1 وَ فِي الْيَوْم دَا،
سَبْعَةْ عَوِينْ يَكُرْبَنْ
رَاجِلْ وَاحِدْ وَ يُقُولَنْ:
«أَنِحْنَ مَا عِنْدِنَا رُجَالْ!
أَنِحْنَ بِنُفُوسْنَا نِفَتُّشُوا أَكِلْنَا
وَ نِفَتُّشُوا لُبَاسْنَا.
مِنْ فَضْلَكْ، قَصِّدْ أَبْقَى رَاجِلْنَا
وَ أَسْتُرْ عَيْبنَا!»
اللّه يحْمي الفضّلوا في المدينة
2 وَ فِي الْيَوْم دَا، بِذْرَةْ اللّٰهْ تِجِيبْ الْمَجْد
وَ الشَّرَفْ لِلْفَضَّلَوْا مِنْ بَنِي إِسْرَائِيلْ.
وَ إِنْتَاجْ الْأَرْض
يِجِيبْ الْفَرَحْ وَ الشَّرَفْ.
3 وَ خَلَاصْ، الْفَضَّلَوْا فِي صَهْيُون،
الْخَلَّوْهُمْ حَيِّينْ فِي مَدِينَةْ الْقُدُسْ،
يِنَادُوهُمْ مُخَصَّصِينْ.
أَيْوَى، كُلُّهُمْ اللّٰهْ كَتَبَاهُمْ
أَشَانْ يِعِيشُوا فِي مَدِينَةْ الْقُدُسْ.
4 وَ دَا، بَعَدْ الرَّبّ يِنَضِّفْ
وَسَاخَةْ بَنَاتْ صَهْيُون.
أَيْوَى، يِغَسِّلْ مَدِينَةْ الْقُدُسْ
مِنْ الدَّمّ الْفَوْقهَا
بِالْحُكُمْ وَ بِالنَّارْ.
5 اللّٰهْ يَخْلِقْ فِي كُلَّ بَكَانْ فِي جَبَلْ صَهْيُون
وَ فِي كُلَّ الْبَكَانَاتْ الْيِلِمُّوا فَوْقهُمْ
سَحَابَايْ وَ دُخَّانْ بِالنَّهَارْ.
وَ ضَيّ هَنَا نَارْ أَمْ بَلْبَالَةْ بِاللَّيْل
وَ مَجْد اللّٰهْ يِغَطِّي كُلَّ شَيّءْ.
6 وَ الْمَجْد دَا يَبْقَى
مِثِلْ لِقْدَابَةْ التَّنْطِي ضُلّ
وَ تَحْمِي مِنْ الْحَمُو
وَ مِنْ الرِّيحْ وَ الْمَطَرَةْ الشَّدِيدَةْ.
© La Bible en arabe tchadien © Alliance biblique du Tchad, 2019
