غِنَيْ هَنَا الْحَجّ لِمَدِينَةْ الْقُدُسْ، مَزْمُورْ لِدَاوُدْ
1 «كَنْ اللّٰهْ مَا كَانْ مَعَانَا»،
خَلِّي بَنِي إِسْرَائِيلْ يُقُولُوهْ!
2 «كَنْ اللّٰهْ مَا كَانْ مَعَانَا
وَكِتْ النَّاسْ قَمَّوْا ضِدِّنَا،
3 وَ وَكِتْ زَعَلْهُمْ فَارْ،
يَاكُلُونَا بَلَا نَارْ
4 وَ الْأَلْمِي يِغَطِّينَا
وَ الشَّلَّالْ يِطَمِّسْنَا
5 وَ الْمَوْج الشَّدِيدْ يُفُوتْ فِي رَاسْنَا.»
6 الْحَمْدُ للّٰهْ!
هُو مَا دَسَّانَا مِثِلْ لُقْمَةْ فِي سُنُونْهُمْ!
7 وَ مِثِلْ طَيْرَايْ، أَنْبَلَصْنَا
مِنْ شَرَكْ الْقَنَّاصِيِّنْ.
الشَّرَكْ أَنْقَطَعْ
وَ أَنِحْنَ أَنْبَلَصْنَا.
8 الْفَزَعْ يَجِينَا مِنْ اللّٰهْ،
خَالِقْ السَّمَاوَاتْ وَ الْأَرْض!
© La Bible en arabe tchadien © Alliance biblique du Tchad, 2019
