1 Kur bur máma aropma kid’iziya
a mba ve mandjuf ma tuna,
a mba dum ala:
Ami halami te mamina ni yam tamiya,
ami halami baru mamina ni yam tami mi,
wani ar a yami ni ki simiyêng go.
Hina wani, ang mba hlami zulo mamina woi kamiya.
Suma Jerusalem suma a arâ
2 Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ. 3 Ata yi máma suma a mba ar kur Siyon-na ki suma a mba ar avo Jerusalem-ma a mba yazi ala Suma a tinizi irazi vazi mi Ma didinina. Ni suma a mba b’irizi simiyêzi á kaka avo Jerusalem-ma. 4 Ma didina mba mi mbus ndjendjed’a harop suma Jerusalem-ma woyo, mba mi mbus buzu ma djang ngei kur Siyon-na woi ki simet ma mbud’uzi d’ingêr ma mbud’uzi yed’et mi na. 5 Bugola, Ma didina mba mi tin d’ugul la tchola gongzonga kandosâ faleya, mba mi tin aku d’a ngal bibiliu d’a b’o yina andjege yam ahina d’a Siyon-nda ki yi mat ma taka, kayam subura hi Ma didinid’a mba d’i mbut ni vama ngomozina. 6 Mba d’i mbut ni zlub’u d’a anguzuna yam huwak ka faleid’a, mba d’i mbut ni yima ngei tad’a abo babarâ kalo ma sed’a mi.
© Azumeina Bible © Alliance Biblique du Tchad, 1999.
