جهّزوا ليحْفضوا مدينة القدس
1 وَكِتْ بُنَى الدُّرْدُرْ كَمَّلْ خَلَاصْ وَ رَكَّبْنَا بِيبَانَهْ، خَطَّيْنَا حُرَّاسْ الْبِيبَانْ. وَ الْغَنَّايِينْ وَ اللَّاوِيِّينْ كُلَ، خَطَّيْنَاهُمْ فِي بَكَانَاتْهُمْ. 2 وَ أَنَا كَلَّفْت أَخُويِ حَنَانِي كَبِيرْ فِي مَدِينَةْ الْقُدُسْ وَ مَعَايَهْ حَنَنْيَا مَسْؤُولْ فِي الْقَصِرْ. وَ هُو رَاجِلْ أَمِينْ وَ بَخَافْ الرَّبّ زِيَادَةْ مِنْ النَّاسْ الْآخَرِينْ. 3 وَ قُلْت لَيْهُمْ: «مَا تَفْتَحَوْا الْبِيبَانْ هَنَا مَدِينَةْ الْقُدُسْ إِلَّا كَنْ الْحَرَّايْ تَطْلَعْ فَوْق. وَ وَاجِبْ لِلْحُرَّاسْ هَنَا النَّهَارْ يِأَكُّدُوا كَدَرْ أَيِّ بَابْ سَدَّوْه بِقُفُلْ قُبَّالْ مَا يُفُوتُوا بِمَغْرِبْ. وَ وَاجِبْ تُخُطُّوا حُرَّاسْ مِنْ سُكَّانْ الْمَدِينَةْ، وَاحِدِينْ فِي الْبَكَانَاتْ الْوَاجِبْ يَحَرْسُوهُمْ وَ وَاحِدِينْ كَمَانْ يَحَرْسُوا جَنْب بُيُوتْهُمْ.»
الناس القبّلوا من الغُرْبة
4 الْمَدِينَةْ كَبِيرَةْ وَ وَسِيعَةْ وَ لَاكِنْ السُّكَّانْ الْقَاعِدِينْ فَوْقهَا شِيَّةْ وَ بُيُوتْهَا كُلَ لِسَّاعْ مَا كَمَّلَوْا بُنَاهُمْ. 5 وَ إِلٰـهِي أَوْرَانِي كَدَرْ نِلِمّ الْكُبَارَاتْ وَ الْمَسْؤُولِينْ وَ الشَّعَبْ وَ نِسَجِّلْهُمْ. وَ أَنَا لِقِيتْ كِتَابْ السَّجَّلَوْا فَوْقَهْ أَسَامَيْ النَّاسْ الْوَدَّوْهُمْ فِي الْغُرْبَةْ وَ قَبَّلَوْا قُبَّالْنَا وَ دَاهُو الْأَسَامَيْ الْمُسَجَّلِينْ فَوْقَهْ مِنْ أَوَّلْ. 6 أَوَّلْ نَبُوخَدْنَصَرْ مَلِكْ بَابِلْ كَرَبْ نَاسْ مِنْ بَلَدْ يَهُوذَا وَ وَدَّاهُمْ فِي الْغُرْبَةْ. وَ بَعَدْ أَمُرْ الْمَلِكْ كُورَشْ، هُمَّنْ قَبَّلَوْا فِي مَدِينَةْ الْقُدُسْ وَ فِي بَلَدْ يَهُوذَا، أَيِّ وَاحِدْ فِي مَدِينْتَهْ. 7 وَ النَّاسْ دَوْل جَوْا مَعَ زَرُبَابِلْ وَ يَشُوعْ وَ نَحَمْيَا وَ عَزَرْيَا وَ رَعَمْيَا وَ نَحَمَانِي وَ مَرْدَكَايْ وَ بِلْشَانْ وَ مِسْفَارَتْ وَ بِقْوَايْ وَ نَحُومْ وَ بَعَنَى.
دَاهُو عَدَدْ رُجَالْ بَنِي إِسْرَائِيلْ.
8 ذُرِّيَّةْ فَرْعُوشْ عَدَدْهُمْ 2 172 رَاجِلْ.9 وَ ذُرِّيَّةْ شَفَطْيَا عَدَدْهُمْ 372 رَاجِلْ.10 وَ ذُرِّيَّةْ آرَحْ عَدَدْهُمْ 652 رَاجِلْ.11 وَ ذُرِّيَّةْ فَحَثْ مُوَابْ مَرَقَوْا مِنْ بَنِي يَشُوعْ وَ بَنِي يُوَابْ وَ عَدَدْهُمْ 2 818 رَاجِلْ.12 وَ ذُرِّيَّةْ عِلَامْ عَدَدْهُمْ 1 254 رَاجِلْ.13 وَ ذُرِّيَّةْ زَتُّو عَدَدْهُمْ 845 رَاجِلْ.14 وَ ذُرِّيَّةْ زَكَّايْ عَدَدْهُمْ 760 رَاجِلْ.15 وَ ذُرِّيَّةْ بِنُوِّي عَدَدْهُمْ 648 رَاجِلْ.16 وَ ذُرِّيَّةْ بَبَايْ عَدَدْهُمْ 628 رَاجِلْ.17 وَ ذُرِّيَّةْ عَزْقَدْ عَدَدْهُمْ 2 322 رَاجِلْ.18 وَ ذُرِّيَّةْ أَدُنِقَامْ عَدَدْهُمْ 667 رَاجِلْ.19 وَ ذُرِّيَّةْ بِقْوَايْ عَدَدْهُمْ 2 067 رَاجِلْ.20 وَ ذُرِّيَّةْ عَدِينْ عَدَدْهُمْ 655 رَاجِلْ.21 وَ ذُرِّيَّةْ أَطِيرْ مَرَقَوْا مِنْ بَنِي حِزْقِيَّا وَ عَدَدْهُمْ 98 رَاجِلْ.22 وَ ذُرِّيَّةْ حَشُمْ عَدَدْهُمْ 328 رَاجِلْ.23 وَ ذُرِّيَّةْ بِصَايْ عَدَدْهُمْ 324 رَاجِلْ.24 وَ ذُرِّيَّةْ حَرِيفْ عَدَدْهُمْ 112 رَاجِلْ.25 وَ ذُرِّيَّةْ قِبْعُونْ عَدَدْهُمْ 95 رَاجِلْ.26 وَ رُجَالْ حِلَّةْ بَيْت لَحَمْ وَ حِلَّةْ نَطُوفَا عَدَدْهُمْ 188 رَاجِلْ.27 وَ رُجَالْ حِلَّةْ عَنَتُوتْ عَدَدْهُمْ 128 رَاجِلْ.28 وَ رُجَالْ حِلَّةْ بَيْت عَزْمَاوَتْ عَدَدْهُمْ 42 رَاجِلْ.29 وَ رُجَالْ حِلَّةْ قَرْيَةْ يَعَرِيمْ وَ حِلَّةْ كَفِيرَةْ وَ حِلَّةْ بِيرُوتْ عَدَدْهُمْ 743 رَاجِلْ.30 وَ رُجَالْ حِلَّةْ الرَّامَةْ وَ حِلَّةْ قَبَعْ عَدَدْهُمْ 621 رَاجِلْ.31 وَ رُجَالْ حِلَّةْ مِكْمَاشْ عَدَدْهُمْ 122 رَاجِلْ.32 وَ رُجَالْ حِلَّةْ بَيْت إِيلْ وَ حِلَّةْ عَايْ عَدَدْهُمْ 123 رَاجِلْ.33 وَ رُجَالْ حِلَّةْ نَبُو الْآخَرَةْ عَدَدْهُمْ 52 رَاجِلْ.34 وَ ذُرِّيَّةْ عِلَامْ الْآخَرْ عَدَدْهُمْ 1 254 رَاجِلْ.35 وَ ذُرِّيَّةْ حَرِيمْ عَدَدْهُمْ 320 رَاجِلْ.36 وَ رُجَالْ حِلَّةْ أَرِيحَا عَدَدْهُمْ 345 رَاجِلْ.37 وَ رُجَالْ حِلَّةْ لُودْ وَ حِلَّةْ حَدِيدْ وَ حِلَّةْ أُونُو عَدَدْهُمْ 721 رَاجِلْ.38 وَ رُجَالْ حِلَّةْ سَانَةْ عَدَدْهُمْ 3 930 رَاجِلْ.39 دَاهُو عَدَدْ رُجَالْ الدِّينْ.
مِنْ ذُرِّيَّةْ يَدَعْيَا مَرَقَوْا عَايِلَةْ يَشُوعْ وَ عَدَدْهُمْ 973 رَاجِلْ.40 وَ ذُرِّيَّةْ إِمِّيرْ عَدَدْهُمْ 1 052 رَاجِلْ.41 وَ ذُرِّيَّةْ فَشْحُورْ عَدَدْهُمْ 1 247 رَاجِلْ.42 وَ ذُرِّيَّةْ حَرِيمْ عَدَدْهُمْ 1 017 رَاجِلْ.43 وَ اللَّاوِيِّينْ مِنْ ذُرِّيَّةْ يَشُوعْ وَ ذُرِّيَّةْ قَدْمِيِيلْ وَ ذُرِّيَّةْ بِنُوِّي وَ ذُرِّيَّةْ هُدَوْيَا وَ كُلُّهُمْ عَدَدْهُمْ 74 رَاجِلْ.
44 دَاهُو الْغَنَّايِينْ هَنَا بَيْت اللّٰهْ. هُمَّنْ مِنْ ذُرِّيَّةْ أَسَافْ وَ عَدَدْهُمْ 148 رَاجِلْ.
45 دَاهُو حُرَّاسْ الْبِيبَانْ هَنَا بَيْت اللّٰهْ. هُمَّنْ مِنْ ذُرِّيَّةْ شَلُّومْ وَ أَطِيرْ وَ طَلْمُونْ وَ عَقُوبْ وَ حَطِيطْ وَ شُبَايْ وَ كُلُّهُمْ عَدَدْهُمْ 138 رَاجِلْ.
46 دَاهُو خَدَّامِينْ بَيْت اللّٰهْ. هُمَّنْ مِنْ ذُرِّيَّةْ صِيحَا وَ حَسُوفْ وَ طَبَّعُوتْ 47 وَ قِيرُسْ وَ سِيعَا وَ فَدُونْ 48 وَ لَبَانْ وَ حَقَابَا وَ شَلْمَايْ 49 وَ حَنَانْ وَ قِدِّيلْ وَ قَحَرْ 50 وَ رَايَا وَ رَصِينْ وَ نَقُودَا 51 وَ قَزَّامْ وَ عُزَّى وَ فَاسِحْ 52 وَ بِصَايْ وَ مَعُونِيمْ وَ نَفُوسِيمْ 53 وَ بَقْبُوقْ وَ حَقُوفَا وَ حَرْحُورْ 54 وَ بَصْلُوتْ وَ مَحِيدْ وَ حَرْشَا 55 وَ بَرْقُوسْ وَ سِيسْرَا وَ تَامَحْ 56 وَ نَصِيحْ وَ حَطِيفَا.
57 دَاهُو ذُرِّيَّةْ عَبِيدْ الْمَلِكْ سُلَيْمَانْ. هُمَّنْ مِنْ ذُرِّيَّةْ سُطَايْ وَ سُفَرَتْ وَ فَرِيدْ 58 وَ يَاعْلَا وَ دَرْقُونْ وَ قِدِّيلْ 59 وَ شَفَطْيَا وَ حَطِّيلْ وَ فُكَرَتْ هَصَّبَايِمْ وَ آمُونْ. 60 وَ ذُرِّيَّةْ خَدَّامِينْ بَيْت اللّٰهْ وَ ذُرِّيَّةْ عَبِيدْ الْمَلِكْ سُلَيْمَانْ، كُلُّهُمْ عَدَدْهُمْ 392 رَاجِلْ.
61 وَ لَاكِنْ النَّاسْ الْجَوْا مِنْ حِلَّةْ حَجَرْ مِلِحْ وَ مِنْ حِلَّةْ حَجَرْ حَرْشَا وَ مِنْ حِلَّةْ كَرُوبْ أَدُّونْ وَ مِنْ حِلَّةْ إِمِّيرْ، هُمَّنْ مَا قِدْرَوْا نَسَبَوْا جُدُودْهُمْ وَ لَا قِدْرَوْا جَابَوْا دَلِيلْ كَدَرْ هُمَّنْ مَارْقِينْ مِنْ بَنِي إِسْرَائِيلْ. 62 وَ هُمَّنْ دَوْل مِنْ ذُرِّيَّةْ دَلَايَا وَ ذُرِّيَّةْ طُوبِـيَّا وَ ذُرِّيَّةْ نَقُودَا وَ كُلُّهُمْ عَدَدْهُمْ 642 رَاجِلْ. 63 وَ وَاحِدِينْ مِنْ رُجَالْ الدِّينْ مِنْ ذُرِّيَّةْ حَبَايَا وَ ذُرِّيَّةْ هَقُّوصْ وَ ذُرِّيَّةْ بَرْزِلَّايْ كُلَ مَا قِدْرَوْا نَسَبَوْا جُدُودْهُمْ. النَّادُمْ الْمَعْرُوفْ بِأُسُمْ بَرْزِلَّايْ كَمَانْ، هُو أَخَدْ مِنْ بَنَاتْ بَرْزِلَّايْ الْمِنْ تُرَابْ قِلْعَادْ وَ أَشَانْ دَا بَسْ، سَمَّوْه بِأُسُمْ نَسِيبَهْ. 64 رُجَالْ الدِّينْ دَوْل فَتَّشَوْا أَسَامَيْ جُدُودْهُمْ فِي كُتُبْ التَّسْجِيلْ وَ مَا لِقَوْهُمْ. أَشَانْ دَا، النَّاسْ جَعَلَوْهُمْ نِجْسِينْ وَ دَحَرَوْهُمْ مَا يَخْدُمُوا خِدْمَةْ رُجَالْ الدِّينْ. 65 وَ الْوَالِي ذَاتَهْ دَحَرَاهُمْ مَا يَاكُلُوا مِنْ الْأَكِلْ الْمُقَدَّسْ لَحَدِّي وَاحِدْ مِنْ رُجَالْ الدِّينْ يَجِي يَسْأَلْ لَيْهُمْ اللّٰهْ بِالْأُرِيمْ وَ التُّمِّيمْ.
66 وَ خَلَاصْ، كُلَّ الشَّعَبْ الْقَبَّلَوْا مِنْ الْغُرْبَةْ عَدَدْهُمْ 42 360 رَاجِلْ. 67 وَ دَا بَلَا عَبِيدْهُمْ وَ خَدِيمْهُمْ الْعَدَدْهُمْ 7 337 نَاسْ. وَ فِي عَوِينْ وَ رُجَالْ الْيِغَنُّوا لِلّٰهْ وَ عَدَدْهُمْ 245 نَاسْ. 68 وَ عِنْدُهُمْ 736 خَيْل وَ 245 بِغَالْ 69 وَ 435 جُمَالْ وَ 6 720 حَمِيرْ.
70 وَ وَاحِدِينْ مِنْ كُبَارَاتْ هَنَا خُشُومْ الْبُيُوتْ قَمَّوْا أَنْطَوْا عَطِيَّةْ لِلْبُنَى هَنَا بَيْت اللّٰهْ. الْوَالِي أَنْطَى 1 000 جِنَيْه هَنَا دَهَبْ وَ 50 كَاسْ الْيَخْدُمُوا بَيْهُمْ فِي بَيْت اللّٰهْ وَ 530 خَلَقْ هَنَا رُجَالْ دِينْ وَ خَطَّاهُمْ فِي الْمَخَازِنْ هَنَا بَيْت اللّٰهْ. 71 وَ كُبَارَاتْ هَنَا خُشُومْ بُيُوتْ آخَرِينْ كُلَ جَابَوْا 20 000 جِنَيْه هَنَا دَهَبْ وَ 45 000 حَجَرْ فُضَّةْ وَ أَنْطَوْهُمْ لِلْخِدْمَةْ. 72 وَ وَاحِدِينْ مِنْ الشَّعَبْ كُلَ لَمَّوْا 20 000 جِنَيْه هَنَا دَهَبْ وَ 41 000 حَجَرْ فُضَّةْ وَ 67 خَلَقْ هَنَا رُجَالْ دِينْ.
73 وَ بِمِثِلْ دَا، رُجَالْ الدِّينْ وَ اللَّاوِيِّينْ وَ حُرَّاسْ الْبِيبَانْ هَنَا بَيْت اللّٰهْ وَ الْغَنَّايِينْ وَ وَاحِدِينْ مِنْ الشَّعَبْ مِثِلْ الْخَدَّامِينْ هَنَا بَيْت اللّٰهْ وَ كُلَّ بَنِي إِسْرَائِيلْ الْبَاقْيِينْ، دَوْل كُلُّهُمْ قَبَّلَوْا وَ جَوْا سَكَنَوْا فِي مُدُنْهُمْ. وَ مِثِلْ دَا وَكِتْ الشَّهَرْ السَّابِعْ جَاءْ، كُلَّ بَنِي إِسْرَائِيلْ قَاعِدِينْ فِي مُدُنْهُمْ.
© La Bible en arabe tchadien © Alliance biblique du Tchad, 2019
