تَثْنِية 6 - Arabe tchadien (alphabet arabe) (ShuArab)

واجِب تِحِبّ اللّه إلٰـهك

1 دَاهُو الْوَصَايَا وَ الشُّرُوطْ وَ الْقَوَانِينْ الْأَمَرْ بَيْهُمْ اللّٰهْ إِلٰـهْكُو لِنِعَلِّمْهُمْ لَيْكُو وَ تِطَبُّقُوهُمْ فِي الْبَلَدْ الْإِنْتُو مَاشِينْ تِشِيلُوهَا وَرَثَةْ. 2 وَ دَا أَشَانْ تَخَافَوْا مِنْ اللّٰهْ إِلٰـهْكُو إِنْتُو وَ عِيَالْكُو وَ عِيَالْ عِيَالْكُو وَ تَحْفَضَوْا فِي كُلَّ مُدَّةْ حَيَاتْكُو كُلَّ الشُّرُوطْ وَ الْوَصَايَا النَّنْطِيهُمْ لَيْكُو. وَ بَيْدَا، عُمُرْكُو يَبْقَى طَوِيلْ.

5 versets bibliques pour une bonne éducation des enfants

Les enfants sont un don précieux de Dieu, un héritage et une récompense (Psaumes 127:3). Dieu souhaite que nous les élevions avec sagesse, en suivant ses conseils pour les aider à grandir forts et épanouis. Dans les versets suivants, vous trouverez des instructions bibliques pour bien guider vos enfants sur le chemin de la vie. 1. Proverbes 22:6 – « Instruis l’enfant selon la voie qu’il doit suivre ; Et quand il sera vieux, il ne s’en détournera pas. » L’éducation spirituelle des enfants dès leur plus jeune âge est essentielle, car elle façonne leur caractère et influence leurs choix futurs. 2. Colossiens 3:21 – « Pères, n’irritez pas vos enfants, afin qu’ils ne se découragent pas. » Les paroles et les actions des parents ont un impact profond sur leurs enfants. En étant des modèles d’amour et de patience, les parents encouragent et soutiennent leurs enfants dans leurs efforts et leurs accomplissements. 3. Deutéronome 6:6-7 – « Et ces commandements, que je te donne aujourd’hui, seront dans ton cœur. Tu les inculqueras à tes enfants, et tu en parleras quand tu seras dans ta maison, quand tu iras en voyage, quand tu te coucheras et quand tu te lèveras. » Prenons le temps d’enseigner à nos enfants les valeurs chrétiennes et de les guider dans leur marche spirituelle. 4. Éphésiens 6:4 – « Et vous, pères, n’allez pas irriter vos enfants par votre attitude. Mais élevez-les en leur donnant une éducation et une discipline inspirées par le Seigneur. » Il est recommandé aux parents, et en particulier...

Plus

3 أَسْمَعَوْا! يَا بَنِي إِسْرَائِيلْ، أَحْفَضَوْا الشُّرُوطْ وَ الْوَصَايَا وَ طَبُّقُوهُمْ. وَ دَا أَشَانْ تَلْقَوْا الْخَيْر وَ تَبْقَوْا كَتِيرِينْ مِثِلْ قَالَهْ لَيْكُو اللّٰهْ رَبّ جُدُودْكُو فِي الْبَلَدْ الْمَلَانَةْ بِاللَّبَنْ وَ الْعَسَلْ. 4 أَسْمَعَوْا، يَا بَنِي إِسْرَائِيلْ! اللّٰهْ إِلٰـهْنَا هُو اللّٰهْ الْوَاحِدْ. 5 حِبُّوا اللّٰهْ إِلٰـهْكُو بِكُلَّ قُلُوبْكُو وَ بِكُلَّ فِكِرْكُو وَ بِكُلَّ قُدْرِتْكُو. 6

وَ الْوَصَايَا النَّنْطِيهُمْ لَيْكُو الْيَوْم دَوْل، أَحْفَضَوْهُمْ فِي قُلُوبْكُو. 7 وَ عَلُّمُوهُمْ لِعِيَالْكُو وَ كَلُّمُوا بَيْهُمْ فِي الْبَيْت وَ فِي السَّفَرْ وَ وَكِتْ رَاقْدِينْ وَ قَايْمَيْن. 8 وَ سَوُّوهُمْ مِثِلْ عَلَامَةْ التَّرْبُطُوهَا فِي إِيدَيْكُو وَ مِثِلْ هِلَالْ التِّعَلُّقُوهْ فِي جَبْهَاتْكُو أَمْبَيْنَاتْ عُيُونْكُو. 9 وَ أَكْتُبُوهُمْ فِي عِيدَانْ بِيبَانْ بُيُوتْكُو وَ فِي مَدَخَلْ حِلَّالْكُو.

10 وَ اللّٰهْ إِلٰـهْكُو يِوَدِّيكُو فِي الْبَلَدْ الْهُو حَلَفْ لِجُدُودْكُو إِبْرَاهِيمْ وَ إِسْحَاقْ وَ يَعْقُوبْ وَ قَالْ يَنْطِيهَا لَيْكُو، بِمُدُنْهَا الْكُبَارْ وَ عَدِيلِينْ الْإِنْتُو مَا بَنَيْتُوهُمْ. 11 وَ الْأَرْض عِنْدَهَا بُيُوتْ الْمَلَانِينْ بِالْخُمَامْ الْإِنْتُو مَا صَبَّيْتُوهْ وَ بِيَارْ الْإِنْتُو مَا نَكَتُّوهُمْ وَ جِنَيْنَاتْ عِنَبْ وَ زَيْتُونْ الْإِنْتُو مَا مَقَّنْتُوهُمْ. وَ وَكِتْ تَاكُلُوا وَ تَشْبَعَوْا، 12 فَكُّرُوا مَا تَنْسَوْا اللّٰهْ الْمَرَقَاكُو مِنْ مَصِرْ بَلَدْ الْعُبُودِيَّةْ. 13 وَ أَخَافَوْا مِنْ اللّٰهْ إِلٰـهْكُو وَ لَيَّهْ هُو بَسْ، أَعَبُدُوهْ وَ بِأُسْمَهْ هُو بَسْ، أَحَلْفُوا. 14 مَا تِتَابُعُوا إِلٰـهَاتْ آخَرِينْ هَنَا الشُّعُوبْ الْمُجَاوِرِينْكُو 15 أَشَانْ اللّٰهْ إِلٰـهْكُو الْقَاعِدْ فِي أُسُطْكُو هُو إِلٰـهْ غَيُّورْ يَعْنِي مَا يِدَوْر تَعَبُدُوا إِلٰـهْ آخَرْ. وَ كَنْ غِضِبْ لَيْكُو غَضَبَهْ يِكَمِّلْكُو مِنْ وِجْه الْأَرْض. 16 مَا تِجَرُّبُوا اللّٰهْ إِلٰـهْكُو مِثِلْ أَوَّلْ جَرَّبْتُوهْ فِي مَسَّةْ (مَعَنَاتَهْ التَّجْرِبَةْ).

17 وَ وَاجِبْ تَحْفَضَوْا عَدِيلْ وَصَايَا اللّٰهْ إِلٰـهْكُو وَ الْمُعَاهَدَةْ وَ الشُّرُوطْ الْأَمَرَاكُو بَيْهُمْ. 18 وَ تِسَوُّوا الْعَدِيلْ وَ الزَّيْن قِدَّامْ اللّٰهْ. وَ دَا، أَشَانْ تَلْقَوْا الْخَيْر وَ تِشِيلُوا الْبَلَدْ الْعَدِيلَةْ الْفِي شَانْهَا اللّٰهْ حَلَفْ يَنْطِيهَا لِجُدُودْكُو. 19 وَ يَطْرُدْ عُدْوَانْكُو بَعِيدْ مِنْكُو مِثِلْ هُو قَالَهْ.

20 وَ كَنْ عِيَالْكُو يَسْأَلَوْكُو وَ يُقُولُوا: «مَالَا اللّٰهْ إِلٰـهْنَا أَمَرَاكُو بِالْفَرَايِضْ وَ الشُّرُوطْ وَ الْقَوَانِينْ»، 21 خَلَاصْ قُولُوا لَيْهُمْ: «أَوَّلْ أَنِحْنَ بِقِينَا عَبِيدْ لِفِرْعَوْن مَلِكْ مَصِرْ وَ لَاكِنْ اللّٰهْ مَرَقَانَا مِنْ مَصِرْ بِإِيدْ شَدِيدَةْ. 22 وَ فِي عُيُونَّا اللّٰهْ سَوَّى عَلَامَاتْ وَ عَجَايِبْ كُبَارْ وَ مُخِيفِينْ لِيَهْلِكْ مَصِرْ وَ الْمَلِكْ فِرْعَوْن وَ كُلَّ بَيْتَهْ. 23 وَ مَرَقَانَا مِنْ الْبَكَانْ دَا وَ وَدَّانَا لِيَنْطِينَا الْبَلَدْ الْهُو حَلَفْ يَنْطِيهَا لِجُدُودْنَا. 24 وَ اللّٰهْ إِلٰـهْنَا أَمَرَانَا نِطَبُّقُوا كُلَّ الشُّرُوطْ دَوْل وَ نَخَافَوْا مِنَّهْ. وَ دَا أَشَانْ نَلْقَوْا الْخَيْر الدَّايِمْ وَ يَحْفَضْنَا حَيِّينْ مِثِلْ هُو سَوَّاهْ لَيْنَا الْيَوْم. 25 وَ نَبْقَوْا صَالِحِينْ كَنْ نَحْفَضَوْا وَ نِطَبُّقُوا كُلَّ الْوَصَايَا دَوْل قِدَّامْ اللّٰهْ إِلٰـهْنَا مِثِلْ هُو أَمَرَانَا بَيَّهْ.»