Yima kaka handjaf Israel-lâ kur kangâ
1 Ma didina mi de mi Moise azi ki Aron ala: 2 Ar Israel-lâ nge nge pî mi ve kang mama go ki drapo mamba ad’u drapod’a hi simiyêmba, a ve kang mazina ngagad’a yam taziya, a ngui zlub’u d’a ngaf tad’a kä d’uhl:
3 Ades ma dur ayî ma zlap kades ma dur ayîna hi Juda-nina, mi ve kang mama abo ma yorogona hi zlub’ud’ina. Ma ngol ma avok andjafâ hi Juda-nina ni Nason Aminadap goroma. 4 Mam suma dur ayîna a ni 74.600.
5 Andjafâ hi Isakar-râ mi ve kang mama gevemu. Ma ngol ma avorozina ni Netanel Suwar goroma. 6 Mam suma dur ayîna a ni 54.400.
7 Andjafâ hi Zabulon-na mi ve kang mama geveziya. Ma ngol ma avorozina ni Eliyap Helon goroma. 8 Mam suma dur ayîna a ni 57.400.
9 Ades ma dur ayî ma zlap kades ma dur ayîna ki Juda-nina pet ni 186.400; ni azi ba, a mba tchol á id’a avogo.
10 Ades ma dur ayî ma zlap kades ma dur ayîna hi Ruben-nina mi ve kang mama abo ma sutna hi zlub’ud’ina. Ma ngol ma avok andjafâ hi Ruben-nina ni Elisur Sedewur goroma. 11 Mam suma dur ayîna a ni 46.500.
12 Andjafâ hi Simeon-na mi ve kang mama gevemu. Ma ngol ma avorozina ni Selumiyel Surisadai goroma. 13 Mam suma dur ayîna a ni 59.300.
14 Andjafâ hi Gad-na mi ve kang mama geveziya. Ma ngol ma avorozina ni Eliyasaf Dewel goroma. 15 Mam suma dur ayîna a ni 45.650
16 Ades ma dur ayî ma zlap kades ma dur ayîna hi Ruben-nina pet ni 151.450; ni azi ba, a mba tchol á id’a á mbàd’a.
17 Bugola, adesâ hi suma hi Levi-na a mba i ki zlub’u d’a ngaf tad’a bugol ades ma mbà ma mi i avo’â. A mba i nad’u adezezi adezeziya, nge nge pî ad’u adezem ki drapo mamba.
18 Ades ma dur ayî ma zlap kades ma dur ayîna hi Efraim-mina, mi ve kang mama abo ma fladegena hi zlub’ud’ina. Ma ngol ma avok andjafâ hi Efraim-mina ni Elisama Amihut goroma. 19 Mam suma dur ayîna a ni 40.500.
20 Andjafâ hi Manase-na mi ve kang mama gevemu. Ma ngol ma avorozina ni Gamliyel Pedasur goroma. 21 Mam suma dur ayîna a ni 32.200.
22 Andjafâ hi Benjamin-na mi ve kang mama geveziya. Ma ngol ma avorozina ni Abidan Gidoni goroma. 23 Mam suma dur ayîna a ni 35.400.
24 Ades ma dur ayî ma zlap kades ma dur ayîna hi Efraim-ma pet ni 108.100; ni azi ba, a mba tchol á id’a á hindid’a.
25 Ades ma dur ayî ma zlap kades ma dur ayîna hi Dan-nina, mi ve kang mama abo ma norâ hi zlub’ud’ina. Ma ngol ma avok andjafâ hi Dan-nina ni Ahiyezer Amisadai goroma. 26 Mam suma dur ayîna a ni 62.700.
27 Andjafâ hi Aser-râ mi ve kang mama gevemu. Ma ngol ma avorozina ni Pagiyel Okran goroma. 28 Mam suma dur ayîna a ni 41.500.
29 Andjafâ hi Neftali-na mi ve kang mama geveziya. Ma ngol ma avorozina ni Ahira Enan goroma. 30 Mam suma dur ayîna a ni 53.400.
31 Ades ma dur ayî ma zlap kades ma dur ayîna hi Dan-nina pet ni 157.600; ni azi ba, a mba tchol á id’a bugol drapo mazid’a.
32 Israel suma a ndumuzi ad’u andjavazi kadezezi ma dur ayîna suma kur kangîna pet a ni 603.550. 33 A ndum nga suma hi Levi-na zlapa ki Israel-lâ d’uo d’igi Ma didina mi he vuna mi Moise na.
34 Israel-lâ a lahlena dedege d’igi Ma didina mi he vuna mi Moise na pet mi. A ve kangâ ad’u drapo mazid’a, a tchol a i ad’u adezezi ad’u andjavazi d’igi a hazi vuna na mi.
© Azumeina Bible © Alliance Biblique du Tchad, 1999.
