Ndumba 6 - Azumeina Bible 1999 (MPG)

Gat ta yam sama mi tin tam irat vatna

1 Ma didina mi de mi Moise ala: 2 Ang i de mi Israel-lâ ala: Ma didina mi dala: Le atchad’a d’oze mandjufâ mi hle vunam á tin tam irat vat á le sun nda a yat ala Nazir-ra ni, 3 ar mi tche süm guguzlu d’a azleîd’a d’oze süm ma azleî ma a gizeyêm ki süm ma ayînina d’i, ar mi te vud’a guguzlu d’a arid’a d’oze d’a sod’a d’uo mi. 4 Ata yima mi nga kur sun nda Nazir-rina, ar mi te vud’a guguzlud’a d’i, le ni d’a bei ned’a d’oze b’logotna pî, mi tazi d’i. 5 Ata yima mi nga kur sun ndatina, ar mi wel yam mbei ki dudumam mbuo gak bur ma mam ngam ata yima mam tin tam irat vatna mi ndak tua. Mam mba mi kak yed’et, mi ar yam ki dudumam bei wela a se. 6 Ata yima mi nga kur sun ndatina, ar mi do mad’a sana d’i. 7 Ar mi mbut tam ndjendjed’a ki mad’a abum mboze asum mboze wiyema d’oze wiyemba d’i, kayam tumus sa kam mba bei welet teid’a ti tak kei ala mi tin tam irat vat mi an Alo mama.

8 Ata yima mi nga kur sun Nazir ndatina, mi ka’î ma tin tam irat vat yam an Ma didinina. 9 Le sana mi mit gevem kä dumuzi ni, yam mba mi tinit irat vata ti mbut ni ndjendjed’a. Kur bur ma kid’iziyana, mi wel yam mbeyo, mi mbut tam yed’et mbut ta dinga. 10 Kur bur ma klavandina, mi mba ki gugu bed’egera mbà d’oze gugu d’a avo d’a gureid’a mbà mi ma ngat buzuna avun zlub’u d’a ngaf tad’a. 11 Ma ngat buzu máma mi ngat tu vama ngat buzu ma zlup yam tchod’a, mi ngat ta hid’a vama ngat buzu ma ngala mba mi zlubum yam tcho mamba yam mat ma mi doma. Hina wani, sama mi tin tam irat vat máma, yam mba d’i mbut yed’et kur bur máma. 12 Ar mi tin tam tin nda dinga irat vat mi an Ma didina d’igi mi tin tam avok na, ar mi he timi ma bizam tuna vama ngat buzuna yam tchilad’a. Bur ma kal leina sa mba mi ndumum mbi, kayam tin nda mam tin tam irat vata ti mbut ndjendjed’a da’.

13 Wana ni gat ta yam sama mi tin tam irat vat á le sun nda Nazir-rina: Kur bur ma burum ma mam tin tam irat vatna dapma, a mbamï avun zlub’u d’a ngaf tad’a. 14 Mi mba ki he d’a hawa mamba mi an Ma didina, nala, timi ma bizam tu ma bei dakina vama ngat buzu ma ngala, timi d’a bizat tu d’a bei dakid’a vama ngat buzu ma zlup yam tchod’a ki gamlâ ma bei dakina vama ngat buzu ma zlap darigïd’a. 15 Mi mba kavungô ma a lum bei angufina kayad’a tu, fangasu ma a lum kafut ta adiged’i d’a a tib’eget ki mbulîd’a, kak ma a lum bei anguf ma a yamam mbulâ kama, ki he d’a hawa mazi d’a afuta zlapa ki he d’a hawa mazi d’a süm guguzlud’a mi.

16 Ma ngat buzuna mi tak he d’a hawad’a hi sa mámid’a akulo avogon an Ma didina, mi he vama ngat buzu ma zlup yam tcho mambina, ki vama ngat buzu ma ngala. 17 Mi he gamlâna vama ngat buzu ma zlap darigïd’a mi an Ma didina zlapa kavungô ma a lum bei angufa ma kayad’a tuna. Bugola, mi tak he d’a hawa d’a afuta akulo ki he d’a hawa d’a süm guguzlud’a mi.

18 Ata yi máma sama mi tin tam irat vat á le sun nda Nazir-ra máma, mi wel yam mbei ki dudumam avun zlub’u d’a ngaf tad’a, mi yo tumus ndata, mi tchugut kä aduk aku d’a nga d’i ngal vama ngat buzu ma zlap darigïd’id’a. 19 Bugol la sa máma mi wel yam mbei da d’a, ma ngat buzu máma mi hle gamlâna bigam mba a yata, mi hlavungô ma a lum bei angufa ma nga kur kayad’ina tu ki kak ma a lum bei angufina tu mi, mi hazi abo sama mi tin tam irat vat máma. 20 Ma ngat buzu máma mi gazazi akulo avogon an Ma didina. Nahle suma a tinizi irazi vazina; a arî hi ma ngat buzunina zlapa kab’alâ ki didi’â suma a gazazi akulo ndazina. Ata yi máma ma tin tam irat vat á le sun nda Nazir-ra máma mi ndak á tche süm guguzlud’a.

21 Wana ni gat ta yam sama mi hle vunam á le sun nda Nazir-rina. Wana ni he d’a hawa d’a mam hat mi an Ma didina yam tin nda mam tin tam irat vatid’a. Le mi nga kahlena ni, mi ndak á hed’a kam kua, wani mbeî mi ndak vun ahle suma a he vuna kazi yam vun ma hle ma mam hluma d’igi gata de yam vun mam ma hled’a na.

Zla d’a de d’a a b’e ki vuna yam sumid’a

22 Ma didina mi de mi Moise kua ala: 23 Ang de mi Aron azi ki groma ala: Agi b’agi vuna yam Israel-lâ ni na, agi dazi ala:

Découvrez 07 versets bibliques sur la paix

Le mot hébreu traduit par « paix » est « shalom ». Il signifie plus que le contraire d’un conflit. Il s’agit d’être complet et en sécurité. C’est pourquoi nous ne pouvons trouver la paix qu’en Dieu. Sans Dieu, nous ne sommes ni complets ni en paix. Vous avez le choix dans votre vie. En cas de conflit, cherchez-vous la paix ? Faites le premier pas et tendez la main à toute personne avec laquelle vous n’êtes pas en paix et cherchez la paix. Être un artisan de la paix est une bénédiction et un bonheur. En tant qu’enfants de Dieu, nous sommes appelés à rechercher la paix. Nous savons qu’il y a des conflits et des fauteurs de troubles dans le monde. Mais la Bible nous dit de faire ce que nous pouvons pour vivre en paix avec tout le monde. Lorsque vous marchez avec Dieu dans la paix, tout est différent. Il peut y avoir des conflits autour de vous, mais les conflits et les problèmes du monde ne peuvent pas vaincre la paix de Dieu. Travaillez activement pour la paix, non seulement dans votre propre intérêt, mais aussi pour édifier les autres autour de vous. La Bible vous souhaite, ainsi qu’à tous, de connaître la paix. Que Dieu soit avec vous, afin que votre vie soit paisible et complète. La bénédiction sacerdotale nous dit qu’en présence de Dieu, il y a la paix. Cherchez Dieu et vous le trouverez. Que Dieu vous bénisse.

Plus

Ar Ma didina mi b’e vunam kagiya, mi ngomogi mi!

25 Ar Ma didina mi tin iram kagiya, mi wagi hohowogi mi!

26 Ar Ma didina mi tagagi djivi mamba, ar mi hagi b’leng nga halasa mi!

27 Ni hina ba, azi mba yan ki simiyên yam Israel-lâ; an mba ni b’e vunan kazi mi.