غِنَيْ هَنَا الْحَجّ لِمَدِينَةْ الْقُدُسْ
1 وَ نَرْفَعْ عُيُونِي وَ نِشِيفْ الْجِبَالْ،
مِنْ وَيْن يَجِينِي الْفَزَعْ؟
2 الْفَزَعْ يَجِينِي مِنْ اللّٰهْ،
خَالِقْ السَّمَاوَاتْ وَ الْأَرْض!
3 يَا أَخُويِ، اللّٰهْ يِثَبِّتْ خَطْوَاتْ رِجْلَكْ،
هُو حَافِضَكْ مَا يُنُومْ.
4 أَيْوَى، هُو مَا يُنُومْ وَ لَا يَنْعَسْ كُلَ،
هُو حَافِضْ بَنِي إِسْرَائِيلْ.
5 اللّٰهْ حَافِضَكْ
وَ اللّٰهْ ضُلَّكْ بِإِيدَكْ الزَّيْنَةْ.
6 وَ يَحْفَضَكْ مِنْ حَرَّايِةْ النَّهَارْ
وَ مِنْ قَمَرْ اللَّيْل.
7 وَ اللّٰهْ يَحْفَضَكْ مِنْ كُلَّ شَيّءْ فَسِلْ،
هُو يَحْفَضْ حَيَاتَكْ.
8 وَ مِنْ الْيَوْم لِقِدَّامْ،
اللّٰهْ يَحْفَضَكْ فِي مَرِقِينَكْ وَ جَيْتَكْ.
© La Bible en arabe tchadien © Alliance biblique du Tchad, 2019
