A ndum Israel-lâ kua yazi á mbàd’a
1 Bugol tugud’ei d’a tcho ndata, Ma didina mi de mi Moise azi ki Elazar ma ngat buzuna Aron goroma ala: 2 Agi ndumugi ablaud’a hi Israel-lîd’a ki zla tazi pet, tinï ad’ud’a ata suma bizazi dok mbà dok mbàna ki suma bizazi kal dok mbà suma a ndak á dur ayînina.
3 Moise azi ki Elazar a dazi zlad’a hur ful la Mowap pa go kalum ma Jurdê-na d’a ngagad’a yam Jeriko d’ara ala: 4 Agi ndumugi suma bizazi dok mbàna d’oze suma bizazi kal dok mbàna d’igi Ma didina mi han vuna ki Israel suma a buzugï woi kur ambas sa Ezipte-d’ina na.
5 Wana ni suma a ndumuzina:
Ruben Israel gorom ma ngolâ groma ba wana: Suma Eno’â nandjafâ hi Eno’â, suma Palu-na nandjafâ hi Palu-na, 6 suma Hesron-na nandjafâ hi Hesron-na, suma Karmi-na nandjafâ hi Karmi-na. 7 Wana nandjafâ hi Ruben ma a ndumuma, azi pet ni 43.730.
8 Eliyap ma Palu goromina groma ba wana: 9 Eliyap groma ni Nemuwel, Datan ki Abiram. Datan azi ki Abiram ni suma avok ablau suma a kak djangûna ki Moise azi ki Aron zlapa ki suma hi Kore-nina, ata yima a tchol djangûna ki Ma didina. 10 Andagad’a ti ngo vunat ti ligizi zlapa ki Kore, ata yima sum mama a bona, akud’a ti ngal suma dingâ kikis mbà yam dok vahl mi. Azi mbut ni vama ge humba mi suma. 11 Wani Kore groma a bo nga yam zla ndata d’i.
12 Wana ni Simeon groma ad’u andjavaziya: Suma Nemuwel-lâ nandjafâ hi Nemuwel-lâ, suma Jamin-na nandjafâ hi Jamin-na, suma Jakin-na nandjafâ hi Jakin-na, 13 suma Zera-na nandjafâ hi Zera-na, suma Saul-lâ nandjafâ hi Saul-lâ. 14 Wana nandjafâ hi Simeon-na, azi pet ni 22.200.
15 Wana ni Gad groma ad’u andjavaziya: Suma Sefon-na nandjafâ hi Sefon-na, suma Hagi-na nandjafâ hi Hagi-na, suma Suni-na nandjafâ hi Suni-na, 16 suma Osni-na nandjafâ hi Osni-na, suma Eri-na nandjafâ hi Eri-na, 17 suma Arot-na nandjafâ hi Arot-na, suma Areli-na nandjafâ hi Areli-na. 18 Wana nandjafâ hi Gad ma a ndumuma, azi pet ni 40.500.
19 Andjafâ hi Juda-na ba wana: Er azi ki Onan. Wani Er azi ki Onan a bo woi yam ambas sa Kanan-nda. 20 Wana ni Juda groma ad’u andjavaziya: Suma Sela-na nandjafâ hi Sela-na, suma Peres-sâ nandjafâ hi Peres-sâ, suma Zera-na nandjafâ hi Zera-na. 21 Wana ni Peres groma: Suma Hesron-na nandjafâ hi Hesron-na, suma Hamul-lâ nandjafâ hi Hamul-lâ. 22 Wana nandjafâ hi Juda ma a ndumuma, azi pet ni 76.500.
23 Wana ni Isakar groma ad’u andjavaziya: Suma Tola-na nandjafâ hi Tola-na, suma Puva-na nandjafâ hi Puva-na, 24 suma Jasup-ma nandjafâ hi Jasup-ma, suma Simron-na nandjafâ hi Simron-na. 25 Wana nandjafâ hi Isakar ma a ndumuma, azi pet ni 64.300.
26 Wana ni Zabulon groma ad’u andjavaziya: Suma Seret-na nandjafâ hi Seret-na, suma Elon-na nandjafâ hi Elon-na, suma Jalel-lâ nandjafâ hi Jalel-lâ. 27 Wana nandjafâ hi Zabulon ma a ndumuma, azi pet ni 60.500.
28 Wana ni Josef groma ad’u andjavaziya: Manase azi ki Efraim. 29 Wana nandjafâ hi Manase-na: Suma Makir-râ nandjafâ hi Makir-râ, Makir mi vut Galät, suma Galät-na nandjafâ hi Galät-na. 30 Wana nandjafâ hi Galät-na: Suma Jezer-râ nandjafâ hi Jezer-râ, suma Hele’â nandjafâ hi Hele’â, 31 suma Asriyel-lâ nandjafâ hi Asriyel-lâ, suma Sikem-ma nandjafâ hi Sikem-ma, 32 suma Semida-na nandjafâ hi Semida-na, suma Hefer-râ nandjafâ hi Hefer-râ. 33 Selofat Hefer goroma mi vut nga gor mandjuf fi, wani mi vut ni gro aropma hol. Simiyê grom suma arop ndazina ba wana: Mala, Nowa, Hogla, Milka ki Tirsa. 34 Wana nandjafâ hi Manase ma a ndumuma, azi pet ni 52.700.
35 Wana ni Efraim groma ad’u andjavaziya: Suma Sutela-na nandjafâ hi Sutela-na, suma Beker-râ nandjafâ hi Beker-râ, suma Tahan-na nandjafâ hi Tahan-na. 36 Andjafâ hi Sutela-na ba wana: Suma Eran-na nandjafâ hi Eran-na. 37 Wana nandjafâ hi Efraim ma a ndumuma, azi pet ni 32.500. Wana ni Josef groma ad’u andjavaziya.
38 Wana ni Benjamin groma ad’u andjavaziya: Suma Bela-na nandjafâ hi Bela-na, suma Asbel-lâ nandjafâ hi Asbel-lâ, suma Ahiram-ma nandjafâ hi Ahiram-ma, 39 suma Sufam-ma nandjafâ hi Sufam-ma, suma Hufam-ma nandjafâ hi Hufam-ma. 40 Andjafâ hi Bela-na ba wana: Arde ki Näman: Suma Arde-na nandjafâ hi Arde-na, suma Näman-na nandjafâ hi Näman-na. 41 Wana nandjafâ hi Benjamin ma a ndumuma, azi pet ni 45.600.
42 Wana ni Dan groma ad’u andjavaziya: Suma Suham-ma nandjafâ hi Suham-ma. Wana nandjafâ hi Dan-na ad’u adezeziya. 43 Andjafâ hi suma Suham suma a ndumuzina pet ni 64.400.
44 Wana ni Aser groma ad’u andjavaziya: Suma Jimna-na nandjafâ hi Jimna-na, suma Jisvi-na nandjafâ hi Jisvi-na, suma Beriya-na nandjafâ hi Beriya-na. 45 Andjafâ hi Beriya-na ba wana: Suma Heber-râ nandjafâ hi Heber-râ, suma Malkiyel-lâ nandjafâ hi Malkiyel-lâ. 46 Aser goromba a yat ala Sera. 47 Wana nandjafâ hi Aser ma a ndumuma, azi pet ni 53.400.
48 Wana ni Neftali groma ad’u andjavaziya: Suma Jasel-lâ nandjafâ hi Jasel-lâ, suma Guni-na nandjafâ hi Guni-na, 49 suma Jeser-râ nandjafâ hi Jeser-râ, suma Silem-ma nandjafâ hi Silem-ma. 50 Wana nandjafâ hi Neftali ma a ndumuma, azi pet ni 45.400.
51 Wana ni Israel suma a ndumuzina, azi pet ni 601.730.
Tak ka yam b’raud’a hambasid’a
52 Ma didina mi de mi Moise ala: 53 A mba b’rawazi ambasa djona adigazi nad’u ablaud’a hi sumid’a. 54 Suma ablauna, a mba hazi yina ngola yam ablau mazid’a; suma akid’eina, a mba hazi yina akid’eid’a yam akid’ei mazid’a. Nge nge pî, a mba hum yina nata ndum mba a ndumumba. 55 Wani a mba b’rawazi ambasa ni ki togina. Nge nge pî mba mi fe ambasa djona ni ki simi ma ad’u andjafâ habuma. 56 A mba b’rawazi ambasa djona aduk tazi nad’u ablau mazid’a kakid’ei mazid’a mi.
A ndum andjafâ hi Levi-na kua yazi á mbàd’a
57 Wana nandjafâ hi Levi ma a ndumum ad’u adezema: Suma Gerson-na nandjafâ hi Gerson-na, suma Kehat-na nandjafâ hi Kehat-na, suma Merari-na nandjafâ hi Merari-na. 58 Wana nandjafâ hi Levi-na: Suma Libini-na, suma Hebron-na, suma Mali-na, suma Musi-na ki suma Kore-na. Kehat mi vut Amram. 59 Atchad’a hi Amram-mba a yat ala Jokebet, ni Levi gorom mba a vud’ud’ï Ezipte-d’a. Ti vut grona mi Amram, nala, Aron, Moise ki wiyezid’a Miriyam. 60 Aron mi vut grona ni fid’i, nala, Nadap, Abihu, Elazar ki Itamar. 61 Wani Nadap azi ki Abihu a bo woi ata yima a mba kaku d’a dinga avok Ma didinina. 62 Wana ni suma a ndumuzina, gro andjof suma pet: Suma tilizi tutuna ki suma kal tilâ tutuna pet ni 23.000. A ndumuzi nga zlapa ki Israel suma dingâ d’i, kayam azi ndak á hazi ambasa djona ki Israel suma dingâ d’i.
Dabid’a hi ndumbid’a
63 Wana ni Israel suma Moise azi ki Elazar ma ngat buzuna a ndumuzi hur ful la Mowap pa go kalum ma Jurdê-na d’a ngagad’a yam Jeriko d’ara. 64 Adigazi a nga fe suma Moise azi ki ma ngat buzuna Aron a ndumuzi hur ful ma Sinai-nina d’i. 65 Kayam Ma didina mi dala: A mba bo woi abagei hur fulâ; sa tu pî mba mi ar ri, ni Kalep Jefune goroma ki Josue Nun goroma hol ba, a mba ara.
© Azumeina Bible © Alliance Biblique du Tchad, 1999.
