Agi gilegi Ma didina
1 Agi gilegi Ma didina!
Agi gilegi Alona kur gong mam mba kud’ora,
agi gilegizi akulo hur alona,
ata hur alo ma nga mi tak sib’ik mamba woi kuana.
2 Agi gilegizi yam sun mam mba nglo d’a mam lata.
Agi gilegizi yam ngol mam mba kal papad’a.
3 Agi gilegizi kadifa,
agi gilegizi kading ma ngolâ ki ma gorâ mi.
4 Agi gilegizi ki daliyâd’a ki ndjongâ,
agi gilegizi kadingâ ki taulâd’a.
5 Agi gilegizi ki tchigiyeu d’a tchina,
agi gilegizi ki tchigiyeu d’a tchi heîd’a.
6 Ar ahle suma a nga muzu’â pet
a gile Ma didina!
Agi gilegi Ma didina!
© Azumeina Bible © Alliance Biblique du Tchad, 1999.
