القِسِم الأنْطوه لقبيلة شِمْعُون
1 وَ الْقِسِمْ التَّانِي أَنْطَوْه لِقَبِيلَةْ شِمْعُونْ حَسَبْ خُشُومْ بُيُوتْهُمْ. وَ أَرْض وَرَثَتْهُمْ قَاعِدَةْ فِي أُسُطْ أَرْض وَرَثَةْ قَبِيلَةْ يَهُوذَا. 2 وَ التُّرَابْ اللِّقَوْه وَرَثَةْ عِنْدَهْ مُدُنْ بِيرْ سَبْعَةْ وَ شَبَعْ وَ مُلَادَةْ 3 وَ حَصَرْ شُوعَلْ وَ بَالَةْ وَ عَصَمْ 4 وَ أَلِتُولَدْ وَ بَطُولْ وَ حُرْمَةْ 5 وَ صِقْلَاقْ وَ بَيْت مَرْكَبُوتْ وَ حَصَرْ سُوسَةْ 6 وَ بَيْت لَبَوُوتْ وَ شَرُوحَيْن. وَ بِالْجُمْلَةْ 13 مُدُنْ وَ حِلَّالْهُمْ التَّابْعِينْ لَيْهُمْ. 7 وَ عَيْن وَ رِمُّونْ وَ عَاتَرْ وَ عَشَنْ. وَ بِالْجُمْلَةْ 4 مُدُنْ وَ حِلَّالْهُمْ التَّابْعِينْ لَيْهُمْ 8 وَ بَتَّانْ كُلَّ الْحِلَّالْ الْمُحَوِّقِينْ الْمُدُنْ دَوْل لَحَدِّي بَعَلَةْ بِيرْ يَعْنِي رَامَة الْجُنُوبْ. وَ دِي بَسْ أَرْض وَرَثَةْ هِنْت قَبِيلَةْ شِمْعُونْ حَسَبْ خُشُومْ بُيُوتْهُمْ. 9 وَ قِسِمْ هَنَا قَبِيلَةْ شِمْعُونْ شَالَوْه مِنْ أَرْض وَرَثَةْ هِنْت قَبِيلَةْ يَهُوذَا. أَشَانْ قِسِمْ هَنَا قَبِيلَةْ يَهُوذَا كَبِيرْ لَيْهُمْ زِيَادَةْ وَ بِمِثِلْ دَا بَسْ، قَبِيلَةْ شِمْعُونْ لِقَوْا أَرْضُهُمْ فِي أُسُطْ أَرْض وَرَثَةْ قَبِيلَةْ يَهُوذَا.
القِسِم الأنْطوه لقبيلة زَبُلُون
10 وَ الْقِسِمْ التَّالِتْ أَنْطَوْه لِقَبِيلَةْ زَبُلُونْ حَسَبْ خُشُومْ بُيُوتْهُمْ. وَ حُدُودْ أَرْض وَرَثَتْهُمْ يَمْشُوا لَحَدِّي سَارِيدْ. 11 مِنْ هِنَاكْ، حُدُودْهُمْ يَطْلَعَوْا عَلَيْ الْغَرِبْ لَحَدِّي مَرْعَلَةْ وَ يَلْحَقَوْا دَبَّاشَةْ وَ الْوَادِي الْمُقَابِلْ يَقْنَعَامْ. 12 وَ مِنْ سَارِيدْ، الْحُدُودْ يِقَبُّلُوا عَلَيْ الصَّبَاحْ لَحَدِّي تُرَابْ كِسْلُوتْ تَابُورْ وَ يَمْشُوا عَلَيْ دَبْرَةْ وَ يَطْلَعَوْا لَحَدِّي يَفِيعَ. 13 وَ مِنْ الْبَكَانْ دَا، الْحُدُودْ يَمْشُوا صَبَاحْ لَحَدِّي قَاتْ حِيفَرْ وَ عِتِّ قَاصِينْ. وَ مِنْهَا يَمْشُوا عَلَيْ رِمُّونْ وَ يِقَبُّلُوا عَلَيْ نِيْعَةْ. 14 وَ مِنْ الْمُنْشَاقْ، الْحُدُودْ يِحَوُّقُوا حَنَّاتُونْ وَ يَمْشُوا لَحَدِّي وَادِي يِفْتَحِيلْ. 15 وَ هُمَّنْ لِقَوْا الْمُدُنْ قَطَّاتْ وَ نَحْلَالْ وَ شِمْرُونْ وَ يِدَالَةْ وَ بَيْت لَحَمْ. وَ بِالْجُمْلَةْ 12 مُدُنْ وَ الْحِلَّالْ التَّابْعِينْ لَيْهُمْ. 16 وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ وَرَثَةْ قَبِيلَةْ زَبُلُونْ حَسَبْ خُشُومْ بُيُوتْهُمْ.
القِسِم الأنْطوه لقبيلة يَسَّاكَر
17 وَ الْقِسِمْ الرَّابِعْ أَنْطَوْه لِقَبِيلَةْ يَسَّاكَرْ حَسَبْ خُشُومْ بُيُوتْهُمْ. 18 وَ حُدُودْهُمْ يَمْشُوا عَلَيْ يَزْرَعِيلْ وَ كَسُلُوتْ وَ شُونَمْ 19 وَ حَفَرَايِمْ وَ شِيُونْ وَ أَنَحَرَتْ 20 وَ رَبِّيتْ وَ قِشْيُونْ وَ أَبِيسْ 21 وَ رَامَة وَ عَيْن قَنِّيمْ وَ عَيْن حَدَّةْ وَ بَيْت فَصِيصْ. 22 وَ الْحُدُودْ يِوَصُّلُوا عَلَيْ تَابُورْ وَ شَحْصِيمَةْ وَ بَيْت شَمْس وَ يَمْشُوا لَحَدِّي بَحَرْ الْأُرْدُنْ. وَ بِالْجُمْلَةْ 16 مُدُنْ وَ حِلَّالْهُمْ التَّابْعِينْ لَيْهُمْ. 23 وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ وَرَثَةْ قَبِيلَةْ يَسَّاكَرْ حَسَبْ خُشُومْ بُيُوتْهُمْ.
القِسِم الأنْطوه لقبيلة أَشِير
24 وَ الْقِسِمْ الْخَامِسْ أَنْطَوْه لِقَبِيلَةْ أَشِيرْ حَسَبْ خُشُومْ بُيُوتْهُمْ. 25 وَ حُدُودْهُمْ فِي حَلْقَةْ وَ حَلِي وَ بَاطَنْ وَ أَكْشَافْ 26 وَ أَلَّمَلِكْ وَ عَمْعَادْ وَ مِشَالْ. فِي الْغَرِبْ، يَمْشُوا مِنْ جَبَلْ الْكَرْمَلْ لَحَدِّي شِيحُورْ لِبْنَةْ 27 وَ يِقَبُّلُوا صَبَاحْ عَلَيْ بَيْت دَقُون وَ يَمْشُوا عَلَيْ حُدُودْ قَبِيلَةْ زَبُلُونْ وَ وَادِي يِفْتَحِيلْ مُنْشَاقْ لِبَيْت عِمَقْ وَ نَعِيلْ. وَ يَمْشُوا عَلَيْ جِيهَةْ كَابُولْ 28 وَ عَلَيْ عَبْدُونْ وَ رَحُوبْ وَ حَمُّونْ وَ قَانَةْ لَحَدِّي صَيْدَا الْكَبِيرَةْ. 29 وَ الْحُدُودْ يِقَبُّلُوا عَلَيْ الرَّامَةْ وَ لَحَدِّي مَدِينَةْ صُورْ الْقَوِيَّةْ. وَ الْحُدُودْ يِقَبُّلُوا لَحَدِّي حُوسَا وَ الْبَحَرْ الْأَبْيَضْ وَ يُفُوتُوا بِمَحْلَبْ وَ أَكْزِيبْ 30 وَ أُمَّةْ وَ أَفِيقْ وَ رَحُوبْ. وَ بِالْجُمْلَةْ 22 مُدُنْ وَ حِلَّالْهُمْ التَّابْعِينْ لَيْهُمْ. 31 وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ أَرْض وَرَثَةْ قَبِيلَةْ أَشِيرْ حَسَبْ خُشُومْ بُيُوتْهُمْ كُلَّ.
القِسِم الأنْطوه لقبيلة نَفْتَالِي
32 وَ الْقِسِمْ السَّادِسْ أَنْطَوْه لِقَبِيلَةْ نَفْتَالِي حَسَبْ خُشُومْ بُيُوتْهُمْ. 33 وَ حُدُودْهُمْ يَمْشُوا مِنْ حِيلَفْ وَ الشَّدَرْ الْكُبَارْ هَنَا صَعْنَنِيمْ وَ أَدَامِي نَقَبْ وَ يَبْنِيِيلْ لَحَدِّي لَقُومْ وَ يَقِيفُوا فِي بَحَرْ الْأُرْدُنْ. 34 وَ مِنْ الْغَرِبْ، الْحُدُودْ يِقَبُّلُوا لَحَدِّي أَزْنُوتْ تَابُورْ وَ مِنْهَا يَمْشُوا لَحَدِّي حُوقُقْ وَ لَحَدِّي تُرَابْ قَبِيلَةْ زَبُلُونْ فِي الْجُنُوبْ وَ لَحَدِّي تُرَابْ قَبِيلَةْ أَشِيرْ فِي الْغَرِبْ وَ يَهُوذَا قَرِيبْ لِبَحَرْ الْأُرْدُنْ عَلَيْ صَبَاحْ. 35 وَ الْمُدُنْ الْقَوِيِّينْ هُمَّنْ سِدِّيمْ وَ سِيرْ وَ حَمَّتْ وَ رَقَتْ وَ كِنَارَتْ 36 وَ أَدَمَةْ وَ الرَّامَةْ وَ حَاصُورْ 37 وَ قَدَشْ وَ إِدْرَعِي وَ عَيْن حَاصُورْ 38 وَ يِرْوُون وَ مِقْدَلِيلْ وَ حُورِيمْ وَ بَيْت عَنَاةْ وَ بَيْت شَمْس. وَ بِالْجُمْلَةْ 19 مُدُنْ وَ حِلَّالْهُمْ التَّابْعِينْ لَيْهُمْ. 39 وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ وَرَثَةْ قَبِيلَةْ نَفْتَالِي حَسَبْ خُشُومْ بُيُوتْهُمْ.
القِسِم الأنْطوه لقبيلة دَان
40 وَ الْقِسِمْ السَّابِعْ أَنْطَوْه لِقَبِيلَةْ دَانْ حَسَبْ خُشُومْ بُيُوتْهُمْ. 41 وَ حُدُودْ أَرْض وَرَثَتْهُمْ صَرْعَةْ وَ أَشْتَوُولْ وَ عِيرْ شَمْس 42 وَ شَعَلْبِينْ وَ أَيَّلُونْ وَ يِتْلَةْ 43 وَ إِيلُونْ وَ تِمْنَةْ وَ عَقْرُونْ 44 وَ إِلِتَقَى وَ قِبَّتُونْ وَ بَعَلَةْ 45 وَ يِهُودْ وَ بَنِي بَرَقْ وَ قَاتْ رِمُّونْ 46 وَ أَلْمِي يَرْقُونْ وَ رَقُونْ وَ التُّرَابْ الْمُقَابِلْ يَافَا. 47 وَ لَاكِنْ قَبِيلَةْ دَانْ مَا قِدْرَوْا يَلْقَوْا تُرَابْهُمْ. وَ فِي شَانْ دَا، هُمَّنْ قَمَّوْا ضِدّ سُكَّانْ لَشَمْ حَارَبَوْهُمْ وَ كَتَلَوْهُمْ بِالْسَّيْف وَ شَالَوْا حِلِّتْهُمْ مِنْهُمْ. وَ قَعَدَوْا فَوْقهَا وَ سَمَّوْهَا دَانْ بِأُسُمْ جِدُّهُمْ. 48 وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ وَرَثَةْ قَبِيلَةْ دَانْ حَسَبْ خُشُومْ بُيُوتْهُمْ.
القِسِم الأنْطوه ليَشُوع
49 وَ بَعَدْ قَسَّمَوْا أَرْض وَرَثَتْهُمْ بِكُلَّ حُدُودْهَا، بَنِي إِسْرَائِيلْ أَنْطَوْا أَرْض لِيَشُوعْ وِلَيْد نُونْ فِي أُسُطْهُمْ. 50 وَ حَسَبْ كَلَامْ اللّٰهْ، هُمَّنْ أَنْطَوْه الْمَدِينَةْ الْهُو دَوَّرَاهَا يَعْنِي تِمْنَةْ سَارَحْ فِي جِبَالْ أَفْرَايِمْ. وَ هُو بَنَاهَا وَ سَكَنْ فَوْقهَا.
51 وَ دَا بَسْ قِسِمْ الْأَرْض السَّوَّوْه رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ شُيُوخْ عَايِلَاتْ قَبَايِلْ بَنِي إِسْرَائِيلْ بِأَمْ عِيَيْدَاتْ. سَوَّوْه بِأَمْ عِيَيْدَاتْ قِدَّامْ اللّٰهْ فِي شِيلَوْه فِي مَدَخَلْ خَيْمَةْ الْإِجْتِمَاعْ. وَ بِمِثِلْ دَا، هُمَّنْ قَسَّمَوْا الْبَلَدْ.
© La Bible en arabe tchadien © Alliance biblique du Tchad, 2019
