Agi gilegi Ma didina
1 Agi gilegi Ma didina!
Agi azungeîna hi Ma didinina, agi gilegiziya!
Agi gilegi simiyê Ma didina.
2 Ar ei suburi Ma didina
ki tchetchemba, gak didin mi.
3 Ar suma pet a gile simiyê Ma didina,
tinï ad’ud’a abo ma yorogona dei
gak abo ma fladegena.
4 Ma didina mi nga kaka akulo yam andjaf suma pet.
Subur mamba ti kal akulo yam hur alona.
5 Ni nge ba, mi hle tam d’igi Ma didina Alo meina na ge?
Yam ma kaka mi sä nakulo.
6 Nga mi tinï iram kä
á gol akulod’a kandagad’a.
7 Nga mi tchol suma hohou suma kä andagana akulo,
nga mi tchol suma hohou suma kä aduk butnina akulo
8 á kagazi tu ki suma nglona,
á kagazi ki suma nglo suma hi sum mamina mi.
9 Mi hatcha d’a gendreged’a azì ma kaka,
mi mbud’ut atcha d’a furîd’a aduk grotna.
Agi gilegi Ma didina!
© Azumeina Bible © Alliance Biblique du Tchad, 1999.
