عَدد 6 - Arabe tchadien (alphabet arabe) (ShuArab)

النادم اليخصِّص نفْسه للّه

1 وَ اللّٰهْ حَجَّى لِمُوسَى وَ قَالْ: 2 «حَجِّي لِبَنِي إِسْرَائِيلْ وَ قُولْ لَيْهُمْ الْكَلَامْ دَا. أَيِّ رَاجِلْ أَوْ مَرَةْ كَنْ يِعَاهِدْ اللّٰهْ بِنَذِرْ أَشَانْ يِخَصِّصْ نَفْسَهْ لَيَّهْ، 3 النَّادُمْ دَا مَا يَشْرَبْ خَمَرْ هَنَا عِنَبْ وَ لَا أَيِّ شَرَابْ الْبِسَكِّرْ. وَ مَا يَشْرَبْ شَرَابْ حَامُضْ هَنَا عِنَبْ وَ لَا شَرَابْ حَامُضْ هَنَا أَيِّ شَرَابْ الْبِسَكِّرْ وَ لَا يَشْرَبْ عَصِيرْ هَنَا عِنَبْ وَ لَا يَاكُلْ عِنَبْ لَيِّنْ وَ لَا يَابِسْ. 4 وَ فِي كُلَّ أَيَّامْ نَذْرَهْ، النَّادُمْ دَا أَبَداً مَا يَاكُلْ أَكِلْ مَارِقْ مِنْ عِيَالْ شَدَرَةْ الْعِنَبْ حَتَّى مِنْ قِشِرْهُمْ وَ لَا عِيَالْهُمْ الدَّاخَلْ كُلَ.

5 «وَ فِي كُلَّ أَيَّامْ نَذْرَهْ، النَّادُمْ دَا مَا يِزَيِّنْ رَاسَهْ. وَ وَكِتْ يِخَصِّصْ نَفْسَهْ لِلّٰهْ، وَاجِبْ يِخَلِّي صُوفْ رَاسَهْ يِزِيدْ لَحَدِّي يِتِمّ أَيَّامْ نَذْرَهْ. 6 وَ فِي كُلَّ أَيَّامْ نَذْرَهْ لِلّٰهْ، النَّادُمْ دَا أَبَداً مَا يَمْشِي فِي بَكَانْ نَادُمْ مَيِّتْ. 7 حَتَّى كَانْ الْمَيِّتْ دَا أَبُوهْ أَوْ أَمَّهْ أَوْ أَخُوهْ أَوْ أَخْتَهْ كُلَ، هُو مَا يِنَجِّسْ بَيَّهْ نَفْسَهْ. أَشَانْ الشَّعَرْ الْقَاعِدْ فِي رَاسَهْ دَا يِوَصِّفْ نَذْرَهْ مَعَ الرَّبّ. 8 وَ فِي كُلَّ أَيَّامْ نَذْرَهْ، هُو يَبْقَى خَاصّ لِلّٰهْ.

9 «وَ كَنْ فَجْأَةً نَادُمْ مَاتْ جَنْبَهْ، هُو يِنَّجَّسْ وَ نَذْرَهْ كُلَ. وَ يِطَّهَّرْ فِي الْيَوْم السَّابِعْ وَ فِي الْيَوْم دَا بَسْ، يِزَيِّنْ رَاسَهْ. 10 وَ فِي الْيَوْم التَّامِنْ، يِجِيبْ قِمْرِيْ إِتْنَيْن أَوْ فُرُوخْ حَمَامْ إِتْنَيْن لِرَاجِلْ الدِّينْ فِي مَدَخَلْ خَيْمَةْ الْإِجْتِمَاعْ. 11 وَ رَاجِلْ الدِّينْ يِقَدِّمْ الْوَاحِدْ ضَحِيَّةْ لِكَفَّارَةْ الذَّنِبْ وَ الْآخَرْ ضَحِيَّةْ مُحَرَّقَةْ. وَ دَا يَبْقَى كَفَّارَةْ لِلذَّنِبْ الْهُو سَوَّاهْ بِسَبَبْ الْمَيِّتْ وَ فِي نَفْس الْيَوْم هُو بَتَّانْ يِخَصِّصْ رَاسَهْ. 12 وَ يِخَصِّصْ نَفْسَهْ مِنْ جَدِيدْ لِلّٰهْ لَحَدِّي يِتِمّ نَذْرَهْ. وَ يِجِيبْ خَرُوفْ وَلْد سَنَةْ وَ يِقَدِّمَهْ ضَحِيَّةْ لِكَفَّارَةْ الْخَطَا. وَ الْأَيَّامْ الْفَاتَوْا مَا يَحْسِبْهُمْ أَشَانْ نَذْرَهْ الْأَوَّلْ دَا أَنَّجَّسْ خَلَاصْ.

13 «وَ دَاهُو قَانُونْ النَّذِرْ. وَكِتْ النَّادُمْ دَا يِتِمّ نَذْرَهْ، يِوَدُّوهْ فِي مَدَخَلْ خَيْمَةْ الْإِجْتِمَاعْ. 14 وَ يِوَدِّي مَعَايَهْ هَدِيَّةْ لِلّٰهْ. وَ الْهَدِيَّةْ دِي، مُكَوَّنَةْ مِنْ خَرُوفْ وَلْد سَنَةْ الْمَا عِنْدَهْ أَيِّ عَيْب لِيِقَدِّمَهْ ضَحِيَّةْ مُحَرَّقَةْ وَ غَنَمَايْ بِنْت سَنَةْ الْمَا عِنْدَهَا أَيِّ عَيْب لِيِقَدِّمْهَا هَدِيَّةْ لِكَفَّارَةْ الذَّنِبْ وَ كَبِشْ الْمَا عِنْدَهْ أَيِّ عَيْب لِيِقَدِّمَهْ ضَحِيَّةْ سَلَامَةْ 15 وَ قُفَّةْ الْعِنْدَهَا كَعَكْ السَّوَّوْه بِدَقِيقْ بَلَا تَوَّارَةْ مُخَلْبَطْ بِدِهِنْ وَ كِسَارْ مَمْسُوحْ بِدِهِنْ وَ هَدَايَا آخَرِينْ الْوَاحِدْ هَنَا دَقِيقْ وَ الْآخَرْ هَنَا شَرَابْ. 16 وَ رَاجِلْ الدِّينْ يِوَدِّي كُلَّ الْهَدَايَا دَوْل قِدَّامْ اللّٰهْ وَ يِقَدِّمْهُمْ ضَحِيَّةْ لِكَفَّارَةْ الذَّنِبْ وَ ضَحِيَّةْ مُحَرَّقَةْ. 17 وَ الْكَبِشْ هُو يِقَدِّمَهْ لِلّٰهْ ضَحِيَّةْ السَّلَامَةْ مَعَ الْقُفَّةْ الْعِنْدَهَا كَعَكْ بَلَا تَوَّارَةْ. وَ بَتَّانْ رَاجِلْ الدِّينْ يِقَدِّمْ هَدِيَّةْ هَنَا دَقِيقْ وَ هَدِيَّةْ هَنَا شَرَابْ.

18 «وَ النَّادُمْ السَّوَّى النَّذِرْ يِزَيِّنْ رَاسَهْ فِي مَدَخَلْ خَيْمَةْ الْإِجْتِمَاعْ وَ يِشِيلْ شَعَرْ رَاسَهْ وَ يَزْقُلَهْ فِي النَّارْ وَكِتْ هِي قَاعِدَةْ تِنَجِّضْ ضَحِيَّةْ السَّلَامَةْ. 19 وَ رَاجِلْ الدِّينْ يِشِيلْ الْقَايْمَةْ الْقِدَّامِيَّةْ هَنَا الْكَبِشْ وَكِتْ تَنْجَضْ وَ يِشِيلْ مِنْ الْقُفَّةْ كَعَكَايْ بَلَا تَوَّارَةْ وَ يِشِيلْ كِسَارَايْ وَ يُخُطُّهُمْ فِي إِيدَيْن النَّادُمْ السَّوَّى النَّذِرْ بَعَدْ زَيَّنْ رَاسَهْ. 20 وَ رَاجِلْ الدِّينْ يَرْفَعْ الْهَدَايَا دَوْل قِدَّامْ اللّٰهْ. وَ دَا يَبْقَى حَقّ مُقَدَّسْ لِرَاجِلْ الدِّينْ يِزِيدَهْ فِي الْهَدِيَّةْ الْمَرْفُوعَةْ هَنَا الزَّوْر وَ الْقَايْمَةْ الْوَرَّانِيَّةْ الْوَاجِبْ لَيَّهْ. وَ بَعَدْ دَا، النَّادُمْ السَّوَّى النَّذِرْ يَقْدَرْ يَشْرَبْ خَمَرْ مِثِلْ أَوَّلْ.

21 «وَ خَلَاصْ دَا قَانُونْ النَّادُمْ الْيِعَاهِدْ اللّٰهْ بِنَذِرْ. هُو يِقَدِّمْ الْهَدِيَّةْ لِلّٰهْ مِثِلْ هُو قَالَهْ فِي نَذْرَهْ وَ كَنْ يِزِيدْ عَلَيْهَا شَيّءْ آخَرْ كُلَ مَا مُشْكِلَةْ. لَاكِنْ هُو يِسَوِّيهْ حَسَبْ مُعَاهَدَتَهْ الْهُو سَوَّاهَا وَ حَسَبْ قَانُونْ النَّذِرْ.»

اللّه أنْطى كلِمات البركة

22 وَ اللّٰهْ حَجَّى لِمُوسَى وَ قَالْ: 23 «حَجِّي لِهَارُونْ وَ أَوْلَادَهْ وَ قُولْ لَيْهُمْ كَنْ يِبَارُكُوا بَنِي إِسْرَائِيلْ، خَلِّي يُقُولُوا مِثِلْ دَا:

Découvrez 07 versets bibliques sur la paix

Le mot hébreu traduit par « paix » est « shalom ». Il signifie plus que le contraire d’un conflit. Il s’agit d’être complet et en sécurité. C’est pourquoi nous ne pouvons trouver la paix qu’en Dieu. Sans Dieu, nous ne sommes ni complets ni en paix. Vous avez le choix dans votre vie. En cas de conflit, cherchez-vous la paix ? Faites le premier pas et tendez la main à toute personne avec laquelle vous n’êtes pas en paix et cherchez la paix. Être un artisan de la paix est une bénédiction et un bonheur. En tant qu’enfants de Dieu, nous sommes appelés à rechercher la paix. Nous savons qu’il y a des conflits et des fauteurs de troubles dans le monde. Mais la Bible nous dit de faire ce que nous pouvons pour vivre en paix avec tout le monde. Lorsque vous marchez avec Dieu dans la paix, tout est différent. Il peut y avoir des conflits autour de vous, mais les conflits et les problèmes du monde ne peuvent pas vaincre la paix de Dieu. Travaillez activement pour la paix, non seulement dans votre propre intérêt, mais aussi pour édifier les autres autour de vous. La Bible vous souhaite, ainsi qu’à tous, de connaître la paix. Que Dieu soit avec vous, afin que votre vie soit paisible et complète. La bénédiction sacerdotale nous dit qu’en présence de Dieu, il y a la paix. Cherchez Dieu et vous le trouverez. Que Dieu vous bénisse.

Plus

‹اللّٰهْ يِبَارِكُّو

وَ يَحْفَضْكُو.

25 اللّٰهْ يِوَجِّهْ عَلَيْكُو نُورْ وِجْهَهْ

وَ يَرْحَمْكُو.

26 اللّٰهْ يَرْضَى بَيْكُو

وَ يَنْطِيكُو السَّلَامْ.›

27 وَ الْكَلِمَاتْ دَوْل يِثَبُّتُوا أُسْمِي فِي بَنِي إِسْرَائِيلْ وَ أَنَا نِبَارِكْهُمْ.»