خُروج 20 - Arabe tchadien (alphabet arabe) (ShuArab)

الوصايا العشرة

1 وَ الرَّبّ كَلَّمْ كُلَّ الْكَلَامْ دَا وَ قَالْ: 2 «أَنَا اللّٰهْ إِلٰـهَكْ بَسْ مَرَقْتَكْ مِنْ مَصِرْ بَلَدْ الْعُبُودِيَّةْ.

3 «مَا تَعَبُدْ إِلٰـهَاتْ آخَرِينْ إِلَّا أَنَا.

4 «مَا تَصْنَعْ صَنَمْ فِي أَيِّ حَجِمْ مِنْ الْأَشْيَاءْ الْقَاعِدِينْ فَوْق فِي السَّمَاءْ أَوْ تِحِتْ فِي الْأَرْض أَوْ فِي لُبّ الْأَلْمِي الْفِي الْأَرْض. 5 وَ مَا تَسْجُدْ قِدَّامْ الْأَصْنَامْ دَوْل وَ لَا تَعَبُدْهُمْ أَشَانْ أَنَا بَسْ اللّٰهْ إِلٰـهَكْ. أَنَا اللّٰهْ غَيُّورْ يَعْنِي مَا نِدَوْر تَعَبُدْ إِلٰـهْ آخَرْ. وَ أَنَا نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ كَنْ هُمَّنْ يَكْرَهَوْنِي. 6 وَ لَاكِنْ أَنَا نِسَوِّي الْخَيْر لِآلَافْ الذُّرِّيَّاتْ الْيِحِبُّونِي وَ يِطَبُّقُوا وَصِيَّاتِي.

7 «مَا تَحْلِفْ بِأُسْمِي أَنَا اللّٰهْ إِلٰـهَكْ بِكِدِبْ أَشَانْ الْيَحْلِفْ بِأُسْمِي بِكِدِبْ، أَنَا اللّٰهْ مَا نَجْعَلَهْ بَرِي.

8 «أَذَّكَّرْ يَوْم السَّبْت وَ أَجْعَلَهْ يَوْم مُقَدَّسْ. 9 إِنْتَ تَخْدِمْ لِمُدَّةْ سِتَّةْ يَوْم وَ تِكَمِّلْ كُلَّ خِدِمْتَكْ. 10 وَ لَاكِنْ الْيَوْم السَّابِعْ هُو سَبْت لَيِّ أَنَا اللّٰهْ إِلٰـهَكْ. فِي الْيَوْم دَا، مَا تَخْدِمْ أَيِّ شَيّءْ وَ لَا إِنْتَ وَ لَا أَوْلَادَكْ وَ لَا بَنَاتَكْ وَ لَا عَبِيدَكْ وَ لَا خَدِيمَكْ وَ لَا بَهَايْمَكْ وَ لَا الْأَجَانِبْ الْقَاعِدِينْ مَعَاكْ فِي حِلِّتَكْ. 11 أَشَانْ فِي سِتَّةْ يَوْم، اللّٰهْ خَلَقْ السَّمَاوَاتْ وَ الْأَرْض وَ الْبُحُورْ وَ كُلَّ شَيّءْ الْفِيهُمْ. وَ لَاكِنْ هُو مَا خَدَمْ فِي الْيَوْم السَّابِعْ. أَشَانْ دَا، هُو بَارَكْ الْيَوْم السَّابِعْ وَ جَعَلَهْ مُقَدَّسْ لَيَّهْ.

12 «كَرِّمْ أَمَّكْ وَ أَبُوكْ أَشَانْ عُمْرَكْ يَبْقَى طَوِيلْ فِي الْأَرْض النَّنْطِيهَا لَيْك أَنَا اللّٰهْ إِلٰـهَكْ.

13 «مَا تَكْتُلْ دِمَّةْ.

Découvrez 07 versets Bibliques sur le mariage

Le mariage est le fondement de la famille chrétienne. Un mari et une femme et, par la grâce de Dieu, ils ont la chance d’avoir des enfants. Que vous espériez vous marier un jour ou que vous soyez déjà marié, il est bon de consulter la Bible et d’apprendre ce qu’est le mariage. Le mariage est déjà mentionné dans la création. Que vous soyez déjà marié ou non, voici des versets bibliques pour vous guider dans ce que la Bible dit du mariage. Il existe de nombreuses tentations dans le monde. Être marié, c’est donner son amour et sa loyauté à son mari ou à sa femme. Dans un mariage chrétien, le mari doit aimer sa femme comme le Christ nous a aimés. Il s’agit d’aimer même lorsque ce n’est pas mérité, de manière inconditionnelle. L’amour entre mari et femme implique que le mari soit doux et se donne pour sa femme, et que la femme se soumette à son mari et le respecte. La loyauté et la confiance sont fondamentales dans toutes les relations. Dans le mariage, cela signifie renoncer à tous les autres et ne pas avoir d’autres relations intimes. Jésus nous a enseigné que ce n’est pas seulement l’acte d’adultère qui enfreint le commandement, mais aussi les pensées lubriques. Bien que ce verset parle de l’amour entre tous les chrétiens, il s’applique également au mari et à la femme. Pardonnez-vous les uns les autres et soyez gentils.

Plus

«مَا تَزْنَى.

15 «مَا تَسْرِقْ.

16 «مَا تَشْهَدْ بِكِدِبْ فِي أَيِّ وَاحِدْ مِنْ جِيرَانَكْ.

17 «مَا تِتْمَنَّى بَيْت جَارَكْ وَ لَا مَرْتَهْ وَ لَا عَبْدَهْ وَ لَا خَادْمَهْ وَ لَا تَوْرَهْ وَ لَا حُمَارَهْ وَ لَا أَيِّ شَيّءْ هَنَايَهْ.»

الشعب خافوا من اللّه

18 وَكِتْ كُلَّ الشَّعَبْ سِمْعَوْا حِسّ الرَّعَدْ وَ شَافَوْا الْبَرَّاقَةْ وَ سِمْعَوْا حِسّ الْبُوقْ وَ شَافَوْا الْجَبَلْ قَاعِدْ يِدَخِّنْ، هُمَّنْ رَجَفَوْا مِنْ الْخَوْف وَ وَقَفَوْا بَعِيدْ. 19 وَ قَالَوْا لِمُوسَى: «هَسَّعْ دَا، إِنْتَ بَسْ كَلِّمْ لَيْنَا وَ أَنِحْنَ نَسْمَعَوْك. أَشَانْ كَنْ الرَّبّ يِكَلِّمْ لَيْنَا دَا، أَنِحْنَ نُمُوتُوا!» 20 وَ مُوسَى قَالْ لِلشَّعَبْ: «مَا تَخَافَوْا! الرَّبّ جَاءْ لِيِجَرِّبْكُو وَ لِتَخَافَوْا مِنَّهْ وَ مَا تِسَوُّوا ذَنِبْ.» 21 وَ الشَّعَبْ وَقَفَوْا بَعِيدْ وَ لَاكِنْ مُوسَى قَرَّبْ وَ دَخَلْ فِي الضَّلَامْ الْبَكَانْ الْقَاعِدْ فَوْقَهْ الرَّبّ.

نِظام بُنى المدْبح

22 وَ اللّٰهْ قَالْ لِمُوسَى: «قُولْ لِبَنِي إِسْرَائِيلْ: ‹إِنْتُو بِنُفُوسْكُو شِفْتُوا كَدَرْ أَنَا كَلَّمْت لَيْكُو مِنْ السَّمَاءْ. 23 مَا تِسَوُّوا لَيْكُو إِلٰـهْ آخَرْ مَعَايِ وَ لَا مِنْ فُضَّةْ وَ لَا مِنْ دَهَبْ. أَبَداً مَا تِسَوُّوهْ. 24 أَبْنُوا لَيِّ مَدْبَحْ مِنْ تُرَابْ لِتِقَدُّمُوا لَيِّ فَوْقَهْ ضَحَايَا مُحَرَّقِينْ وَ ضَحَايَا سَلَامَةْ مِنْ غَنَمْكُو وَ بَقَرْكُو. وَ أَنَا نَجِي نِبَارِكُّو فِي كُلَّ بَكَانْ التِّنَادُوا فَوْقَهْ أُسْمِي. 25 كَنْ تَبْنُوا لَيِّ مَدْبَحْ هَنَا حَجَرْ، مَا تَبْنُوهْ بِالْحَجَرْ الْمَقْطُوعْ أَشَانْ الْحَدِيدْ التَّقْطَعَوْه بَيَّهْ مَا يِخَلِّيهْ يَبْقَى مُقَدَّسْ. 26 مَا تَطْلَعَوْا فِي الْمَدْبَحْ بِعَتَبَةْ أَشَانْ كَنْ طَلَعْتُوا، عَوْرِتْكُو تِقَابِلْ الْمَدْبَحْ.›»