Romê-na 15 - Azumeina Bible 1999 (MPG)

Ang halî vama mi le ndrangâ tam djivid’ina

1 Ei suma ad’enga kur he gagazid’ina, ar ei ndjuni suma amangeîna á zizi amangeî mazid’a. Ar ei halei ni vama mi lei tei djivid’ina d’i. 2 Ar nge nge pî adigei mi hal ni vama mi le ndrama tam djivid’a á wulum akulo kur he gagazid’ina. 3 Kayam Christ tamba mi hal nga vama mi lum tam djivid’ina d’i, wani d’igi mbaktumba hAlonid’a ti de na ala: Ngul la suma a nga ngulunga ti hulong kanu. 4 Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina. 5 Ar Alo ma ve tad’a ki b’leng hur ma tcholï atama, mi hagi djib’er ra tud’a aduk tagi d’igi djib’era hi Jesus Christ-sa na. 6 Ni hina ba, agi pet agi gilegi Alona Abu Saleina Jesus Christ ki djib’er ra tud’a ki vun ma tuna mi.

Zla d’a Djivi d’a yam suma peta

7 Ar nge nge pî adigagi mi ve wiyema atam d’igi Christ mi vagi atam yam subura hAlonid’a na. 8 Kayam an nga ni dagi ala Christ mi mbut ma sunda hi Juif-fîna á ndak vun vun ma hle ma Alona mi hlum mi Abraham, mi Isak ki Jakob memetna á tak woi abu ala Alona ni Ma d’engzengâ, 9 kayam andjaf suma dingâ a subur Alona yam we hohou mamba mi. D’igi mbaktumba hAlonid’a ti de na ala:

Kayam ndata, an mba ni suburung aduk andjaf suma dingâ,

an mba ni gileng simiyêng ki sawala mi.

10 Ti de kua ala:

Agi andjaf suma dingâ, agi lagi furîd’a zlapa ki suma Alona mi manazina.

11 Ti de kua ala:

Agi andjaf suma pet, agi gilegi Ma didina.

Agi suma pet, agi gilemu.

12 Isai pî mi dala:

Sideina hi Jesse-na mba mi mba,

mba mi te yam andjaf suma dingâ,

a mba tin huruzi kam mi.

07 versets bibliques quand vous êtes anxieux

Lorsque vous vous sentez anxieux ou inquiet, il est bon de consulter la Bible. Dieu connaît nos peurs et nos inquiétudes, et la Bible contient de nombreuses paroles pour nous relever, nous donner de l’espoir et nous soulager de l’anxiété. Ésaïe 41:13 Car je suis l’Éternel, ton Dieu, Qui fortifie ta droite, Qui te dis: Ne crains rien, Je viens à ton secours. Vous n’êtes pas seul. Dieu est là, il est avec vous. C’est un rappel important, car l’anxiété peut être accablante. Mais Dieu est là pour vous aider. Jean 14:1 Que votre coeur ne se trouble point. Croyez en Dieu, et croyez en moi. Dieu s’est fait homme, Jésus-Christ, et a vécu comme l’un de nous. Il connaît votre situation. Jésus vous rappelle de vous tourner vers lui dans la foi. Psaumes 34:5 J’ai cherché l’Éternel, et il m’a répondu; Il m’a délivré de toutes mes frayeurs. Lorsque vous cherchez Dieu, la Bible nous dit que Dieu vous répondra. Cherchez Dieu de tout votre cœur et il vous délivrera de vos frayeurs. Psaumes 94:19 Quand les pensées s’agitent en foule au-dedans de moi, Tes consolations réjouissent mon âme. L’anxiété peut rendre votre cœur lourd et pesant. Lisez la Parole de Dieu et laissez-le vous élever. Proverbes 29:25 La crainte des hommes tend un piège, Mais celui qui se confie en l’Éternel est protégé. Nos peurs tentent de nous abattre et de nous piéger. Dieu est notre refuge, il est notre port d’attache. Mettez votre confiance en Dieu. Colossiens...

Plus

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

ZLA D’A DABID’A KI DEP PA GED’A HI PAUL-LA

(5.14—16.27)

Paul mi b’ir hina ni kayam me ge?

14 B’oziyona, an tanda ni we woi tetet ala agi ni suma djivina, agi wagi ad’u ahlena pet, agi ndak á had’agi tagi mi. 15 Wani kur mbaktum manda, an nga ni dagi zlad’a bei mandarâ ba á gagi humagi yam ve d’a Alona mi van sumad’a 16 á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina. 17 Yam Jesus Christ, an nga ni subur tan yam sun man nda an nga ni lat yam Alonid’a. 18 Le an nga ni de zlad’a bei mandarâ ba ni, an nga ni de ni vama Christ mi lum ki sed’en á mba kandjaf suma dingâ á ge yazi kä ad’uma hol. Mi le na yam zla man nda ded’a ki sun man nda led’a, 19 yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a. 20 An min tchi wal Zla d’a Djivid’a ata yima Christ simiyêm mi yi nga kua d’uo na hol. An le hina kayam an min ala an min va akulo yam ad’u ge d’a sama dingâ mi gata d’i. 21 Wani d’igi mbaktumba hAlonid’a ti de na ala:

Suma a tchazi nga wal zla mamba d’uo na

a mba wat ad’ud’u,

suma a hum nga zla mamba d’uo na

a mba humut ad’ut mi.

Paul mi de yam i mam mba Rom-mba

22 Wana ni vama d’elen teteu á id’a sä hatagina. 23 Wani ki tchetchemba, an dap wa sun manda kur ambas sa kä wanda d’a. Bizad’a ngola an hat hurun á iza á d’ugiya. 24 Wani an min ala fata an i yam ambas sa Espaî-d’a, an tin hurun ala an mba ni hleza kagi á kak ki sed’egi ndjö, bugol tua ba, agi mba tinin sä kua mi. 25 Wani ki tchetchemba, an nga ni i Jerusalem kahle suma ndjunda mi suma hAlonina. 26 Kayam kretiyê suma Maseduwan-na ki suma Akai-na a nga huruzi ala azi tok he d’a hawa mazid’a yam suma hohou suma hAlona suma Jerusalem-ma. 27 Azi tazid’a nga huruzi á le hina. Wani gagazi, azi ndak á le ki suma hohou ndazina hina. Le kretiyê suma Jerusalem-ma a b’rau ahle mazi suma djivina hi Muzu’îna kandjaf suma dingâ ni, djivid’a andjaf suma dingâ a ndak á ndjunuzi kahle mazi suma a nga abozina mi. 28 Fata an dap wa sun ndata, an hazi wa he d’a hawa ndata pet mi ni, an mba ni hleza kagiya, tua ba an kal ni i Espaî. 29 An wala fata an iza hatagid’a, an mba ni fagi ki b’e vuna hi Christ-sâ kagiya.

30 B’oziyona, an nga ni tchenegi ki simiyê Saleina Jesus Christ ki o d’a Muzu’â hAlonina mi heizid’a, ar agi zlabagi ki sed’en agi tchenegi Alona kan ngola. 31 Ar agi tchenegi Alona ala mi prud’un ndei abo suma bei he gagazi suma Jude-na, kayam he d’a hawa d’a an nga ki sed’et á it mi suma hAlona suma Jerusalem-mid’a a vat ki djivid’a mi. 32 Ni hina ba, le Alona mi mina ni, an mba ni iza hatagi ki furîd’a, an mba ni tuk tan sä hatagi mi. 33 Ar Alo ma hei b’leng nga halasina, mi kak ki sed’egi pet. Amin!