بني إسرائيل أنْطوا مُدُن للاوِيِّين
1 وَ بَعَدْ دَا، كُبَارَاتْ عَايِلَاتْ اللَّاوِيِّينْ جَوْا قِدَّامْ رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ كُبَارَاتْ عَايِلَاتْ قَبَايِلْ بَنِي إِسْرَائِيلْ 2 فِي شِيلَوْه فِي بَلَدْ كَنْعَانْ. وَ قَالَوْا لَيْهُمْ: «اللّٰهْ قَالْ بِوَاسِطَةْ مُوسَى تَنْطُونَا مُدُنْ النَّسْكُنُوا فَوْقهُمْ وَ عِنْدُهُمْ بَكَانْ لِبَهَايِمْنَا يَسْرَحَوْا فَوْقَهْ.» 3 وَ خَلَاصْ مِنْ أَرْض وَرَثَتْهُمْ، بَنِي إِسْرَائِيلْ أَنْطَوْهُمْ لِلَّاوِيِّينْ مُدُنْ بِبَكَانَاتْهُمْ هَنَا سَرْحَةْ حَسَبْ كَلَامْ اللّٰهْ.
4 وَ قَسَّمَوْا بِأَمْ عِيَيْدَاتْ وَ الْقِسِمْ الْأَوَّلْ، أَنْطَوْه لِخَشُمْ بَيْت قَهَاتْ. وَ مِنْهُمْ ذُرِّيَّةْ هَارُونْ رَاجِلْ الدِّينْ لِقَوْا 13 مُدُنْ مِنْ قَبِيلَةْ يَهُوذَا وَ قَبِيلَةْ شِمْعُونْ وَ قَبِيلَةْ بَنْيَامِينْ. 5 وَ اللَّاوِيِّينْ الْآخَرِينْ هَنَا خَشُمْ بَيْت قَهَاتْ لِقَوْا بِأَمْ عِيَيْدَاتْ 10 مُدُنْ مِنْ قَبِيلَةْ أَفْرَايِمْ وَ قَبِيلَةْ دَانْ وَ نُصّ قَبِيلَةْ مَنَسَّى. 6 وَ خَشُمْ بَيْت قِرْشُونْ لِقِي بِأَمْ عِيَيْدَاتْ 13 مُدُنْ مِنْ قَبِيلَةْ يَسَّاكَرْ وَ قَبِيلَةْ أَشِيرْ وَ قَبِيلَةْ نَفْتَالِي وَ نُصّ قَبِيلَةْ مَنَسَّى الْفِي تُرَابْ بَاشَانْ. 7 وَ خَشُمْ بَيْت مَرَارِي لِقِي 12 مُدُنْ مِنْ قَبِيلَةْ رَأُوبِينْ وَ قَبِيلَةْ قَادْ وَ قَبِيلَةْ زَبُلُونْ. 8 وَ بَنِي إِسْرَائِيلْ أَنْطَوْا كُلَّ الْمُدُنْ دَوْل بِبَكَانَاتْهُمْ هَنَا السَّرْحَةْ بِأَمْ عِيَيْدَاتْ لِلَّاوِيِّينْ مِثِلْ اللّٰهْ أَمَرْ بَيَّهْ بِوَاسِطَةْ مُوسَى.
مُدُن ذُرّية هَارُون
9 وَ دَاهُو أَسَامَيْ الْمُدُنْ الْأَنْطَوْهُمْ قَبِيلَةْ يَهُوذَا وَ قَبِيلَةْ شِمْعُونْ 10 لِذُرِّيَّةْ هَارُونْ مِنْ خَشُمْ بَيْت قَهَاتْ مِنْ قَبِيلَةْ لَاوِي قِسِمْهُمْ أَنْطَوْه لَيْهُمْ بِأَمْ عِيَيْدَاتْ فِي الْأَوَّلْ. 11 وَ أَنْطَوْا قَرْيَةْ أَرْبَعَةْ يَعْنِي حِبْرُونْ الْقَاعِدَةْ فِي جِبَالْ يَهُوذَا بِبَكَانَاتْهَا هَنَا السَّرْحَةْ الْمُحَوِّقِينْهَا. وَ سَمَّوْا الْمَدِينَةْ دِي قَرْيَةْ أَرْبَعَةْ بِأُسُمْ هَنَا أَرْبَعَةْ أَبُو عَنُوقْ. 12 وَ لَاكِنْ الزِّرَاعَةْ وَ الْحِلَّالْ هَنَا الْمَدِينَةْ دِي أَنْطَوْهُمْ وَرَثَةْ لِكَالِبْ وِلَيْد يَفُونَى. 13 وَ زِيَادَةْ مِنْ حِبْرُونْ مَدِينَةْ اللُّجُوءْ بِبَكَانَاتْهَا هَنَا السَّرْحَةْ، ذُرِّيَّةْ هَارُونْ رَاجِلْ الدِّينْ لِقَوْا لِبْنَةْ بِبَكَانَاتْهَا هَنَا السَّرْحَةْ 14 وَ يَتِّيرْ بِبَكَانَاتْهَا هَنَا السَّرْحَةْ وَ أَشْتَمُوعَةْ بِبَكَانَاتْهَا هَنَا السَّرْحَةْ 15 وَ حُلُونْ بِبَكَانَاتْهَا هَنَا السَّرْحَةْ وَ دَبِيرْ بِبَكَانَاتْهَا هَنَا السَّرْحَةْ 16 وَ عَشَنْ بِبَكَانَاتْهَا هَنَا السَّرْحَةْ وَ يُطَّةْ بِبَكَانَاتْهَا هَنَا السَّرْحَةْ وَ بَيْت شَمْس بِبَكَانَاتْهَا هَنَا السَّرْحَةْ. وَ بِالْجُمْلَةْ 9 مُدُنْ الْأَنْطَوْهُمْ قَبِيلَةْ يَهُوذَا وَ قَبِيلَةْ شِمْعُونْ.
17 وَ مِنْ قَبِيلَةْ بَنْيَامِينْ لِقَوْا قِبْعُونْ بِبَكَانَاتْهَا هَنَا السَّرْحَةْ وَ قَبَعْ بِبَكَانَاتْهَا هَنَا السَّرْحَةْ 18 وَ عَنَتُوتْ بِبَكَانَاتْهَا هَنَا السَّرْحَةْ وَ عَلْمُونْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ. 19 وَ عَدَدْ الْمُدُنْ هَنَا رُجَالْ الدِّينْ ذُرِّيَّةْ هَارُونْ 13 مُدُنْ بِبَكَانَاتْهُمْ هَنَا السَّرْحَةْ.
مُدُن خشُم بيت قَهَات
20 وَ اللَّاوِيِّينْ الْآخَرِينْ مِنْ خَشُمْ بَيْت قَهَاتْ لِقَوْا مُدُنْ بِأَمْ عِيَيْدَاتْ مِنْ قَبِيلَةْ أَفْرَايِمْ. 21 وَ هُمَّنْ أَنْطَوْهُمْ شَكِيمْ مَدِينَةْ اللُّجُوءْ لِلْكَاتِلْ الْقَاعِدَةْ فِي جِبَالْ أَفْرَايِمْ بِبَكَانَاتْهَا هَنَا السَّرْحَةْ وَ قَازَرْ بِبَكَانَاتْهَا هَنَا السَّرْحَةْ 22 وَ قِبْصِيمْ بِبَكَانَاتْهَا هَنَا السَّرْحَةْ وَ بَيْت حُرُونْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ.
23 وَ مِنْ قَبِيلَةْ دَانْ لِقَوْا حِلَّةْ إِلِتَقَى بِبَكَانَاتْهَا هَنَا السَّرْحَةْ وَ قِبَّتُونْ بِبَكَانَاتْهَا هَنَا السَّرْحَةْ. 24 وَ أَيَّلُونْ بِبَكَانَاتْهَا هَنَا السَّرْحَةْ وَ قَاتْ رِمُّونْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ.
25 وَ مِنْ نُصّ قَبِيلَةْ مَنَسَّى لِقَوْا تَعْنَكْ بِبَكَانَاتْهَا هَنَا السَّرْحَةْ وَ يِبْلَعَامْ بِبَكَانَاتْهَا هَنَا السَّرْحَةْ. وَ بِالْجُمْلَةْ 2 مُدُنْ. 26 وَ بِالْجُمْلَةْ اللَّاوِيِّينْ الْآخَرِينْ مِنْ خَشُمْ بَيْت قَهَاتْ لِقَوْا 10 مُدُنْ بِبَكَانَاتْهُمْ هَنَا السَّرْحَةْ.
مُدُن خشُم بيت قِرْشُون
27 وَ اللَّاوِيِّينْ مِنْ خَشُمْ بَيْت قِرْشُونْ لِقَوْا مِنْ نُصّ قَبِيلَةْ مَنَسَّى، جَوْلَانْ مَدِينَةْ اللُّجُوءْ لِلْكَاتِلْ فِي بَاشَانْ بِبَكَانَاتْهَا هَنَا السَّرْحَةْ وَ بَعَشْتَرَةْ بِبَكَانَاتْهَا هَنَا السَّرْحَةْ. وَ بِالْجُمْلَةْ 2 مُدُنْ.
28 وَ مِنْ قَبِيلَةْ يَسَّاكَرْ، لِقَوْا قِشْيُونْ بِبَكَانَاتْهَا هَنَا السَّرْحَةْ وَ دَبْرَةْ بِبَكَانَاتْهَا هَنَا السَّرْحَةْ 29 وَ يَرْمُوتْ بِبَكَانَاتْهَا هَنَا السَّرْحَةْ وَ عَيْن قَنِّيمْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ.
30 وَ مِنْ قَبِيلَةْ أَشِيرْ لِقَوْا مِشَالْ بِبَكَانَاتْهَا هَنَا السَّرْحَةْ وَ عَبْدُونْ بِبَكَانَاتْهَا هَنَا السَّرْحَةْ 31 وَ حَلْقَةْ بِبَكَانَاتْهَا هَنَا السَّرْحَةْ وَ رَحُوبْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ.
32 وَ مِنْ قَبِيلَةْ نَفْتَالِي لِقَوْا قَدَشْ فِي الْجَلِيلْ مَدِينَةْ اللُّجُوءْ بِبَكَانَاتْهَا هَنَا السَّرْحَةْ وَ حَمُّوتْ دُورْ بِبَكَانَاتْهَا هَنَا السَّرْحَةْ وَ قَرْتَانْ بِبَكَانَاتْهَا هَنَا السَّرْحَةْ. وَ بِالْجُمْلَةْ 3 مُدُنْ. 33 وَ خَشُمْ بَيْت قِرْشُونْ بِالْجُمْلَةْ لِقَوْا 13 مُدُنْ بِبَكَانَاتْهُمْ هَنَا السَّرْحَةْ.
مُدُن خشُم بيت مَرَارِي
34 وَ اللَّاوِيِّينْ مِنْ خَشُمْ بَيْت مَرَارِي لِقَوْا مِنْ قَبِيلَةْ زَبُلُونْ يَقْنَعَامْ بِبَكَانَاتْهَا هَنَا السَّرْحَةْ وَ قَرْتَةْ بِبَكَانَاتْهَا هَنَا السَّرْحَةْ 35 وَ رِمُونَةْ بِبَكَانَاتْهَا هَنَا السَّرْحَةْ وَ نَحْلَالْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ.
36 وَ مِنْ قَبِيلَةْ رَأُوبِينْ صَبَاحْ غَادِي لِبَحَرْ الْأُرْدُنْ مُقَابِلْ أَرِيحَا لِقَوْا بَاصَرْ مَدِينَةْ لِلُجُوءْ الْكَاتِلْ الْقَاعِدَةْ فِي الصَّحَرَاء فِي الْكَدَادَةْ بِبَكَانَاتْهَا هَنَا السَّرْحَةْ، وَ يَهَاصْ بِبَكَانَاتْهَا هَنَا السَّرْحَةْ 37 وَ قَدِمُوتْ بِبَكَانَاتْهَا هَنَا السَّرْحَةْ وَ مِفَعَتْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ.
38 وَ مِنْ قَبِيلَةْ قَادْ أَنْطَوْا رَامُوتْ الْفِي قِلْعَادْ مَدِينَةْ اللُّجُوءْ لِلْكَاتِلْ بِبَكَانَاتْهَا هَنَا السَّرْحَةْ وَ مَحَنَايِمْ بِبَكَانَاتْهَا هَنَا السَّرْحَةْ 39 وَ حَشْبُونْ بِبَكَانَاتْهَا هَنَا السَّرْحَةْ وَ يَعْزِيرْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ. 40 وَ بِالْجُمْلَةْ عَدَدْ الْمُدُنْ الْأَنْطَوْهُمْ بِأَمْ عِيَيْدَاتْ لِلَّاوِيِّينْ مِنْ خَشُمْ بَيْت مَرَارِي 12 مُدُنْ.
41 وَ بِالْجُمْلَةْ عَدَدْ الْمُدُنْ الْأَنْطَوْهُمْ لِلَّاوِيِّينْ فِي لُبّ بَنِي إِسْرَائِيلْ 48 مُدُنْ بِبَكَانَاتْهُمْ هَنَا السَّرْحَةْ. 42 وَ أَيِّ وَاحِدَةْ مِنْ الْمُدُنْ دَوْل عِنْدَهَا بَكَانَاتْ هَنَا سَرْحَةْ.
43 وَ اللّٰهْ أَنْطَى بَنِي إِسْرَائِيلْ كُلَّ الْبَلَدْ الْهُو حَلَفْ لِجُدُودْهُمْ وَ قَالْ يَنْطِيهَا لَيْهُمْ. وَ هُمَّنْ شَالَوْهَا وَ قَعَدَوْا فَوْقهَا. 44 وَ اللّٰهْ أَنْطَاهُمْ الرَّاحَةْ مِنْ كُلِّ جِيهَةْ حَسَبْ الْحَلِيفَةْ الْحَلَفْ بَيْهَا لِجُدُودْهُمْ. وَ مِنْ كُلَّ عُدْوَانْهُمْ، وَاحِدْ كُلَ مَا قِدِرْ يِحَارِبْهُمْ وَ بَيْدَا، اللّٰهْ سَلَّمْ لَيْهُمْ كُلَّ عُدْوَانْهُمْ. 45 وَ مِنْ كُلَّ كَلَامْ الْخَيْر الْاللّٰهْ قَالَهْ لِبَنِي إِسْرَائِيلْ، مَا فِي كِلْمَةْ الْمَا أَلْحَقَّقَتْ. كُلَّ الْكَلَامْ دَا أَلْحَقَّقْ لَيْهُمْ.
© La Bible en arabe tchadien © Alliance biblique du Tchad, 2019
