خُروج 33 - Arabe tchadien (alphabet arabe) (ShuArab)

اللّه أمر الشعب يرْحلوا

1 وَ بَعَدْ دَا، بَتَّانْ اللّٰهْ قَالْ لِمُوسَى: «أَمْشِي مِنْ هِنِي إِنْتَ وَ الشَّعَبْ الْإِنْتَ مَرَقْتُهُمْ مِنْ بَلَدْ مَصِرْ. وَ قُمُّوا أَمْشُوا لِلْبَلَدْ الْأَنَا حَلَفْت لِإِبْرَاهِيمْ وَ إِسْحَاقْ وَ يَعْقُوبْ وَ قُلْت نَنْطِيهَا لِذُرِّيِّتْهُمْ. 2 وَ أَنَا نِرَسِّلْ قِدَّامَكْ مَلَكْ وَ نَطْرُدْ الْكَنْعَانِيِّينْ وَ الْأَمُورِيِّينْ وَ الْحِتِّيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ. 3 وَ بَعَدْ دَا، إِنْتُو تَمْشُوا لِلْبَلَدْ الْمَلَانَةْ بِاللَّبَنْ وَ الْعَسَلْ. وَ لَاكِنْ أَنَا مَا نَمْشِي مَعَاكُو أَشَانْ مَا نَكْتُلْكُو فِي الدَّرِبْ بِسَبَبْ إِنْتُو شَعَبْ رَاسْكُو قَوِي.»

4 وَ وَكِتْ الشَّعَبْ سِمْعَوْا الْكَلَامْ دَا، بِقِي لَيْهُمْ قَاسِي وَ قَمَّوْا يَبْكُوا وَ نَادُمْ مِنْهُمْ لِبِسْ زِينْتَهْ كُلَ مَا فِيهْ. 5 وَ دَا أَشَانْ اللّٰهْ قَالْ لِمُوسَى: «قُولْ لِبَنِي إِسْرَائِيلْ: ‹إِنْتُو شَعَبْ رَاسْكُو قَوِي. كَنْ أَنَا مَشَيْت مَعَاكُو لِوَكِتْ شِيَّةْ كُلَ، نَكْتُلْكُو. هَسَّعْ دَا، سِلُّوا مِنْكُو زِينِتْكُو. وَ أَنَا نِشِيفْ كِكَّيْف نِسَوِّي لَيْكُو.›»

6 وَ خَلَاصْ مِنْ الْيَوْم دَا فِي جَبَلْ حُورِيبْ، بَنِي إِسْرَائِيلْ سَلَّوْا زِينِتْهُمْ وَ مَا لِبْسَوْهَا بَتَّانْ.

خَيْمة الْإجْتِماع

7 وَ أَيِّ وَكِتْ كَنْ الشَّعَبْ نَزَلَوْا فِي بَكَانْ، مُوسَى يِشِيلْ الْخَيْمَةْ وَ يَبْنِيهَا بَرَّا بَعِيدْ مِنْ الْفَرِيقْ. وَ مُوسَى سَمَّاهَا خَيْمَةْ الْإِجْتِمَاعْ. وَ أَيِّ نَادُمْ كَنْ دَوَّرْ يَسْأَلْ اللّٰهْ، يَمْشِي لَيْهَا بَرَّا مِنْ الْفَرِيقْ. 8 وَ فِي أَيِّ وَكِتْ كَنْ مُوسَى مَرَقْ مَاشِي لِلْخَيْمَةْ دِي، كُلَّ الشَّعَبْ يَقِيفُوا أَيِّ وَاحِدْ فِي خَشُمْ بَابْ خَيْمِتَهْ وَ يِشِيفْ مُوسَى لَحَدِّي يَدْخُلْ فِي خَيْمَةْ الْإِجْتِمَاعْ. 9 وَ وَكِتْ مُوسَى يَدْخُلْ فِي الْخَيْمَةْ دِي، عَمُودْ السَّحَابْ يَنْزِلْ وَ يَقِيفْ فِي خَشُمْ بَابْ الْخَيْمَةْ. وَ فِي الْبَكَانْ دَا، اللّٰهْ يِكَلِّمْ مَعَ مُوسَى. 10 وَ وَكِتْ كُلَّ الشَّعَبْ يِشِيفُوا عَمُودْ السَّحَابْ وَاقِفْ فِي بَابْ الْخَيْمَةْ، كُلُّهُمْ يَسْجُدُوا أَيِّ وَاحِدْ فِي خَشُمْ بَابْ خَيْمِتَهْ. 11 وَ فِي الْبَكَانْ دَا، اللّٰهْ يِكَلِّمْ مَعَ مُوسَى خَشُمْ بِخَشُمْ مِثِلْ نَادُمْ يِكَلِّمْ مَعَ رَفِيقَهْ. وَ كَنْ مُوسَى قَبَّلْ لِلْفَرِيقْ كُلَ، مُسَاعِدَهْ الصَّبِي الْأُسْمَهْ يَشُوعْ وِلَيْد نُونْ يَقْعُدْ دَايْماً فِي الْخَيْمَةْ.

اللّه واعد مُوسَى

07 versets bibliques à lire avant de dormir

La journée touche à sa fin. Avant de vous endormir, prenez un moment pour lire la parole de Dieu. Priez. Évoquez ce dont vous êtes reconnaissant, vos soucis, et priez pour que Dieu vous bénisse pendant que vous vous endormez. Laissez le stress de la journée et les soucis entre les mains de Dieu. Il vous donnera la paix. Il peut y avoir beaucoup de choses autour de nous dans notre vie, avec notre maison, notre travail, notre famille, le stress, les soucis et la peur. Croyez que Dieu veut que vous ayez un bon sommeil. Nous pouvons mieux faire face à n’importe quel défi si nous sommes bien reposés. Faites confiance à Dieu pour vous conduire au repos, à la paix, à la force et à l’énergie renouvelées. Dieu veut notre bien. Confiez votre chemin à Dieu. Lorsque nous sommes guidés par lui, nous pouvons laisser tomber nos soucis. Au lieu de vous inquiéter de ce qui peut ou ne peut pas arriver demain, priez Dieu pour que sa volonté soit faite. Avant de dormir, il est bon de prendre le temps de lire la Bible et de prier Dieu. Cela satisfait notre âme. Dieu est avec vous. Si vous ne connaissez pas la présence de Dieu, cherchez-le de tout votre cœur. Soyez en paix dans la présence de Dieu. Dieu est un Dieu généreux. Que sa paix, son repos et son amour vous accompagnent en abondance.

Plus

12 وَ مُوسَى قَالْ لِلّٰهْ: «إِنْتَ دَوَّرْت مِنِّي أَنَا نُقُودْ الشَّعَبْ دَا. وَ لَاكِنْ مَا عَرَّفْتِنِي يَاتُو التِّرَسِّلَهْ مَعَايِ. وَ بَتَّانْ إِنْتَ قُلْت لَيِّ: ‹أَنَا بَسْ عَزَلْتَكْ وَ رِضِيتْ لَيْك.› 13 وَ كَنْ صَحِيحْ كَيْ إِنْتَ رِضِيتْ لَيِّ، عَرِّفْنِي دَرْبَكْ أَشَانْ نَعَرْفَكْ وَ إِنْتَ تَرْضَى لَيِّ دَايْماً. وَ فَكِّرْ فِي الْأُمَّةْ دِي أَشَانْ هِي شَعَبَكْ.» 14

وَ اللّٰهْ قَالْ: «أَنَا ذَاتِي نَمْشِي قِدَّامَكْ وَ بَيْدَا، إِنْتَ مَا تِهِمّ.» 15 وَ مُوسَى قَالْ: «كَنْ إِنْتَ بِنَفْسَكْ مَا تَمْشِي مَعَانَا، مَا تَمْرُقْنَا مِنْ هِنِي. 16 وَ كَنْ إِنْتَ مَا تَمْشِي مَعَانَا، كِكَّيْف نَادُمْ يَقْدَرْ يَعَرِفْ كَدَرْ إِنْتَ رِضِيتْ لَيِّ وَ لِشَعَبَكْ؟ وَ كِكَّيْف يَقْدَرَوْا يِفَنُّدُونَا أَنَا وَ شَعَبَكْ مِنْ كُلَّ شُعُوبْ الْأَرْض الْآخَرِينْ؟» 17 وَ اللّٰهْ قَالْ لِمُوسَى: «الشَّيّءْ الْإِنْتَ طَلَبْتَهْ دَا، أَنَا نِسَوِّيهْ أَشَانْ أَنَا رِضِيتْ لَيْك وَ أَنَا بَسْ عَزَلْتَكْ.»

18 وَ مُوسَى قَالْ: «خَلِّينِي نِشِيفْ عَظَمَتَكْ.» 19 وَ اللّٰهْ قَالْ: «نِوَصِّفَكْ كُلَّ خَيْرِي وَ نِعَالِنْ لَيْك أُسْمِي هُو اللّٰهْ. وَ أَنَا نِحِنّ أَيِّ نَادُمْ النِّدَوْر نِحِنَّهْ وَ نَرْحَمْ أَيِّ نَادُمْ النِّدَوْر نَرْحَمَهْ. 20 وَ لَاكِنْ مَا تَقْدَرْ تِشِيفْ وِجْهِي أَشَانْ كَنْ إِنْسَانْ شَافْ وِجْهِي، بَتَّانْ مَا يِعِيشْ.»

21 وَ اللّٰهْ قَالْ بَتَّانْ: «دَاهُو فِي بَكَانْ قَرِيبْ لَيِّ فِي الْحَجَرْ. أَقِيفْ فَوْقَهْ. 22 وَ وَكِتْ عَظَمَتِي تُفُوتْ قِدَّامَكْ، نُخُطَّكْ فِي فَرَقَةْ الْحَجَرْ وَ نِغَطِّيكْ بِإِيدِي. وَ بَعَدْ عَظَمَتِي تُفُوتْ خَلَاصْ، 23 أَنَا نَرْفَعْ إِيدِي وَ تِشِيفْ عَظَمَتِي بِوَرَاءْ. أَشَانْ وِجْهِي، نَادُمْ مَا يَقْدَرْ يِشِيفَهْ.»