شُروط بُخُصّوا يوم السبْت
1 وَ مُوسَى لَمَّ كُلَّ مُجْتَمَعْ بَنِي إِسْرَائِيلْ وَ قَالْ لَيْهُمْ: «دَوْل هُمَّنْ الشُّرُوطْ الْاللّٰهْ أَمَرَاكُو لِتَخْدُمُوا بَيْهُمْ. 2 فِي سِتَّةْ يَوْم سَوُّوا خِدْمِتْكُو. وَ لَاكِنْ فِي الْيَوْم السَّابِعْ، دَا سَبْت هَنَا رَاحَةْ وَ هُو مُخَصَّصْ لِلّٰهْ. وَ كَنْ نَادُمْ سَوَّى أَيِّ عَمَلْ فِي الْيَوْم السَّابِعْ دَا، وَاجِبْ يَكْتُلُوهْ. 3 وَ فِي يَوْم السَّبْت، نَارْ كُلَ مَا تِأَوْقُدُوهَا فِي بُيُوتْكُو.»
الهدايا لبُنى الخَيْمة
4 وَ مُوسَى قَالْ لِكُلَّ مُجْتَمَعْ بَنِي إِسْرَائِيلْ: «دَا بَسْ الشَّيّءْ الْاللّٰهْ أَمَرَاكُو بَيَّهْ. 5 قَدُّمُوا هَدِيَّةْ لِلّٰهْ. وَ أَيِّ نَادُمْ مِنْكُو الْقَلْبَهْ كَرِيمْ خَلِّي يِجِيبْ هَدِيَّةْ لِلّٰهْ.
«الْهَدَايَا دَوْل هُمَّنْ
دَهَبْ وَ فُضَّةْ وَ نَحَاسْ6 وَ قُمَاشْ ظَهْرِي وَ قَرَضِي وَ أَحْمَرْوَ قُمَاشْ كَتَّانْ وَ صُوفْ عِنْزَيْ7 وَ فِرَاوْ كُبَاشْ مَدْبُوغِينْ وَ مُلَوَّنِينْ بِلَوْن أَحْمَرْوَ فَرْوَةْ هِنْت عِجِلْ الْبَحَرْوَ حَطَبْ هَنَا شَدَرْ السُّنْط8 وَ دِهِنْ لِلْفَانُوسْوَ عِطِرْ لِدِهِنْ الْمَسَحَانْوَ عِطِرْ لِلْبَخُورْ الْمُعَطَّرْ9 وَ حَجَرْ الْأُسْمَهْ عَقِيقْوَ حُجَارْ آخَرِينْ غَالِيِّينْ لِيِجَمُّلُوا بَيْهُمْ الْفَرْمَلَةْ وَ الصِّدَيْرِيَّةْ هَنَا كَبِيرْ رُجَالْ الدِّينْ.الخَيْمة و مُعِدّاتها
10 «وَ خَلِّي كُلَّ الصِّنَاعِيِينْ مِنْكُو يَجُوا لِيَصْنَعَوْا الشَّيّءْ الْأَمَرْ بَيَّهْ اللّٰهْ. 11 وَ دَوْل الْأَشْيَاءْ الْيَصْنَعَوْهُمْ.
الْأَشْيَاءْ الْيَبْنُوا بَيْهُمْ الْخَيْمَةْ مِنْ دَاخَلْ وَ مِنْ بَرَّاوَ غِطَاءْ الْخَيْمَةْ وَ فَنْقَرْهَاوَ خَشَبْهَا وَ مَرَادِيسْهَا وَ عَمَدْهَا وَ أَسَاسْهَا12 وَ الصَّنْدُوقْ وَ عِيدَانَهْ وَ سِدَادْتَهْ وَ السِّتَارْ الْيِدَارِقْ الصَّنْدُوقْ13 وَ الطَّرَبَيْزَةْ وَ عِيدَانْهَا وَ كُلَّ مُعِدَّاتْهَاوَ الْخُبْزَةْ الْيِقَدُّمُوهَا لِلّٰهْ14 وَ الْفَانُوسْ وَ مُعِدَّاتَهْ وَ نِيرَانَهْ وَ دِهْنَهْ15 وَ مُخْبَرْ الْبَخُورْ وَ عِيدَانَهْوَ دِهِنْ الْمَسَحَانْ وَ الْبَخُورْ الْمُعَطَّرْوَ السِّتَارْ لِبَابْ الْخَيْمَةْ16 وَ الْمَدْبَحْ هَنَا الضَّحَايَا الْمُحَرَّقِينْ وَ تَشَاشْتَهْ مِنْ نَحَاسْ وَ عِيدَانَهْ وَ كُلَّ مُعِدَّاتَهْوَ حَوْط لِلْوَضُوءْ وَ قَعَرَهْ17 وَ السَّتَايِرْ الْمُحَوِّقِينْ بَيْهُمْ الْفَضَايْ وَ عَمَدْهُمْ وَ أَسَاسْهُمْوَ سِتَارْ هَنَا بَابْ الْفَضَايْ18 وَ وُتَادْ الْخَيْمَةْوَ وُتَادْ سَتَايِرْ الْفَضَايْ وَ حُبَالْهُمْ19 وَ خُلْقَانْ لِلْخِدْمَةْ فِي الْبَكَانْ الْمُقَدَّسْ. وَ دَوْل خُلْقَانْ الْخَاصِّينْ لِهَارُونْ رَاجِلْ الدِّينْ وَ خُلْقَانْ لِأَوْلَادَهْ وَكِتْ يَخْدُمُوا مِثِلْ رُجَالْ دِينْ.»الخُمام الجابوه بني إسرائيل
20 وَ بَعَدْ مُوسَى كَمَّلْ كَلَامَهْ خَلَاصْ، كُلَّ مُجْتَمَعْ بَنِي إِسْرَائِيلْ قَمَّوْا مَشَوْا مِنَّهْ 21 وَ كُلَّ إِنْسَانْ عِنْدَهْ نِيَّةْ وَ قَلْبَهْ كَرِيمْ جَابْ هَدِيَّةْ لِلّٰهْ أَشَانْ يِسَوُّوا بَيْهَا خَيْمَةْ الْإِجْتِمَاعْ وَ كُلَّ مُعِدَّاتْهَا وَ خُلْقَانْ خَاصِّينْ. 22 وَ كُلَّ النَّاسْ جَوْا عَوِينْ وَ رُجَالْ أَنْطَوْا هَدِيَّةْ بِجُودْ وَ كَرَمْ. وَ أَيِّ نَادُمْ عِنْدَهْ قَلِبْ كَرِيمْ أَنْطَى خُرُوس أَوْ شِنِفْ أَوْ خَاتِمْ أَوْ حَفِيضَةْ أَوْ أَيِّ شَيّءْ آخَرْ هَنَا دَهَبْ. أَيِّ نَادُمْ مِنْهُمْ قَدَّمْ دَهَبْ هَدِيَّةْ مَرْفُوعَةْ لِلّٰهْ. 23 وَ أَيِّ نَادُمْ الْعِنْدَهْ قُمَاشْ ظَهْرِي أَوْ قَرَضِي أَوْ أَحْمَرْ أَوْ قُمَاشْ هَنَا كَتَّانْ أَوْ صُوفْ عِنْزَيْ أَوْ فِرَاوْ كُبَاشْ مَدْبُوغِينْ وَ مُلَوَّنِينْ بِلَوْن أَحْمَرْ أَوْ فَرْوَةْ هَنَا عِجِلْ الْبَحَرْ كُلَ جَابَهْ هَدِيَّةْ. 24 وَ نَاسْ وَاحِدِينْ جَابَوْا هَدِيَّةْ هَنَا فُضَّةْ أَوْ نَحَاسْ وَ أَنْطَوْهَا لِلّٰهْ. وَ أَيِّ نَادُمْ الْعِنْدَهْ خَشَبْ السُّنْط الْيَنْفَعْ لِأَيِّ خِدْمَةْ جَابَهْ هَدِيَّةْ. 25 وَ أَيِّ مَرَةْ الْعِنْدَهَا خِبْرَةْ فِي خِيَاطَةْ الْقُمَاشْ خَيَّطَتْ بِإِيدْهَا وَ جَابَتَهْ هَدِيَّةْ. وَ الْقُمَاشْ دَا هَنَا كَتَّانْ وَ لَوْنَهْ ظَهْرِي أَوْ قَرَضِي أَوْ أَحْمَرْ. 26 وَ أَيِّ مَرَةْ الْعِنْدَهَا نِيَّةْ وَ عِنْدَهَا خِبْرَةْ تَرَّتْ صُوفْ عِنْزَيْ. 27 وَ شُيُوخْ الشَّعَبْ جَابَوْا حُجَارْ عَقِيقْ وَ حُجَارْ آخَرِينْ غَالِيِّينْ لِيُرُصُّوهُمْ فِي الْفَرْمَلَةْ هَنَا رَاجِلْ الدِّينْ وَ فِي الصِّدَيْرِيَّةْ. 28 وَ أَنْطَوْا بَتَّانْ أَرْيَاحْ وَ دِهِنْ لِلْفَانُوسْ وَ دِهِنْ لِلْمَسَحَانْ وَ عِطِرْ لِلْبَخُورْ الْمُعَطَّرْ. 29 وَ كُلَّ إِنْسَانْ مِنْ بَنِي إِسْرَائِيلْ الْعِنْدَهْ نِيَّةْ، كَنْ رَاجِلْ وَلَّا مَرَةْ كُلَ، جَابْ شَيّءْ لِلْخِدْمَةْ الْأَمَرَاهُمْ بَيْهَا اللّٰهْ بِوَاسِطَةْ مُوسَى.
اللّه كلّف الصِناعيين بالبُنى
30 وَ مُوسَى قَالْ لِبَنِي إِسْرَائِيلْ: «أَسْمَعَوْا. دَاهُو اللّٰهْ عَزَلْ بَصَلِيلْ وِلَيْد أُورِي وِلَيْد حُورْ مِنْ قَبِيلَةْ يَهُوذَا. 31 وَ هُو نَزَّلْ رُوحَهْ فَوْقَهْ وَ أَنْطَاهْ خِبْرَةْ وَ فِهِمْ وَ مَعْرَفَةْ لِيَصْنَعْ كُلَّ شَيّءْ 32 وَ دَا، لِيَصْنَعْ أَشْيَاءْ بِدَهَبْ وَ فُضَّةْ وَ نَحَاسْ 33 وَ لِيَقْطَعْ الْحُجَارْ الْغَالِيِّينْ وَ يَنْقُشْهُمْ وَ يَنْجُرْ الْخَشَبْ وَ يَصْنَعْ كُلَّ شَيّءْ. 34 وَ بَيْدَا، اللّٰهْ أَنْطَى عِلِمْ لِبَصَلِيلْ وَ أُهُلِيَابْ وِلَيْد أَخِسَمَاكْ مِنْ قَبِيلَةْ دَانْ لِيِعَلُّمُوا نَاسْ آخَرِينْ. 35 وَ هُو أَنْطَاهُمْ خِبْرَةْ أَشَانْ يَنْقُشُوا وَ يَرْسُمُوا وَ يِخَيُّطُوا قُمَاشْ كَتَّانْ اللَّوْنَهْ ظَهْرِي وَ قَرَضِي وَ أَحْمَرْ وَ يِتِرُّوا قَبَقْ وَ يِخَيُّطُوا وَ يَصْنَعَوْا كُلِّ شَيّءْ.»
© La Bible en arabe tchadien © Alliance biblique du Tchad, 2019
