1 الْحَمْدُ للّٰهْ!
أَحْمُدُوا، يَا عَبِيدْ اللّٰهْ!
أَحْمُدُوا أُسُمْ اللّٰهْ!
2 خَلِّي يِمَجُّدُوا أُسُمْ اللّٰهْ
مِنْ الْيَوْم وَ إِلَى الْأَبَدْ.
3 خَلِّي يَحْمُدُوا أُسُمْ اللّٰهْ
مِنْ بَكَانْ طَلُوعْ الْحَرَّايْ
لَحَدِّي بَكَانْ وَقُوعْهَا.
4 اللّٰهْ قَادِرْ فَوْق كُلَّ الْأُمَمْ
وَ مَجْدَهْ عَالِي مِنْ السَّمَاوَاتْ.
5 يَاتُو الْيِشَابِهْ اللّٰهْ إِلٰـهْنَا؟
هُو قَاعِدْ فِي الْعَالِي
6 وَ يِشِيفْ السَّمَاوَاتْ فَوْق
وَ الْأَرْض تِحِتْ.
7 وَ هُو يِقَوِّمْ الْمِسْكِينْ مِنْ التُّرَابْ
وَ يَرْفَعْ الْفَقْرِي مِنْ الرُّمَادْ.
8 مَعَ الشُّيُوخْ يِقَعِّدْهُمْ،
يِقَعِّدْهُمْ مَعَ شُيُوخْ شَعَبَهْ.
9 وَ يَنْطِي عِيَالْ لِلْعَاقْرَةْ
وَ يِقَعِّدْهَا فِي أُسُطْ عِيَالْهَا بِفَرَحْ.
الْحَمْدُ للّٰهْ!
© La Bible en arabe tchadien © Alliance biblique du Tchad, 2019
