ne sont pas seulement des qualités personnelles, mais des témoignages visibles de l’œuvre de Dieu en nous. Quand nous vivons par l’Esprit, nos relations changent : nous répondons avec amour là où il y avait de la colère, avec patience là où il y avait de l’impatience. Quel fruit de l’Esprit aimerais-tu cultiver davantage ? Identifie une situation spécifique cette semaine où tu pourrais démontrer l’amour, la maîtrise de soi ou la bonté.

Plus

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga, 23 lulumad’a ki d’el tad’a. Gat ta kak djangûna kahle ndazinid’a nga d’i. 24 Wani suma hi Jesus Christ-sâ a b’al wa sa mazi ma adjeuna ki d’od’ok mamba ki min mamba akulo ata aguna. 25 Le ei nga karid’a yam Muzu’â hAlonina ni, mbeî ei tid’i yam minda hi Muzu’â hAlonina mi. 26 Ar ei halei subur ra hawa yaka á zalei hur tei d’i. Ar ei lei yungôra yam tei d’uo mi.