Gat ta yam bur ma aîd’id’a
1 Ma didina mi de kua ala: Kur bur ma avo’â hi til ma kid’iziyanina, agi togogi tok ka a tinit irat vata, agi lagi sun nda kaud’a kur ri, kayam ni bur magi ma aîd’a. 2 Agi hagi he d’a hawa d’a ngal la his sa afufuîd’a mi an Ma didina amuhlâ tu, gamlâna tu, gro tumiyô suma bizazi tutu suma bei dakina kid’iziya mi, 3 agi mbagi kafut ta adiged’i d’a a tib’eget ki mbulîd’a kilona zlengâ yam amuhlâ, agi mbagi kafut ta adiged’i d’a a tib’eget ki mbulîd’a kilona karagaya yam gamlâna, 4 agi mbagi kafut ta adiged’i d’a a tib’eget ki mbulîd’a kilona hindi hindi yam gor timi ma lara ge pet mi.
5 Agi hagi mbekmberena vama ngat buzu ma zlup yam tchod’a á zlubugi yam tcho magid’a. 6 Ahle suma ngat buzu ndazina pet, agi hazi ni zlapa ki he d’a hawa d’a ngal la a hat kur bur ma avo’â hi til ma lara ge petna zlapa ki he d’a hawa d’a ngal la didinda ki he d’a hawa d’a afuta ki he d’a hawa d’a süm guguzlu d’a yam vun ma he ma a huma. Wana ni he d’a hawa d’a ngal la his sa afufuîd’a mi an Ma didina.
Gat ta yam bur ma ngol ma zlup yam tchod’ina
7 Ma didina mi de kua ala: Kur bur ma dogona hi til ma kid’iziyanina, agi togogi tok ka a tinit irat vata á kud’uron an Ma didina, agi d’elegi tagi bei te tena kur bur máma, agi lagi sun nda kaud’a kur ri. 8 Agi hagi he d’a hawa d’a ngal la his sa afufuîd’a mi an Ma didina amuhlâ tu, gamlâna tu ki gro tumiyô suma bizazi tutu suma bei dakina kid’iziya mi. 9 Agi hagi he d’a hawa d’a afut ta adiged’i d’a a tib’eget ki mbulîd’a kilona zlengâ yam amuhlâ, 10 kilona karagaya yam gamlâna, kilona hindi hindi yam gor timi ma lara ge pet mi.
11 Agi hagi mbekmberena yam tchod’a zlapa ki vama ngat buzu ma zlup yam tchod’a ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
Gat ta yam vun til ma zlub’ud’a
12 Ma didina mi de kua ala: Kur bur ma dogo yam vahlâ hi til ma kid’iziyanina, agi togogi tok ka a tinit irat vata, agi lagi sun nda kaud’a kur ri. Agi lagi vun tilâ á suburun an Ma didina gak burâ kid’iziya.
13 Kur bur ma avo’â agi hagi he d’a hawa d’a ngal la his sa afufuîd’a mi an Ma didina amuzlei suma azungeîna dogo yam hindi, gamlâna mbà ki gro tumiyô suma bizazi tutu suma bei dakina dogo yam fid’i mi. 14 Agi mbagi ki he d’a hawa d’a afut ta adiged’i d’a a tib’eget ki mbulîd’a kilona zlengâ zlengâ yam amuhl ma lara ge pet ki kilona karagaya karagaya yam gamlâ ma lara ge pet, 15 ki kilona hindi hindi yam gor timi ma lara ge pet mi.
16 Agi hagi mbekmberena yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
17 Kur bur ma mbàna agi hagi amuzlei suma azungeîna dogo yam mbà, gamlâna mbà ki gro tumiyô suma bizazi tutu suma bei dakina dogo yam fid’i 18 zlapa ki he d’a hawa d’a afuta ki süm guguzlud’a yam amuzleina, yam gamlâna, yam gro tumiyôna, ngad’a yam ndum mazid’a d’igi an he vuna kazi na.
19 Agi hagi mbekmberena á zlup yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
20 Kur bur ma hindina agi hagi amuzlei suma azungeîna dogo yam tu, gamlâna mbà ki gro tumiyô suma bizazi tutu suma bei dakina dogo yam fid’i 21 zlapa ki he d’a hawa d’a afuta ki süm guguzlud’a yam amuzleina, yam gamlâna, yam gro tumiyôna, ngad’a yam ndum mazid’a d’igi an he vuna kazi na.
22 Agi hagi mbekmberena á zlup yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
23 Kur bur ma fid’ina agi hagi amuzlei suma azungeîna dogo, gamlâna mbà ki gro tumiyô suma bizazi tutu suma bei dakina dogo yam fid’i 24 zlapa ki he d’a hawa d’a afuta ki süm guguzlud’a yam amuzleina, yam gamlâna, yam gro tumiyôna, ngad’a yam ndum mazid’a d’igi an he vuna kazi na.
25 Agi hagi mbekmberena á zlup yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
26 Kur bur ma vahlâ agi hagi amuzlei suma azungeîna zlengâ, gamlâna mbà, gro tumiyô suma bizazi tutu suma bei dakina dogo yam fid’i 27 zlapa ki he d’a hawa d’a afuta ki süm guguzlud’a yam amuzleina, yam gamlâna, yam gro tumiyôna, ngad’a yam ndum mazid’a d’igi an he vuna kazi na.
28 Agi hagi mbekmberena á zlup yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
29 Kur bur ma karagayana agi hagi amuzlei suma azungeîna klavandi, gamlâna mbà ki gro tumiyô suma bizazi tutu suma bei dakina dogo yam fid’i 30 zlapa ki he d’a hawa d’a afuta ki süm guguzlud’a yam amuzleina, yam gamlâna, yam gro tumiyôna, ngad’a yam ndum mazid’a d’igi an he vuna kazi na.
31 Agi hagi mbekmberena á zlup yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
32 Kur bur ma kid’iziyana agi hagi amuzlei suma azungeîna kid’iziya, gamlâna mbà, gro tumiyô suma bizazi tutu suma bei dakina dogo yam fid’i 33 zlapa ki he d’a hawa d’a afuta ki süm guguzlud’a yam amuzleina, yam gamlâna, yam gro tumiyôna, ngad’a yam ndum mazid’a d’igi an he vuna kazi na.
34 Agi hagi mbekmberena á zlup yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
35 Kur bur ma klavandina agi togogi tok ka ngol la kal lei teglesa, agi lagi sun nda kaud’a kur ri. 36 Agi hagi he d’a hawa d’a ngal la his sa afufuîd’a mi an Ma didina amuhlâ tu, gamlâna tu, gro tumiyô suma bizazi tutu suma bei dakina kid’iziya 37 zlapa ki he d’a hawa d’a afuta ki süm guguzlud’a yam amuhlâ, yam gamlâna, yam gro tumiyôna, ngad’a yam ndum mazid’a d’igi an he vuna kazi na.
38 Agi hagi mbekmberena á zlup yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.
39 Wana nahle suma agi mba hagizi kur bur magi ma vun tilîna zlapa ki he d’a hawa d’a ngala ki he d’a hawa d’a afuta ki süm guguzlud’a kahle magi suma ngat buzu suma zlap darigï suma á ndak vun vun ma hled’a d’oze he magi d’a hawa d’a kur min magid’id’a mi.
© Azumeina Bible © Alliance Biblique du Tchad, 1999.
