أوْلاد إسرائيل
1 وَ دَاهُو أَوْلَادْ إِسْرَائِيلْ. وَ هُمَّنْ رَأُوبِينْ وَ شِمْعُونْ وَ لَاوِي وَ يَهُوذَا وَ يَسَّاكَرْ وَ زَبُلُونْ 2 وَ دَانْ وَ يُوسُفْ وَ بَنْيَامِينْ وَ نَفْتَالِي وَ قَادْ وَ أَشِيرْ.ذُرّية يَهُوذَا
3 وَ أَوْلَادْ يَهُوذَا هُمَّنْ عِيرْ وَ أُنَانْ وَ شِيلَى. وَ عِيَالَهْ التَّلَاتَةْ دَوْل وِلْدَتْهُمْ لَيَّهْ مَرْتَهْ الْكَنْعَانِيَّةْ وَ هِي بِنَيَّةْ شُوعْ. وَ لَاكِنْ عِيرْ بِكِرْ يَهُوذَا بِقِي نَادُمْ فَسِلْ قِدَّامْ اللّٰهْ وَ اللّٰهْ جَعَلْ لَيَّهْ الْمَوْت.4 وَ تَامَارْ مَرِةْ وِلَيْد يَهُوذَا وِلْدَتْ لِيَهُوذَا أَوْلَادْ إِتْنَيْن وَ هُمَّنْ فَارِصْ وَ زَارَحْ. وَ عِيَالْ يَهُوذَا كُلُّهُمْ هُمَّنْ خَمْسَةْ.5 وَ أَوْلَادْ فَارِصْ هُمَّنْ حَصْرُونْ وَ حَامُلْ.6 وَ أَوْلَادْ زَارَحْ هُمَّنْ زِمْرِي وَ إِتَانْ وَ هَيْمَانْ وَ كَلْكُولْ وَ دَارَعْ. وَ عِيَالْ زَارَحْ كُلُّهُمْ هُمَّنْ خَمْسَةْ.7 وَ عَكَارْ هُو وِلَيْد كَرْمِي. هُو بَسْ الْجَابْ بَرْجَالْ فِي بَنِي إِسْرَائِيلْ وَكِتْ عِصِي اللّٰهْ وَ شَالْ مِنْ الْخُمَامْ الْحَرَامْ.8 وَ إِتَانْ وِلِدْ عَزَرْيَا.9 وَ أَوْلَادْ حَصْرُونْ هُمَّنْ يَرْحَمِيلْ وَ رَامْ وَ كَلُوبَايْ.10 وَ رَامْ وِلِدْ عَمِنَدَابْوَ عَمِنَدَابْ وِلِدْ نَحْشُونْ، شَيْخ بَنِي يَهُوذَا.11 وَ نَحْشُونْ وِلِدْ سَلْمَاوَ سَلْمَا وِلِدْ بُعَازْ.12 وَ بُعَازْ وِلِدْ عُبَيْدوَ عُبَيْد وِلِدْ يَسَّى.13 وَ يَسَّى وِلِدْ أَلِيَابْ الْبِكِرْ وَ أَبِنَدَابْ التَّانِي وَ شِمْعَى التَّالِتْ 14 وَ نَتَنِيلْ الرَّابِعْ وَ رَدَّايْ الْخَامِسْ 15 وَ أُصَامْ السَّادِسْ وَ دَاوُدْ السَّابِعْ. 16 وَ أَخْوَاتْهُمْ هِنَّ صَرُويَةْ وَ أَبِقَايِلْ.وَ أَوْلَادْ صَرُويَةْ هُمَّنْ تَلَاتَةْ، أَبِشَايْ وَ يُوَابْ وَ عَسَاحِيلْ.17 وَ أَبِقَايِلْ وِلْدَتْ عَمَاسَا وَ أَبُو عَمَاسَا هُو يَتَرْ الْإِسْمَاعِيلِي.
18 وَ كَالِبْ وِلَيْد حَصْرُونْ وِلِدْ أَوْلَادْ مِنْ عَوِينَهْ عَزُوبَةْ وَ يَرِعُوتْ. وَ أَوْلَادَهْ هُمَّنْ يَشَارْ وَ شُوبَابْ وَ أَرْدُونْ. 19 وَ عَزُوبَةْ مَاتَتْ وَ كَالِبْ أَخَدْ مَرَةْ آخَرَةْ أُسُمْهَا أَفْرَاتَةْ وَ هِي وِلْدَتْ لَيَّهْ وِلَيْد أُسْمَهْ حُورْ.20 وَ حُورْ وِلِدْ أُورِيوَ أُورِي وِلِدْ بَصَلِيلْ.21 وَ وَكِتْ حَصْرُونْ عِنْدَهْ 60 سَنَةْ، أَخَدْ بِنَيَّةْ مَكِيرْ جِدّ الْقِلْعَادِيِّينْ. وَ هِي وِلْدَتْ لَيَّهْ وِلَيْد أُسْمَهْ سَقُوبْ.22 وَ سَقُوبْ وِلِدْ يَيِيرْ وَ هُو بَسْ الْعِنْدَهْ 23 حِلَّالْ فِي بَلَدْ قِلْعَادْ.
23 وَ لَاكِنْ الْقَشُورِيِّينْ وَ الْأَرَامِيَّيْن شَالَوْا فُرْقَانْ يَيِيرْ وَ مَدِينَةْ قَنَاتْ وَ الْحِلَّالْ التَّابْعِينْهَا وَ كُلُّهُمْ كَيْ عَدَدْهُمْ 60. وَ كُلَّ النَّاسْ السَّاكْنِينْ فِي الْبَكَانْ دَا، هُمَّنْ مِنْ ذُرِّيَّةْ مَكِيرْ أَبُو قِلْعَادْ. 24 وَ بَعَدْ مَوْت حَصْرُونْ فِي حِلَّةْ أَفْرَاتَةْ، كَالِبْ أَخَدْ أَبِيَّا مَرِةْ حَصْرُونْ وَ هِي وِلْدَتْ لَيَّهْ وِلَيْد أُسْمَهْ أَشْحُورْ. وَ أَشْحُورْ دَا، هُو بَسْ الْبَنَى مَدِينَةْ تَقُوعَةْ.
25 وَ وِلَيْد الْبِكِرْ هَنَا حَصْرُونْ هُو يَرْحَمِيلْ.وَ يَرْحَمِيلْ وِلِدْ أَوْلَادْ وَ هُمَّنْ رَامْ الْبِكِرْ وَ بُونَا وَ أُرَانْ وَ أُصَامْ وَ أَخِيَّا.26 وَ يَرْحَمِيلْ أَخَدْ مَرَةْ آخَرَةْ أُسُمْهَا عَطَارَةْ. وَ هِي وِلْدَتْ لَيَّهْ وِلَيْد أُسْمَهْ أُنَامْ.27 وَ أَوْلَادْ رَامْ بِكِرْ يَرْحَمِيلْ هُمَّنْ مَعَصْ وَ يَامِينْ وَ عِقَارْ.28 وَ أَوْلَادْ أُنَامْ هُمَّنْ شَمَّايْ وَ يَادَعْ.وَ أَوْلَادْ شَمَّايْ هُمَّنْ نَدَابْ وَ أَبِشُورْ.29 وَ أُسُمْ مَرِةْ أَبِشُورْ دِي أَبِحَايِلْ. وَ هِي وِلْدَتْ لَيَّهْ أَوْلَادْ وَ هُمَّنْ أَحْبَانْ وَ مُلِيدْ.30 وَ أَوْلَادْ نَدَابْ هُمَّنْ سَالِدْ وَ أَفَّايِمْ. وَ سَالِدْ مَاتْ بَلَا وِلَيْد.31 وَ أَفَّايِمْ وِلِدْ يِشْعِيوَ يِشْعِي وِلِدْ شِشَانْوَ شِشَانْ وِلِدْ أَحْلَايْ.32 وَ أَوْلَادْ يَادَعْ أَخُو شَمَّايْ هُمَّنْ يَتَرْ وَ يُونَتَانْ. وَ يَتَرْ مَاتْ بَلَا وِلَيْد.33 وَ أَوْلَادْ يُونَتَانْ هُمَّنْ فَالَتْ وَ زَازَا. وَ دَوْل كُلُّهُمْ مِنْ ذُرِّيَّةْ يَرْحَمِيلْ.
34 وَ شِشَانْ مَا عِنْدَهْ أَوْلَادْ لَاكِنْ عِنْدَهْ بَنَاتْ بَسْ. وَ شِشَانْ عِنْدَهْ عَبِدْ وَاحِدْ مَصْرِي أُسْمَهْ يَرْحَعْ. 35 وَ شِشَانْ جَوَّزْ بِنَيِّتَهْ لِيَرْحَعْ عَبْدَهْ وَ هِي وِلْدَتْ وِلَيْد أُسْمَهْ عَتَّايْ.
36 وَ عَتَّايْ وِلِدْ نَاتَانْوَ نَاتَانْ وِلِدْ زَبَادْ.37 وَ زَبَادْ وِلِدْ أَفْلَالْوَ أَفْلَالْ وِلِدْ عُبَيْد.38 وَ عُبَيْد وِلِدْ يَاهُووَ يَاهُو وِلِدْ عَزَرْيَا.39 وَ عَزَرْيَا وِلِدْ حَالَصْوَ حَالَصْ وِلِدْ أَلْعَاسَى.40 وَ أَلْعَاسَى وِلِدْ سِسْمَايْوَ سِسْمَايْ وِلِدْ شَلُّومْ.41 وَ شَلُّومْ وِلِدْ يَقَمْيَاوَ يَقَمْيَا وِلِدْ أَلِشَمَعْ.42 وَ كَالِبْ أَخُو يَرْحَمِيلْ وِلِدْ مِيشَعْ وَ مَرِيشَةْ. وَ مِيشَعْ دَا بَسْ الْبِكِرْ وَ هُو أَبُو زِيفْ. وَ مَرِيشَةْ دَا هُو أَبُو حَبْرُونْ.
43 وَ حَبْرُونْ وِلِدْ قُورَحْ وَ تَفُوحْ وَ رَاقِمْ وَ شَمَعْ.44 وَ شَمَعْ وِلِدْ رَحَمْوَ رَحَمْ وِلِدْ يَرُقَعَامْ.وَ رَاقِمْ وِلِدْ شَمَّايْ45 وَ شَمَّايْ وِلِدْ مَاعَوْنوَ مَاعَوْن وِلِدْ بَيْت صُورْ.46 وَ كَالِبْ عِنْدَهْ سِرِّيَةْ أُسُمْهَا عَيْفَةْ وَ هِي جَابَتْ لَيَّهْ عِيَالْ وَ هُمَّنْ حَرَّانْ وَ مُصَّا وَ قَازِزْ.وَ حَرَّانْ وِلِدْ وِلَيْد وَ أُسْمَهْ قَازِزْ.47 وَ أَوْلَادْ يَهْدَايْ هُمَّنْ رَقَمْ وَ يُوتَامْ وَ قِيشَانْ وَ فَالَتْ وَ عِيفَا وَ شَعَفْ.48 وَ سِرِّيَةْ كَالِبْ الْأُسُمْهَا مَعَاكَةْ جَابَتْ عِيَالْ وَ هُمَّنْ شَبَرْ وَ تِرْحَانَا. 49 وَ بَتَّانْ جَابَتْ شَعَفْ أَبُو مَدْمَنَّا وَ شَيْوَا أَبُو مَكْبِينَا وَ قِبَيْعَا. وَ زِيَادَةْ مِنْ دَا، كَالِبْ عِنْدَهْ بِنَيَّةْ أُسُمْهَا عَكْسَةْ.50 وَ دَاهُو ذُرِّيَّةْ آخَرَةْ هَنَا كَالِبْ. مِنْ مَرْتَهْ أَفْرَاتَةْ، كَالِبْ وِلِدْ وِلَيْدَهْ الْبِكِرْ أُسْمَهْ حُورْ.
حُورْ وِلِدْ تَلَاتَةْ أَوْلَادْ وَ هُمَّنْ شُوبَالْ هُو الْبَنَى حِلَّةْ قَرْيَةْ يَعَرِيمْ 51 وَ سَلْمَا هُو الْبَنَى حِلَّةْ بَيْت لَحَمْ وَ حَرِيفْ هُو الْبَنَى حِلَّةْ بَيْت قَدِيرْ.
52 وَ شُوبَالْ بَنَى قَرْيَةْ يَعَرِيمْ وَ ذُرِّيّتَهْ هُمَّنْ سُكَّانْ حِلَّةْ هَرُوَةْ وَ نُصّ سُكَّانْ حِلَّةْ مَنَاحَتْ. 53 وَ خُشُومْ بُيُوتْ قَرْيَةْ يَعَرِيمْ هُمَّنْ الْيِتْرِيِّينْ وَ الْفُوتِيِّينْ وَ الشُّمَاتِيِّينْ وَ الْمِشْرَاعِيِّينْ. وَ مِنْهُمْ هُمَّنْ دَوْل بَسْ مَرَقَوْا بَنِي صَرْعَاتْ وَ بَنِي أَشْتَوُولْ.
54 وَ ذُرِّيَّةْ سَلْمَا هُمَّنْ نَاسْ بَيْت لَحَمْ وَ حِلَّةْ نَطُوفَا وَ عَطَرُوتْ بَيْت يُوَابْ وَ نُصّ سُكَّانْ مَنَاحَتْ وَ الصُّورْعِيِّينْ. 55 وَ خُشُومْ بُيُوتْ الْكُتَّابْ السَّاكْنِينْ فِي يَعْبِيصْ هُمَّنْ بَنِي تِرْعَاتْ وَ بَنِي شِمْعَاتْ وَ بَنِي سُوكَاتْ. وَ دَوْل بَسْ الْقِينِيِّينْ الْمَرَقَوْا مِنْ ذُرِّيَّةْ حَمَّتْ جِدُّهُمْ لِبَنِي رِكَابْ.
© La Bible en arabe tchadien © Alliance biblique du Tchad, 2019
