1 Ti dala:
Andjege yam azang mana,
an nga ni hal ma an hurun vum heîna,
an halamu, an fum nga d’i.
2 Kayam ndata, an nga ni tchola,
an mba ni ngui hur azì ma ngolâ ir palumba,
ata yima suma a nga tok kuana mi,
an mba ni hal ma an hurum vum heîna.
An halamu, an fum nga d’i.
3 Suma ndjol suma a nga ngui
hur azì ma ngolina a fanu.
An djobozi ala:
Agi wagi ma an le kam heîna ko zu?
4 An gazi woi hina nde,
an fe ma an hurun vum heîna.
An vumu, an tchugum nga d’i
gak an kal ki sed’em avo hasunu,
klavi hi d’a vud’unda.
(Mamu)
5 Mi dala:
Agi yugunei suma Jerusalem-ma,
an nga ni gunugi ki duguyona
ki pandri d’a abageid’a,
agi zlid’igi d’a an le kat heîd’a akulo d’i,
agi zlid’it akulo d’i
gak ti tchol akulo nata min mata.
(Ndad’u)
6 Ti dala:
Ni nge mi djï hur fulâ
d’igi andos ma pat akulona na,
d’igi hisâ hi mirâ
ki mbul ma his ma afufuî ma lara ge
ma hi suma mbut abozina na ge?
7 Ni zlam mba amula hi Salomon nda a nga zita.
Suma gangrang suma a we dur ayîna
aduk Israel-lîna dok karagaya a nguyud’u.
8 Azi pet ni suma a nga ki mbigeu d’a fiyaka abozina,
ni suma a hat dur ayîna heîna.
Nge nge pî mi djin mbigeu mamba ir tchugulum
á d’el vama tcho ma mi mba andjegena.
9 Amulâ Salomon mi min tobei ma zim ki na
kagu ma Liban-na.
10 Agu mam ma murgulina ni kawei ma hapma,
yima deng huyo’â ni lora,
zlam mamba a dubut ni ki baru d’a hleud’a,
gro yugunei suma Jerusalem-ma
a ndalat hurut ni ki od’a mi.
11 Agi yugunei suma Siyon-na,
agi buzugugi woi abu gologi amulâ Salomon,
kavaval la asum tinimzi kam
kur bur mam ma telina.
Ni bur ma hurum oîd’a ki furîd’ina.
© Azumeina Bible © Alliance Biblique du Tchad, 1999.
