أرْض قبيلة أَفْرَايِم و مَنَسَّى
1 وَ قِسِمْ الْأَرْض هَنَا ذُرِّيَّةْ يُوسُفْ يَمْشِي مِنْ بَحَرْ الْأُرْدُنْ قَرِيبْ لِأَرِيحَا لَحَدِّي صَبَاحْ لِعَيْن أَرِيحَا وَ يَطْلَعْ عَلَيْ الصَّحَرَاء مِنْ أَرِيحَا لَحَدِّي جِبَالْ بَيْت إِيلْ. 2 وَ مِنْ بَيْت إِيلْ، الْحُدُودْ يَمْشُوا عَلَيْ لُوزْ وَ يُفُوتُوا بِحُدُودْ الْأَرْكِيِّينْ فِي عَطَرُوتْ. 3 وَ يَمْشُوا عَلَيْ حُدُودْ الْيَفْلِطِيِّينْ فِي الْغَرِبْ وَ لَحَدِّي حُدُودْ بَيْت حُرُونْ التِّحِتْ وَ لَحَدِّي قَازَرْ وَ لَحَدِّي خَشُمْ الْبَحَرْ الْأَبْيَضْ. 4 وَ ذُرِّيَّةْ يُوسُفْ الْهُمَّنْ قَبَايِلْ مَنَسَّى وَ أَفْرَايِمْ كُلَ لِقَوْا وَرَثَتْهُمْ.
5 وَ دَاهُو حُدُودْ الْأَرْض هَنَا قَبِيلَةْ أَفْرَايِمْ حَسَبْ خُشُومْ بُيُوتْهُمْ. مِنْ عَطَرُوتْ أَدَّارْ فِي الصَّبَاحْ، حُدُودْ وَرَثَتْهُمْ يِعَدُّوا بِبَيْت حُرُونْ الْفَوْق 6 وَ يَمْشُوا لَحَدِّي الْبَحَرْ الْأَبْيَضْ. وَ فِي الْمُنْشَاقْ، الْحُدُودْ يَمْشُوا عَلَيْ مِكْمَتَةْ وَ يِقَبُّلُوا صَبَاحْ عَلَيْ تَانَةْ شِيلَوْه وَ يَمْشُوا صَبَاحْ عَلَيْ يَنُوحْ. 7 وَ الْحُدُودْ دَوْل يَمْشُوا مِنْ يَنُوحْ لَحَدِّي عَطَرُوتْ وَ نَعَرَةْ وَ يَلْحَقَوْا أَرِيحَا وَ مِنْهَا لَحَدِّي بَحَرْ الْأُرْدُنْ. 8 وَ مِنْ تَفُوحْ، الْحُدُودْ يَمْشُوا غَرِبْ لَحَدِّي وَادِي قَانَةْ وَ يَقِيفُوا فِي الْبَحَرْ الْأَبْيَضْ. وَ دَا الْأَرْض اللِّقَوْا وَرَثَةْ قَبِيلَةْ أَفْرَايِمْ حَسَبْ خُشُومْ بُيُوتْهُمْ.
9 وَ فِي مُدُنْ آخَرِينْ الْأَنْطَوْهُمْ وَرَثَةْ لِقَبِيلَةْ أَفْرَايِمْ فِي أُسُطْ أَرْض قَبِيلَةْ مَنَسَّى وَ الْحِلَّالْ التَّابْعِينْ لِلْمُدُنْ دَوْل. 10 وَ لَاكِنْ مَا شَالَوْا أَرْض الْكَنْعَانِيِّينْ الْقَاعِدِينْ فِي قَازَرْ. وَ الْكَنْعَانِيِّينْ دَوْل قَاعِدِينْ يَسْكُنُوا فِي أُسُطْ قَبِيلَةْ أَفْرَايِمْ لَحَدِّي الْيَوْم وَ بِقَوْا عَبِيدْ يَخْدُمُوا لَيْهُمْ.
© La Bible en arabe tchadien © Alliance biblique du Tchad, 2019
